Mika 2:3 - BAIBLO ALOO NGMAMI KLƆUKLƆU Ɔ

³ Enɛ ɔ he je ɔ, Yawɛ ke, “I to nɛ i kɛ haomi maa ba nyɛ nɔ, nɛ nyɛ he be mi jee. Ke haomi nɛ ɔ na ba nyɛ nɔ ɔ, nyɛ be nyɛ he nɔ woe hu gblegbleegble.

Mika 2:3 ပူးပေါင်းရင်းမြစ်များ

Yesaya 29:20

Yiwutsotsɛmɛ, nihi nɛ bui Mawu, kɛ yayami peeli tsuo a hɛ mi ma kpata.

Yesaya 3:16

Yawɛ ke, “Hyɛ bɔ nɛ Yerusalem yi ɔmɛ ngɛ a he tsɔɔe ha! Ke a ngɛ nyɛɛe ɔ, a woɔ a hɛ mi nɔ kɛ hii kɔɔhiɔ mi fue. Basabasa peemi pɛ a suɔ be tsuaa be. A hiaa a nane bitibiti kɛ kɔsɔɔ, nɛ a nane si ga amɛ hii pɛe ngmleingmlei.

Yesaya 5:19

Nyɛ deɔ ke, “Nɔ́ nɛ Yawɛ de ke e maa pee ɔ, ha nɛ e pee esɔ, konɛ waa na. Ha nɛ Israel Mawu klɔuklɔu ɔ nɛ tsu níhi nɛ e to e yi mi kaa e ma tsu ɔ; nyɛ ha nɛ waa hyɛ nɔ́ nɛ ngɛ e juɛmi mi.”

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 27:12

I tu munyu nɛ ɔ kɛ̃ kɛ tsɔɔ Yuda matsɛ, Zedekia ke, “Nyɛɛ ba nyɛ he si ha Babilonia matsɛ ɔ. Nyɛ sɔmɔ lɛ kɛ e ma a, nɛ nyɛ yi ma na wami.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 36:23

Ke Yehudi kane womi ba fa etɛ, loo eywiɛ gbe nya pɛ matsɛ ɔ kɛ ha bi ko po mɛ, kɛkɛ e sake kɛ wo la mi ngɛ ngɛyu ɔ mi. Matsɛ ɔ ya nɔ nɛ e pee ja hluu kɛ ya si womi kpo ɔ tsuo pɛpɛɛpɛ sã.

Yeremia 43:2

Benɛ i gbe nya a, Hoshaya bi Azaria, Karea bi Yohanan, kɛ nyumuhi he nɔ woli kpa amɛ tsuo de mi ke, “Lakpa munyu o ngɛ tue nɛ ɔ nɛ. Yawɛ, wa Mawu ɔ tsɔ we mo ke o ba de wɔ ke wa ko ya hi Egipt.

Yeremia 8:3

Ke e ba mi ja, ma yayami nɛ ɔ mi bi nɛ a yi ma na wami ngɛ hehi nɛ ma sake mɛ ngɔ pue ɔ, a maa suɔ kaa a ma gbo mohu pe nɔ́ nɛ a maa hi je mi. Imi, Yawɛ Tabohiatsɛ ɔ lɛ i de.”

Kɔmɔ Yemi 1:14

“E ngɔ ye he yayami ɔmɛ tsuo kɛ to, nɛ e fi kaa tlomi; kɛkɛ nɛ e ngɔ tloo mi. E jiɔ tsɔ ha mi; e ngɛ mi gbee! Nyɔmtsɛ ɔ ngɔ mi kɛ wo he nyɛli nɛ a he wa pe mi a dɛ mi, nɛ peepee ko kulaa be ye he.

Kɔmɔ Yemi 2:17

Nɔ́ ko nɛ Yawɛ de ke e maa pee ɔ, amlɔ nɛ ɔ, e pee. Yawɛ kpata wa hɛ mi pɛsɛpɛsɛ kaa bɔ nɛ e de to be ko ke e maa pee ɔ. E ha nɛ wa he nyɛli ɔmɛ ye wa nɔ, nɛ a bua jɔ a he kaa wa hɛ mi kpata.

Kɔmɔ Yemi 5:5

A woɔ wɔ kuɛ pã tso, nɛ a haa wa tsuɔ ní kpakpataa; nɛ ke pɔ tɔ wɔ ɔ, a ha we nɛ wa jɔɔ wa he.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Amos 2:14

Nyɛ kpɛti nihi nɛ a he sɔɔ po be nyɛe nɛ a tu fo kɛ je. Nihi nɛ a he wa a ma gbɔjɔ; nɛ ta buli ɔmɛ be nyɛe nɛ a he mɛ nitsɛmɛ a yi wami.

Amos 3:1

Nyɛ Israel bi! Nyɛ ma a tsuo nɛ Yawɛ je kɛ je Egipt zugba a nɔ ɔ, nyɛɛ bu nɔ́ nɛ Yawɛ ngɛ dee ngɛ nyɛ he ɔ tue.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Amos 5:13

Lɔ ɔ he ɔ, ní lelɔ ɔ, nɔ́ nɛ sa nɛ e pee ngɛ kikɛmɛ a be yaya nɛ ɔmɛ a mi ji, e ma e nya nɛ e ko tu munyu.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Romabi 16:4

Ye he ɔ, e piɛ nguɛ nya nɛ a sake a he lo ngɔ fɔ he. I ngɛ mɛ si nae saminya; ee, pi imi kɛkɛ, se ma je li ɔmɛ asafo ɔmɛ tsuo ngɛ mɛ si nae.

Efesobi 5:16

Nɔ́ tsuaa nɔ́ nɛ hia kaa a pee ɔ, nyɛɛ pee; ejakaa be nɛ wa ngɛ mi nɛ ɔ, adesa yi mi wa saminya.

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.