Mika 1:3 - BAIBLO ALOO NGMAMI KLƆUKLƆU Ɔ

³ Yawɛ kple si kɛ je e hi he klɔuklɔu ɔ kɛ ma. E ma ba nyɛɛ yo ɔmɛ a yi mi ngɛ je ɔ mi.

Mika 1:3 ပူးပေါင်းရင်းမြစ်များ

Hiob 40:12

Ee, hyɛ mɛ nɛ o ba mɛ si. Moo naa yiwutsotsɛmɛ a nɔ ngɛ a hi he ɔmɛ.

La 115:3

Wa Mawu ɔ, hiɔwe e ngɛ; nɔ́ tsuaa nɔ́ nɛ e suɔ ɔ, lɔ ɔ e peeɔ.

Yesaya 25:10

Yawɛ maa bu Zion yo ɔ he, se Moab bi ɔmɛ lɛɛ, a maa naa a nɔ kaa a naa nga nɔ kɛ woɔ dwɔmi mi kɛ ya pueɔ kuku nɔ.

Yesaya 26:21

Ejakaa Yawɛ je e hi he ɔ kɛ ma je ɔ mi nɛ e ba gbla nimli adesahi a tue ngɛ a he yayami ɔmɛ a he. Nihi nɛ a gbe ngɛ laami mi ngɛ je ɔ mi ɔ, a ma je mɛ tsuo kpo nɛ a na mɛ; zugba a be jamɛ a ni ɔmɛ a nɔ laae hu.

Ezekiel 3:12

Kɛkɛ nɛ Mawu mumi ɔ wo ye nɔ, nɛ i nu gbi nguaa ko nɛ ngɛ pɛe ngɛ ye se je ke, “Á je Yawɛ yi, nɛ a wo e hɛ mi nyami ngɛ hiɔwe lokoo.”

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Amos 9:5

Nyɔmtsɛ Yawɛ Tabohiatsɛ ɔ, ke e ta zugba a he pɛ kɛkɛ zugba a sile, nɛ nɔ tsuaa nɔ maa ye kɔmɔ. Zugba a tsuo maa ya hiɔwe nɛ e maa ba si kaa bɔ nɛ Nilo pa a nɛ ngɛ Egipt ɔ hyiɔ nɛ e faa a.

Habakuk 3:19

Nyɔmtsɛ Yawɛ lɛ haa mi he wami. Lɛ nɛ haa ye nane maa si saminya kaa bayelɔ nɔ́; nɛ i naa tue mi jɔmi ngɛ yo ɔmɛ a nɔ.”

Zakaria 14:4

Jamɛ a be ɔ, Yawɛ maa da si ngɛ Oliv yo ɔ nɔ ngɛ Yerusalem beleku je. Kɛkɛ ɔ, kɔ̃ agbo ko ma gba Oliv yo ɔ mi enyɔ kɛ maa je beleku je kɛ yaa si bonyoku je. Yo ɔ kasa fa ma ya je omleyi je, nɛ kasa fa hu ma ya je leneyi je.

Mose V, 32:13

“E ha e ma a ye yo nɔ zugba amɛ a nɔ, nɛ a ye ngmɔ ɔmɛ a mi niba ní. E ma a ná hwo kɛ je tɛ sa mi; nɛ oliv tso ɔmɛ hu plɔke ngɛ zugba nɛ tɛ ngɛ mi ɔ nɔ.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”