Mika 2:7 - BAIBLO ALOO NGMAMI KLƆUKLƆU Ɔ

⁷ Anɛ o susu kaa a gbiɛ Israel ma a lo? Anɛ Yawɛ tsui si tomi ɔ ta lo? Anɛ e maa pee ní nɛ ɔmɛ niinɛ lo? Anɛ nihi nɛ peeɔ nɔ́ nɛ da a, e wui mɛ ga kpakpa lo?”

Mika 2:7 ပူးပေါင်းရင်းမြစ်များ

La 119:65

Yawɛ, o ye o siwo ɔ nɔ, o kɛ imi, o tsɔlɔ ɔ ye saminya.

La 119:68

O hi, nɛ o peeɔ kpakpa saminya! Moo tsɔɔ mi o mlaa amɛ.

La 15:2

Nɔ nɛ piami ko be e he, nɛ e peeɔ nɔ́ nɛ da. Nɔ nɛ tuɔ anɔkuale sisiisi,

La 18:26

Nihi nɛ a he tsɔ ɔ, o jeɔ o he si kɛ tsɔɔ mɛ kaa o he tsɔ. Se yiwutsotsɛmɛ lɛɛ o ha we mɛ hɛ mi kulaa.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Abɛ Womi 10:29

Nihi nɛ peeɔ nɔ́ nɛ da a, Yawɛ buu a he; yayami peeli lɛɛ e kpataa a hɛ mi.

Abɛ Womi 10:9

Nɔ nɛ yeɔ anɔkuale ɔ, e he mi jɔɔ lɛ. Nɔ nɛ yi anɔkuale lɛɛ nine maa gbe lɛ.

Abɛ Womi 14:2

Ke o peeɔ nɔ́ nɛ da a, lɔ ɔ tsɔɔ kaa o yeɔ Yawɛ gbeye. Se ke o yi anɔkuale ɔ, lɔ ɔ tsɔɔ kaa o ngɛ e he guɛ gbee.

Abɛ Womi 2:7

Nihi nɛ peeɔ nɔ́ nɛ da, nɛ a yeɔ anɔkuale ɔ, Yawɛ piɛɔ a he, nɛ e baa a yi.

Abɛ Womi 28:18

Nɔ nɛ yeɔ anɔkuale ɔ, a ma he e yi wami. Se nɔ nɛ ní peemi níhi dɛ ɔ, lɛɛ e maa nɔ muɔ mi tlukaa.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Yeremia 15:16

O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.

Yeremia 2:4

Nyɛ Yakob nina, kɛ Israel wɛtsohi tsuo, nyɛɛ bu Yawɛ sɛ gbi tue.

Hosea 14:9

Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Mika 3:9

Nyɛ Israel ma nɔ yeli! Nyɛ nihi nɛ nyɛ yi dami sane, nɛ nyɛ plɛɔ dami sane hɛ mi ngɔ buɔ si! Nyɛɛ bu mi tue!

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Mose IV, 11:23

Yawɛ bi Mose ke, “Anɛ nɔ́ nɛ ɔ pe Yawɛ, nɛ e be nyɛe maa pee lo? Si nɛ i wo ɔ, e maa ba mi jio, e be mi bae jio, o maa na piɔ.”

Mateo 3:8

Nyɛɛ pee níhi nɛ tsɔɔ kaa nyɛ tsake nyɛ tsui.

Yohane 8:39

A he nɔ ke, “Wɔɔ lɛɛ wa tsɛ ji Abraham.” Yesu de mɛ ke, “Abraham nina ji nyɛ jinɛ nyɛ maa pee níhi nɛ Abraham pee ɔ nɔuu.

Romabi 7:13

Lɛɛ nɔ́ kpakpa a plɛ pee gbenɔ ha mi lo? Dɛbi! Yayami lɛ kɛ enɛ ɔ ba; e gu nɔ́ kpakpa a nɔ ha gbenɔ ba na mi, konɛ bɔ nɛ yayami su ngɛ nitsɛnitsɛ ɔ nɛ je kpo paa nɛ a na. Lɔ ɔ he ɔ, mlaa a haa yayami jeɔ kpo paa kaa nɔ́ ko nɛ hí kulaa.

2 Korintobi 6:12

Wɔɔ lɛɛ wa je wa suɔmi kpo ha nyɛ; nyɛ lɛ nyɛ gbo we wa nɔ.

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.