Mika 2:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

Mika 2:10 ပူးပေါင်းရင်းမြစ်များ

Mose V, 12:9

ejakaa zugba a nɛ Yawɛ, nyɛ Mawu ɔ kɛ ngɛ nyɛ hae nɛ nyɛ maa hi si ngɛ nɔ ngɛ tue mi jɔmi mi ɔ, nyɛ sui nɔ lolo.

La 106:38

A pue nihi nɛ pee we yayami a muɔ si; mɛ nitsɛmɛ a binyumuhi, kɛ a biyihi po a ngɔ mɛ kɛ sã bɔ ha Kanaan wɔhi; nɛ a kɛ muɔ ble zugba a.

Yeremia 10:18

Yawɛ ke, “Jehanɛ lɛɛ ma sake nimli ɔmɛ nɛ ngɛ zugba nɛ ɔ nɔ ɔ ngɔ fɔ he kaa bɔ nɛ a fɔɔ tɛ ɔ. Ma hao mɛ kɛ yaa si a maa nu he.”

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

La 95:11

Ye mi mi wo la, nɛ i ka kita ke, ‘He nɛ i to nɛ a ya jɔɔ a he ngɛ ɔ, ke a nane ma lejɛ ɔ fii!’ ”

Kronika II, 7:20

lɛɛ ma je ye ma, Israel kɛ maa je zugba a nɛ i ha mɛ ɔ nɔ. We nɛ ɔ nɛ i pee lɛ klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa ye e he fɛu, nɛ a maa hie lɛ.

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Mose V, 30:18

lɛɛ i ngɛ nyɛ dee mwɔnɛ ɔ ke ma kpata nyɛ hɛ mi. Zugba nɛ ngɛ Yordan pa a se nɛ nyɛ yaa ngɔ ɔ, nyɛ se be kɛe ngɛ nɔ.

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.

Yeremia 3:2

Wo o yi nɔ nɛ o hyɛ yoku kpataa amɛ a nɔ. Anɛ he ko ngɛ nɛ a kɛ mo hwɔɛ ngɛ lo? O ya hiɔ si ngɛ blɔ tue kɛ hii o suɔli blɔ hyɛe. Mo nɔ kake o ya hiɔ si ja, kaa Arabia no ngɛ nga kplanaa nɔ. O kɛ yahomi, kɛ ní yayamihi peemi ble zugba a.

Ezekiel 36:17

E ke, “Nɔmlɔ adesa, benɛ Israel bi ɔmɛ ngɛ a zugba a nɔ ɔ, a ngɔ a ní peemi níhi, kɛ a blɔ yaya amɛ kɛ ble lejɛ ɔ. A je mi bami nɛ a kɛ ble a he ɔ ngɛ kaa bɔ nɛ yo nɛ ku nine nɛ e he tsɔ we ngɛ ɔ pɛpɛɛpɛ.

Ezekiel 36:19

I gbla a tue, nɛ i gbɛ mɛ ngɔ fĩa zugba a nɔ tsuo ngɛ a je mi bami, kɛ a ní peemi yaya amɛ a he.