kɛ ya si Yawɛ je e hɛ ngɛ a he kaa bɔ nɛ e de to kɛ gu e tsɔli gbali ɔmɛ a nɔ ɔ. Lɔ ɔ he ɔ, a ngɔ Israel bi ɔmɛ nyɔguɛ kɛ je mɛ nitsɛmɛ a zugba a nɔ kɛ ho Asiria ya; nɛ a ngɛ lejɛ ɔ kɛ ba si mwɔnɛ ɔ.
Nihi 642 nɛ ji Delaya, Tobia, kɛ Nekoda a weku li nɛ kpale kɛ je Tel Mela, Tel Harsha, Kerub, Adon, kɛ Imer ma amɛ a mi kɛ ba a, mɛɛ a nyɛ we nɛ a tsɔɔ a sipoku tutuutu kaa Israel bi ji mɛ.
Mose de Israel bi ɔmɛ ke, “Zugba a nɛ nyɛ maa fɔ sɔ kɛ dla ha nyɛ he ɔ ji nɛ ɔ nɛ; enɛ ɔ ji zugba a nɛ Yawɛ wo si kaa e maa ngɔ kɛ ha wɛtso nɛɛ kɛ fa amɛ ɔ a nɛ.
“Ke nyumu kɛ yo tsu we gba si himi kusumi, nɛ a fɔ bi ɔ, bi nɛ ɔ be he blɔ nɛ e futuu Yawɛ ma a mi bi ɔmɛ a kpe mi kɔkɔɔkɔ. Yi nɔhi nɛ maa ba ngɛ e se kɛ yaa si nyɔngmane ɔ po be he blɔ.
Nyɛɛ hla nyumuhi etɛ kɛ je wɛtso tsuaa wɛtso mi. Ma tsɔ mɛ nɛ a ya kpa zugba a tsuo nɔ. Zugba a he nɛ a maa suɔ nɛ e pee a weto ní ɔ, a pee e he womi kɛ ba ha mi.