Mika 1:9 - BAIBLO ALOO NGMAMI KLƆUKLƆU Ɔ

⁹ Samaria ma mi bi ɔmɛ a he pa a be tsa ba; Yuda hu miɔ nɛ e maa sɛ jamɛ a haomi ɔ nɔuu mi. Lɔ ɔ ji kaa hɛ mi kpatami su ye ma, Yerusalem agbo ɔ nya.”

Mika 1:9 ပူးပေါင်းရင်းမြစ်များ

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

Yesaya 36:1

Yuda matsɛ, Hezekia yi nɔ jeha nyɔngma kɛ eywiɛne ɔ, Asiria matsɛ, Senakerib ba tua Yuda mahi nɛ a fia gbogbo ngɔ wo a he ɔ, nɛ e ngɔ ma amɛ.

Yesaya 36:2

Lɔ ɔ se ɔ, e fa e we asafoatsɛ nɔkɔtɔma kɛ e ta buli babauu kɛ je Lakish ke a ya Yerusalem nɛ a ya de Matsɛ Hezekia ke e ha yi. Asafoatsɛ ɔ kɛ e ta a ba da si ngɛ yiti je taku ɔ nyu dɔ ɔ he, ngɛ gbɛjegbɛ ɔ nɔ kɛ yaa ní a he fɔli ɔmɛ a ní tsumi he ɔ.

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Yeremia 46:11

Egipt ma, nyɛɛ ya Gilead nɛ nyɛ ya hla tsopa ngɛ lejɛ ɔ! Tsopahi babauu nɛ nyɛ ngɛ pee ɔ he be se nami; nyɛ be he wami nae.

Mika 1:12

Marot bi ɔmɛ ngɛ blɔ hyɛe kaa a ma ba kpɔ mɛ, se Yawɛ ngɔ haomi kɛ ba su Yerusalem agbo ɔ nya haa.

Mika 6:13

Lɔ ɔ he ɔ, i je sisi bɔni nyɛ tue gblami momo; ma kpata nyɛ hɛ mi ngɛ nyɛ yayami ɔmɛ a he.

Nahum 3:19

Tsa ba ko be ha o plaami ɔmɛ, nɛ o pa a kle. Nihi tsuo nɛ maa nu o hɛ mi kpatami ɔ he ɔ, a bua maa jɔ, nɛ a maa fia a dɛ. Yi wu tso níhi babauu nɛ o pee ɔ, anɛ nɔ ko ngɛ nɛ e he je mi lo?