Mika 2:4 - BAIBLO ALOO NGMAMI KLƆUKLƆU Ɔ

⁴ Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Mika 2:4 ပူးပေါင်းရင်းမြစ်များ

Samuel II, 1:17

David la aywilɛho la nɛ ɔ kɛ nyɛ ya ha Saul kɛ e bi Yonatan,

Kronika II, 35:25

Gbalɔ Yeremia hu po kɔmɔ yemi la ko ngɛ Matsɛ Yosia he. Nɛ kɛ je jamɛ a be ɔ kɛ ba si mwɔnɛ ligbi nɛ ɔ, lali ɔmɛ tsuo, nyumuhi kɛ yihi laa la nɛ ɔ nɛ a kɛ kaiɔ e gbenɔ ɔ. Nɔ́ nɛ ɔ ba plɛ pee kusumi ngɛ Israel. La nɛ ɔ piɛ kɔmɔ yemi asilɛhi nɛ a bua nya a a he.

Hiob 27:1

I na Mawu Ope nɛ hɛ ngɛ ɔ, nɔ nɛ kua dami sane yemi ha mi, nɛ e ha nɛ i na amanehlu kikɛ nɛ ɔ,

Yesaya 14:4

Ke Yawɛ pee enɛ ɔ, nyɛ Israel bi ɔmɛ hu nyɛ maa ye Babilonia matsɛ ɔ he fɛu ke, “Matsɛ yiwutsotsɛ ɔ nɔ si! E be nɔ ko nɔ ko yi mi wae hu.

Yesaya 24:3

Zugba a kɛ e nɔ níhi tsuo a hɛ mi ma kpata pɛsɛpɛsɛ. Yawɛ lɛ de.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Yeremia 6:12

A wehi, a zugbahi, kɛ a yihi ma plɛ pee ni kpahi a níhi, ejakaa ma gbla zugba nɛ ɔ nɔ bi ɔmɛ a tue.

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Yeremia 9:16

Ma gbɛ mɛ ngɔ fĩa je mahi nɛ a kɛ a nɛmɛ ɔmɛ tsuo nui a he hyɛ ɔ a nɔ, nɛ ma ha nɛ ta maa nyɛɛ a se hluu kɛ yaa si ma kpata a hɛ mi pɛsɛpɛsɛ.”

Ezekiel 16:44

Yawɛ ke, “Yerusalem, abɛ nɛ nɔ tsuaa nɔ maa bu kɛ si mo ji, ‘Biyo, o je o nyɛ pɛ!’

Ezekiel 2:10

E bli womi ɔ mi kɛ fɔ si. A ngma ní ngɛ womi ɔ hɛ mi, kɛ e se tsuo. Kɔmɔ yemi, huu fami, kɛ awe nyami munyuhi lɛ ngɛ mi.

Yoel 1:13

Nyɛ osɔfohi nɛ nyɛ sɔmɔɔ ngɛ bɔ sami la tɛ ɔ he, nyɛɛ ha kpekpe ya bo, nɛ nyɛɛ wo yana! Nyɛɛ ya Mawu we ɔ mi, nɛ nyɛ ya ye kɔmɔ nyɔnyɔɔnyɔ tsuo. Ejakaa niye ní be ɔ, wai hu be nɛ nyɛɛ kɛ maa sã bɔ ha nyɛ Mawu ɔ.

Yoel 1:8

Nyɛ nya awe kaa bɔ nɛ yomiyo nyɛɛ ya kɛ haa nyumu nɛ na we nɛ e kpee lɛ loko e gbo ɔ.

Amos 5:1

Israel ma, nyɛɛ bu kɔmɔ yemi la nɛ ɔ nɛ imi Amos, i ngɛ lae ha nyɛ ɔ tue:

Amos 5:17

Nihi maa wo yana ngɛ wai ngmɔ ɔmɛ tsuo a mi, se pi kaa a maa muɔ. Ke i ba nɛ ma ba gbla nyɛ tue ɔ, ní nɛ ɔmɛ tsuo maa ba mi.” Yawɛ lɛ de.

Mika 1:15

Maresha bi, Yawɛ ma je nyɛ kɛ wo he nyɛli komɛ a dɛ mi, nɛ a maa ngɔ nyɛ ma a. Israel ma nimeli kɛ a hɛ mi nyami ɔ ma ya laa a he ngɛ Adulam tɛ puɔ ɔ mi.

Mika 1:8

Kɛkɛ nɛ Mika de ke, “Nɔ́ nɛ ɔ he je ɔ, ma nya awe, nɛ ma ye kɔmɔ. Ma hɛɛ ye he gu, nɛ ma nyɛɛ nane gu. Ma huã kaa nga mi gbe, nɛ ma nya awe kaa afukpɔngɔ.

Mika 2:10

Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

Habakuk 2:6

Nihi nɛ a ye a nɔ mohu maa ye kunimi yeli ɔmɛ a he fɛu, nɛ a maa muɔ mɛ. A ma de ke, “Musu tloo nihi nɛ ngɔɔ níhi nɛ pi a nɔ kɛ peeɔ a nɔ! Kɛ yaa si mɛni be po nyɛ maa hi awaba níhi kpɔe ngɛ níhi a dɛ konɛ nyɛ ná ní?”

Zefania 1:2

Yawɛ ke, “Ma kpata nɔ́ tsuaa nɔ́ hɛ mi ngɛ je ɔ mi:

Mose IV, 23:18

Kɛkɛ nɛ gba gbi nɛ ɔ je Balaam nya ke, “Zipor bi Balak, moo bu nɔ́ nɛ ma de mo ɔ tue!

Mose IV, 23:7

Kɛkɛ nɛ gba gbi nɛ ɔ je Balaam nya, nɛ e de ke, “Moab matsɛ, Balak ya kpee mi kɛ je Aram tɔɔ. E kpee mi kɛ je beleku yo ɔmɛ a nɔ, nɛ e de mi ke, ‘Ba nɛ o ba gbiɛ Yakob ha mi, nɛ o tu munyu kɛ si Israel!’

Mose IV, 24:15

Kɛkɛ nɛ gba gbi nɛ ɔ ba e nya, nɛ e de ke, “Beor binyumu Balaam sɛ gbi ji nɛ ɔ nɛ. Nyumu ɔ nɛ hyɛɛ nɔ́ saminya a sɛ gbi ji nɛ ɔ nɛ.

Mose IV, 24:3

Kɛkɛ nɛ Mawu mumi ɔ ba e nɔ, nɛ gba gbi nɛ ɔ je e nya ke, “Beor binyumu Balaam sɛ gbi ji nɛ ɔ nɛ. Nyumu ɔ nɛ hyɛɛ nɔ́ saminya a sɛ gbi ji nɛ ɔ nɛ.

Marko 12:12

Yuda ma nimeli ɔmɛ pee kaa a maa nu Yesu, ejakaa a le kaa a he nɛ e bu kikɛmɛ a abɛ nɛ ɔ nɛ. Se a ngɛ ma kpekpemi ɔ gbeye yee; lɔ ɔ he ɔ, a si lɛ nɛ a je.

Mose V, 28:29

Nyɛ maa hi si tataae piani katakata kaa nɔ nɛ hyɛ we nɔ́, nɛ nyɛ be blɔ nae. Nyɛ nɔ́ ko nɔ́ ko be nɔ yae? A maa wa nyɛ yi mi, nɛ a maa fia nyɛ ojo be tsuaa be; se nyɛ be nɔ ko nae nɛ maa je ngmlaa ha nyɛ.