Mika 2:13 - BAIBLO ALOO NGMAMI KLƆUKLƆU Ɔ

¹³ Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Mika 2:13 ပူးပေါင်းရင်းမြစ်များ

Mose II, 14:19

Kɛkɛ nɛ Mawu bɔfo ɔ nɛ nyɛɛ Israel tabo ɔ hɛ mi ɔ plɛ ya je a se. Bɔku titima a je a hɛ mi, nɛ e ho ya je a se blɔ,

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 51:12

Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Yesaya 52:12

Jehanɛ lɛɛ e hia we kaa nyɛ maa ye esɔ kɛ hia blɔ; nyɛ be fo tue kɛ je. Ejakaa Yawɛ, Israel Mawu ɔ maa nyɛɛ nyɛ hɛ mi ngɛ he tsuaa he nɛ nyɛ yaa a, nɛ e maa bu nyɛ he.

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Hosea 2:2

Israel bi ngɛ kaa imi Mawu, ye bimɛ. E ngɛ mi kaa i kɛ Israel be bɔmi kaa nɔ kɛ e yo hu lɛɛ, se kɛ̃ ɔ, nyɛɛ kɛ lɛ nɛ tu, konɛ e kpa gba puɛmi kɛ yahomi ɔ.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Mika 2:12

“Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”

Mika 3:1

Nyɛ Israel ma a nɔ yeli, nyɛɛ bu tue! Nyɛ blɔ nya ji kaa nyɛɛ ye dami sane,

Mika 4:7

Akpaketsɛmɛ ɔmɛ, kɛ ni nɛmɛ nɛ ngɛ ma se lokoo ɔ, ma kpale mɛ kɛ ba we ekohu; nɛ ma pee mɛ ma agbo. Ma hi Zion Yo ɔ nɔ kɛ ye matsɛ ngɛ a nɔ, kɛ maa je jamɛ a be ɔ mi, kɛ maa ya neneene.” Yawɛ lɛ de.

Zakaria 10:12

Ma ha ye ma a he wami he; nɛ a maa nyɛɛ ngɛ ye biɛ mi.” Yawɛ lɛ de.

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

Yoshua 3:6

Jehanɛ, e de osɔfo ɔmɛ ke a tloo somi daka a kɛ nyɛɛ ma a hɛ mi. A pee bɔ nɛ Yoshua de mɛ ɔ.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”