Mika 2:6 - BAIBLO ALOO NGMAMI KLƆUKLƆU Ɔ

⁶ Ma a de mi ke, “O kɛ wɔ nɛ ko tu munyu kaa kikɛ nɛ ɔ. Ko de ní nɛ ɔmɛ nɛ waa nu. Mawu be wa hɛ mi si puee.

Mika 2:6 ပူးပေါင်းရင်းမြစ်များ

Amos 2:12

Se nyɛ ha nɛ Nazir bi ɔmɛ nu dã, nɛ a puɛ kɔ; gbali ɔmɛ hu, nyɛ wo mɛ mlaa ke a ko de ye sɛ gbi ɔ. Ye ma Israel, anɛ nɔ́ nɛ ɔ be mi lo? Imi Yawɛ lɛ i ngɛ nyɛ bie!

Yesaya 30:10

A deɔ gbali ɔmɛ ke, “Nyɛ ko na ní; nyɛɛ gba ní kpakpahi mohu ha wɔ. Nyɛɛ kɛ wɔ nɛ tu munyu nɛ maa ngɔ ngɛ wa tue mi; ke sisimi munyuhi pohu wa suɔ.

Ni Tsumi 5:40

A tsɛ bɔfo ɔmɛ kɛ ba, nɛ a ha nɛ a fia mɛ kpa. A bɔ mɛ kɔkɔ hulɔ ke a ko fiɛ kɛ Yesu biɛ hu; kɛkɛ nɛ a ngmɛɛ a he.

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Ni Tsumi 5:28

E bi mɛ ke, “Tse wa fia nyɛ tue mi veveeve ke nyɛ ko ngɔ Yesu biɛ kɛ tsɔɔ ní hu? Se nyɛɛ hyɛ nɔ́ nɛ nyɛ pee! Nyɛ ha nɛ nihi tsuo nɛ ngɛ Yerusalem ɔ nu nyumu nɛ ɔ he sane nɛ nyɛ ngɛ hlae nɛ nyɛɛ tsɔɔ kaa wɔ nɛ wa gbe lɛ!”

Ni Tsumi 4:17

Se kɛ̃ ɔ, bɔ nɛ pee nɛ munyu ɔ ko gbɛ fĩa fuu ko hu ngɛ ma a mi he je ɔ, nyɛ ha waa bɔ mɛ kɔkɔ ke a ko ngɔ Yesu biɛ kɛ tsɔɔ ní hu.”

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Amos 7:13

Se Betel ma nɛ ɔ mi lɛɛ o be hie nɛ o kɛ gba hu gblegbleegble. Ejakaa hiɛmɛ nɛ ɔ lɛ matsɛ ɔ jaa Mawu ngɛ; hiɛmɛ nɛ ɔ ji ma a tsuo a jami he klɔuklɔu.”

Ezekiel 21:2

“Nɔmlɔ adesa, plɛ o hɛ mi kɛ kpee Yerusalem. Fiɛ tsɔɔ he klɔuklɔu ɔ, nɛ o gba kɛ si Israel zugba a ke,

Ezekiel 20:46

“Nɔmlɔ adesa, plɛ o hɛ mi kɛ kpee leneyi je, nɛ o fiɛ kɛ si lejɛ ɔ. Gbaa kɛ si hue nɛ ngɛ leneyi je zugba a nɔ ɔ.

Ezekiel 3:26

Ma ha nɛ o lilɛ maa mɛtɛ o nya mi; o ma pee mumui, nɛ o be nyɛe maa tu munyu kɛ ka atuã tsɔli nɛ ɔmɛ a hɛ mi.

La 74:9

Wa pa nɛ okadi ko hu; gbalɔ ko gbalɔ ko be hu. Nɔ ko nɔ ko hu li be nɛ nɔ́ nɛ ɔ se maa po.

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Amos 7:16

Lɔ ɔ he ɔ, nyɛɛ bu nɔ́ nɛ Yawɛ ngɛ dee ɔ tue. Nyɛ ke ma kpa gbami, nɛ ma ko tu munyu kɛ si Israel ma a hu.

Mika 3:6

“Nyɛ ligbi ɔ nya ta, nɛ du miɔ nɛ e ma bu nyɛ. Nyɔ mi ɔ, nyɛ be ní nae hu; ke diblii wo ɔ, nyɛ be klaae hu.” Yawɛ lɛ de.