Mika 2:2 - BAIBLO ALOO NGMAMI KLƆUKLƆU Ɔ

² A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Mika 2:2 ပူးပေါင်းရင်းမြစ်များ

Matsɛmɛ I, 21:1

Nyumu ko nɛ a tsɛɛ lɛ Nabot ngɛ wai ngmɔ ko ngɛ Matsɛ Ahab we ɔ kasa nya haa ngɛ Yezreel.

Matsɛmɛ II, 9:26

‘Niinɛ, hiɛ benɛ i na Nabot kɛ e binyumu ɔmɛ a muɔ ɔ nɛ pueɔ si ɔ, i wo si kaa ja i gbla o tue ngɛ zugba nɛ ɔ nɔuu nɔ. Imi Yawɛ lɛ i de!’ Lɔ ɔ he ɔ, ngɔɔ Yoram gbogboe ɔ nɛ o ya sake ngɔ fɔ jamɛ a zugba a nɔ kaa bɔ nɛ Yawɛ de to ɔ!”

Hiob 31:38

Ke ye zugba a, aloo ngmɔ nɛ i pee ngɛ zugba a nɔ ɔ maa po ye nya

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Yesaya 3:14

Yawɛ kɛ ma nimeli, kɛ ganɔ ɔmɛ lɛ na sane ɔ nɛ. Munyu nɛ e kɛ ba po a nya ji nɛ ɔ nɛ: “Nyɛ kpata wai ngmɔ ɔmɛ a hɛ mi, nɛ níhi nɛ nyɛ kpɔ ngɛ ohiatsɛmɛ a dɛ ɔ, nyɛ ngɔ kɛ to nyɛ wehi a mi.

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yeremia 22:17

Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Ezekiel 18:12

e waa ohiatsɛmɛ kɛ dɛgutsɛmɛ yi mi, e fiaa nihi ojo, e kpale we nɔ́ nɛ a kɛ ba to awaba kɛ ha we nɔtsɛ, e jaa amagahi, e peeɔ ní hiemi níhi,

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.

Ezekiel 22:13

“Lɔ ɔ he ɔ, ma tsɛ̃ ye nguɛ nya ngɛ ojo nɛ a ngɛ yee, kɛ muɔ si nɛ a ngɛ puee ɔ he.

Ezekiel 33:26

Nyɛ hiaa klaate kɛ woɔ nyɛ sibi a he. Nyɛ tsuɔ níhi nɛ a hiee babauu; nyɛ tsuo pɛpɛɛpɛ nyɛ puɛɔ gba. Mɛni kulaa lɛ haa nyɛ susuɔ kaa nyɛ nɔ́ ji zugba a?

Ezekiel 45:9

Yawɛ ke, “Nyɛ Israel ganɔhi, e hiɛ oo e hiɛ! Nyɛ kpa amimi kɛ awi yemi! Nyɛɛ ye dami sane, nɛ nyɛɛ pee nɔ́ nɛ da. Nyɛ ko fie ye ma a kɛ je a zugba nɔ hu. Imi, Nyɔmtsɛ Yawɛ lɛ i de.

Ezekiel 46:18

Ganɔ ɔ nɛ ngɔ lɛ nitsɛ e blɔ fami nɔ́ kɛ ha e bimɛ; se ye ma mi bi ɔmɛ lɛɛ a ko kpɔ nɔ ko weto ní ngɛ e dɛ.”

Ezekiel 8:17

Jehanɛ, Yawɛ de mi ke, “Nɔmlɔ adesa, tse o na enɛ ɔ hulɔ! Anɛ ní hiemi níhi nɛ Yuda ma a ngɛ pee ngɛ hiɛmɛ nɛ ɔ pi ha mɛ lolo lo? Hyɛ, a ngɛ yi wu tso níhi pee tsɔ ngɛ zugba a nɔ. Anɛ pi ye mi mi la nɛ a ngɛ woe wawɛɛ nɛ ɔ? A ngɔ ní nɛ ɔmɛ kɛ ba sɛ ye we ɔ mi nitsɛ tɔɔ! A ngɛ tsɔɔe kaa a bui mi fɛɛ, pi jã?

Amos 2:7

Nyɛ niatsɛmɛ ɔmɛ hlaa kaa a ye ohiatsɛmɛ amimi daa; ke ohiatsɛ ngɛ amanehlu mi, kɛkɛ niatsɛ bua jɔ. Nɔ kɛ e tsɛ po kɛ nyɔguɛ yo kake naa bɔmi, nɛ a kɛ nɔ́ nɛ ɔ peemi bleɔ ye biɛ klɔuklɔu ɔ.

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Amos 8:4

Nyɛ jua yeli nɛ nyɛ kpɔɔ níhi ngɛ dɛgutsɛmɛ a dɛ, nɛ nyɛ hlaa kaa nyɛ ma kpata ohiatsɛmɛ nɛ ngɛ zugba a nɔ ɔ a hɛ mi, nyɛɛ bu tue!

Mika 3:9

Nyɛ Israel ma nɔ yeli! Nyɛ nihi nɛ nyɛ yi dami sane, nɛ nyɛ plɛɔ dami sane hɛ mi ngɔ buɔ si! Nyɛɛ bu mi tue!

Mika 6:12

Niatsɛmɛ nɛ ngɛ nyɛ kpɛti ɔ sisiɔ ohiatsɛmɛ ɔmɛ, nɛ nyɛ tsuo pɛpɛɛpɛ ɔ, lakpatsɛmɛ ji nyɛ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

1 Timoteo 6:10

Ejakaa sika suɔmi ji yayamihi tsuo a sipoku. Ni komɛ kɛ hɛdɔ ya di sika se, nɛ a ngmɛɛ a hemi kɛ yemi ɔ he. Nɔ́ nɛ je mi kɛ ba kɛkɛ ji tsui yemi babauu.