Mika 1:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ Yawɛ ke, “Ma ha nɛ Samaria maa pee kaa kuku ngɛ nga nɔ, he nɛ a ma du wai tsohi ngɛ. Ma kpɛne tɛhi ngɛ ma a mi kɛ wo kɔ̃ ɔ mi, nɛ ma a sisi tomi ɔ maa je kpo.

Mika 1:6 ပူးပေါင်းရင်းမြစ်များ

Samuel II, 17:13

Ke e ba mi kaa e tu fo kɛ ho ma ko mi ya a, Israel tsuo maa ngɔ kpahi, nɛ wa maa gbla ma a kɛ ya wo kɔ̃ ɔ mi kɛ yaa si a be tɛ kake po nae ngɛ lejɛ ɔ.”

Matsɛmɛ II, 18:10

Jeha etɛ se ɔ, e ngɔ ma a. Benɛ a ngɔ Samaria a, jamɛ a be ɔ mi ɔ, Hezekia ná jeha ekpa momo ngɛ e sɛ ɔ nɔ, nɛ Israel matsɛ, Hoshea hu na jeha nɛɛ.

Matsɛmɛ II, 18:9

Yuda matsɛ, Hezekia yi nɔ jeha eywiɛne nɛ ji Israel matsɛ, Hoshea, Ela binyumu ɔ yi nɔ jeha nɛ ji kpaago ɔ mi ɔ, Asiria matsɛ, Shalmaneser ba tua Samaria, nɛ e sa ma a yi.

Matsɛmɛ II, 19:25

Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

Yesaya 17:1

Bɔ nɛ Yawɛ de ji nɛ ɔ nɛ: “Damasko be ma nitsɛ pee hu; e ma ba pee ma doku kulaa.

Yesaya 25:12

Moab mɔ ɔmɛ nɛ a fia gbogbo gojogojoohi ngɔ wo a he ɔ, e maa ku mɛ tsuo ngɔ pue si.

Yesaya 25:2

O ha mahi plɛ pee ma dokuhi, gbogbohi nɛ a fia wo a he ɔ, lɛ tsuo ku kɛ pueɔ si. Matsɛmɛ a mɔhi nɛ ma je li ɔmɛ ma a, a kpata a hɛ mi pɛsɛpɛsɛ, a be ekoeko nae hu gblegbleegble.

Yeremia 31:5

Nyɛ maa pee wai ngmɔhi ngɛ Samaria yo ɔmɛ a nɔ ekohu; ni nɛmɛ nɛ ma du ní ɔ, mɛ lɛ a maa ye niba ní ɔ.

Yeremia 51:25

Mo Babilonia nɛ o ngɛ kaa yoku, nɛ o ngɛ je ɔ tsuo hɛ mi kpatae, i kɛ mo na! Ma nu mo, nɛ ma kpɛne mo kɛ je tɛ sa amɛ a nɔ ba ko si, nɛ o maa pee kaa yo nɛ sã.

Yeremia 51:37

Ma ha nɛ Babilon maa pee ma doku; e maa pee nga mi gbehi a hi he, nɛ nɔ ko nɔ ko be lejɛ ɔ hie hu. Nihi nɛ ma ba be ngɛ lejɛ ɔ, a nya maa kpɛ a he, nɛ a maa ye gbeye.

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Kɔmɔ Yemi 4:1

Hyɛ bɔ nɛ wa sika tsu ɔ pee tuu ha! Hyɛ bɔ nɛ sika tsu ngmingmiingmi ɔ tsake ha. Mawu we ɔ tɛ ɔmɛ gbɛ fĩa gbɛjegbɛ ɔmɛ a nɔ tsuo.

Ezekiel 13:14

Gbogbo ɔ nɛ nyɛ kpa he kalo ɔ maa ku kɛ pue si butuu; e sisi tomi ɔ tsuo maa je kpo. Ee, e maa ku kɛ pue nyɛ nɔ haa bum! Nɛ nyɛ hɛ mi ma kpata. Lɔ ɔ loko nyɛ maa le kaa imi ji Yawɛ!

Hosea 13:16

A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Amos 6:8

Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

Mateo 24:2

Se Yesu de mɛ ke, “Tse nyɛ ngɛ ní nɛ ɔmɛ tsuo hyɛe? Niinɛ, i ngɛ nyɛ dee ke, a maa ku tsu nɛ ɔmɛ tsuo pue si nɛ a be tɛ kake po sie ngɛ eko nɔ.”