Mika 1:8 - BAIBLO ALOO NGMAMI KLƆUKLƆU Ɔ

⁸ Kɛkɛ nɛ Mika de ke, “Nɔ́ nɛ ɔ he je ɔ, ma nya awe, nɛ ma ye kɔmɔ. Ma hɛɛ ye he gu, nɛ ma nyɛɛ nane gu. Ma huã kaa nga mi gbe, nɛ ma nya awe kaa afukpɔngɔ.

Mika 1:8 ပူးပေါင်းရင်းမြစ်များ

Yesaya 22:4

Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

Yesaya 21:3

Nɔ́ nɛ i na, kɛ nɔ́ nɛ i nu nɛ ɔ wo ye he gbeye wawɛɛ nitsɛ, nɛ ye he mi hia mi kaa yo nɛ nu kɔɔmi.

Yesaya 16:9

Amlɔ nɛ ɔ lɛɛ, i ngɛ ya foe ha Sibma wai ngmɔ ɔmɛ kaa bɔ nɛ i fo ha Yazer ɔ. Ye vo nyu ɔmɛ ngɛ si puee ngɛ Heshbon kɛ Eleale ma amɛ a he; ejakaa ngmɔ ɔmɛ a hɛ mi kpata, nɛ ní kpali a ngmlaa hoo hu se po.

Yesaya 13:21

Se nga mi lohwehi maa bu si ngɛ lejɛ ɔ, nɛ a we ɔmɛ a mi ma hyi tɔ kɛ lohwehi nɛ ngɛ pɛe hoo. Lejɛ ɔ ji he nɛ dugumahi maa bu si ngɛ, nɛ nibɔ níhi kɛ a he gbeyegbeye: yi je kaa nɔmlɔ, kɛ a nane kaa lohwe maa do ngɛ lejɛ ɔ.

La 102:6

I pee kaa okpoku ngɛ nga nɔ, loo klomi ngɛ we doku mi.

Hiob 30:29

I plɛ pee nga mi gbehi a nyɛmi, kɛ klomihi a huɛ.

Samuel I, 19:24

E jé e he tade ɔmɛ, nɛ e do nɛ e kpa huhui ngɛ Samuel hɛ mi, nɛ e hɛɛ e he gu jamɛ a ligbi ɔ piani kɛ nyɔ mi tsuo. Nɛ nɔ́ nɛ ɔ ba pee nɔ́ ko nɛ a kɛ tuɔ munyu “Anɛ Saul hu ba plɛ pee gbalɔ lo?”

Yesaya 13:22

Ogbeteehi maa hi pɛe ngɛ a mɔ ɔmɛ a mi, kɛ nga mi gbehi hu ngɛ a tsu saminyawiiwi ɔmɛ a mi. Babilon be ɔ su jehanɛ. Be bɔbɔyoo pɛ nɛ piɛ ha lɛ; e ligbi ɔmɛ a nya ta.”

Yesaya 32:11

Nyɛ yihi nɛ nyɛ he mi jɔ nyɛ, nɛ haomi ko be nyɛ nɔ, jehanɛ lɛɛ nyɛɛ ye gbeye, nɛ nyɛ he nɛ do blibliibli! Nyɛ kpa bo ngɛ nyɛ he, nɛ nyɛɛ hɛɛ nyɛ he gu. Nyɛɛ ngɔ kpekpe ya bo kɛ fi nyɛ mlɛ mi.

Ezekiel 32:18

E ke, “Nɔmlɔ adesa, ye kɔmɔ ha Egipt ma kpekpemi ɔ tsuo. Ngɔɔ a kɛ je ma amɛ nɛ a hɛ mi ngɛ nyami ɔ kɛ ya zugba a sisi tɔɔ kɛ ya piɛ nihi nɛ ngɛ gbeje ɔ a he.

Mika 2:4

Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Matsɛmɛ II, 18:13

Matsɛ Hezekia yi nɔ jeha nɛ ji nyɔngma kɛ eywiɛ ɔ mi ɔ, Asiria matsɛ, Senakerib ba tua Yuda mahi tsuo nɛ a fia gbogbo ngɔ wo a he ɔ, nɛ e ngɔ ma amɛ.

Ester 4:1

Benɛ Mordekai na le níhi tsuo nɛ a pee ɔ, e kɛ hía e tade ɔmɛ ngɛ e he. E ha kpekpe ya bo, nɛ e muɔ la zu ngɔ pue e yi mi; kɛkɛ nɛ e je kpo kɛ nyɛɛ ma a mi kɛ ya boboobo, hluu