Mika 1:13 - BAIBLO ALOO NGMAMI KLƆUKLƆU Ɔ

¹³ Nyɛ Lakish bi, nyɛɛ fi nyɛ okpɔngɔ ɔmɛ kɛ wo ta zugba lɛ ɔmɛ a he esɔesɔ. Nyɛ ji Yuda ma nɛ ya wo Israel nane kɛ pee yayami, nɛ nyɛ ha nɛ Yerusalem ba pee yayami.

Mika 1:13 ပူးပေါင်းရင်းမြစ်များ

Mose I, 19:17

Lɔ ɔ se ɔ, bɔfo ɔmɛ a ti nɔ kake de ke, “Nyɛɛ tu fo esɔesɔ nɛ nyɛ kɛ he nyɛ yi wami! Nyɛ ko plɛ nyɛ se, nɛ nyɛ ko da si ngɛ kɔ̃ ɔ mi he ko he ko. Nyɛɛ tu fo kɛ ho yoku ɔmɛ a nɔ ya, bɔ nɛ pee nɛ nyɛ hɛ mi ko kpata.”

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Matsɛmɛ I, 16:31

E pi ha Ahab kaa e maa pee yayami kaa bɔ nɛ Yeroboam pee ɔ kɛkɛ, se e ya nɔ pee yayami kɛ be nɔ. E ya ngɔ Sidon matsɛ, Etbaal biyo Yezebel, nɛ e ya ja Baal.

Matsɛmɛ I, 4:28

Jehanɛ, ngma, kɛ nga nɛ a kɛ haa okpɔngɔ ɔmɛ, kɛ lohwehi nɛ a he sɔɔ ɔ, ganɔ tsuaa ganɔ kɛ e nɔ́ baa be mi nɛ a ngɛ hlae ɔ.

Matsɛmɛ II, 14:19

E ba mi kaa a so Amazia yi nɔ ngɛ Yerusalem kaa a maa gbe lɛ. Lɔ ɔ he ɔ, e tu fo kɛ ho Lakish ya; se a tsɔ nihi kɛ nyɛɛ e se, nɛ a ya gbe lɛ ngɛ lejɛ ɔ.

Matsɛmɛ II, 18:17

Asiria matsɛ ɔ wo ta buli babauu blɔ kɛ je Lakish kɛ ya tua Hezekia ngɛ Yerusalem. Senakerib we asafoatsɛmɛ kpanakpanaa etɛ ji a nyatsɛmɛ. Benɛ a su Yerusalem ɔ, a ya da si ngɛ blɔ ɔ nɔ he nɛ bo loli ɔmɛ tsuɔ ní ngɛ ɔ. Nyu dɔ ko ngɛ lejɛ ɔ, nɛ e mi lɛ nyu nɛ jee taku ɔ mi ngɛ yiti je ɔ guɔ.

Matsɛmɛ II, 8:18

E ngɔ Ahab biyo; nɛ kaa bɔ nɛ Ahab we ɔ pee ɔ, lɛ hu e ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Kronika II, 11:9

Adoraim, Lakish, Azeka,

Kronika II, 32:9

Pee se ɔ, benɛ Senakerib kɛ e tabo ɔ tsuo ngɛ Lakish kɛ mwɔɔ ɔ, e tsɔ nɛ a kɛ sɛ gbi nɛ ɔ ya ha Hezekia, kɛ Yuda ma a ngɛ Yerusalem ke,

Hiob 39:10

Anɛ o ma nyɛ maa wo pu mi okpɔngɔ kpa nɛ e hu ha mo lo? Anɛ o ma nyɛ ma ha nɛ e gbla dade kpakplaa kɛ hu o ngmɔ mi lo?

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Yesaya 10:31

Nihi nɛ ngɛ Madmena, kɛ Gebim ma amɛ a mi ɔ ma fo kɛ je gbenɔ nya.

Yesaya 36:2

Lɔ ɔ se ɔ, e fa e we asafoatsɛ nɔkɔtɔma kɛ e ta buli babauu kɛ je Lakish ke a ya Yerusalem nɛ a ya de Matsɛ Hezekia ke e ha yi. Asafoatsɛ ɔ kɛ e ta a ba da si ngɛ yiti je taku ɔ nyu dɔ ɔ he, ngɛ gbɛjegbɛ ɔ nɔ kɛ yaa ní a he fɔli ɔmɛ a ní tsumi he ɔ.

Yesaya 37:8

Asiria asafoatsɛngua a nu kaa Asiria matsɛ ɔ hia kɛ je Lakish, nɛ e kɛ Libna bi ya ngɛ ta hwue. Lɔ ɔ he ɔ, e ho nɛ e ya na lɛ ngɛ lejɛ ɔ.

Yeremia 3:8

Yuda na kaa i ha Israel gba mi pomi womi nɛ i fie lɛ, ejakaa e je ye se nɛ e ya bɔ ajuama. Se Yuda nɛ ngɛ kaa e nyɛmiyo Israel ɔ yi gbeye.

Yeremia 34:7

Jamɛ a be ɔ, Babilonia matsɛ ɔ tabo ɔ ya tua ma a momo, nɛ a kɛ Lakish kɛ Azeka hu ngɛ ta hwue. Ma nɛ ɔmɛ pɛ ji Yuda mahi nɛ a fia gbogbo ngɔ wo a he ɔ nɛ piɛ.

Yeremia 4:29

Ke ma a nu okpɔngɔ ɔmɛ, kɛ kɛ̃ɛ̃ tsɛ̃li ɔmɛ a he ɔ, nɔ tsuaa nɔ maa tu fo kɛ je. Ni komɛ ma ya sɛ pu mi, nɛ ni komɛ ma ya kuɔ tɛ sahi. A ma si ma amɛ tsuo ngɔ fɔ si, nɛ nɔ ko nɔ ko be a mi hie hu.

Ezekiel 23:11

“Oholiba na nɔ́ nɛ ba awenyɛ ɔ nɔ ɔ, se e ya nɔ nɛ e bɔ ajuama kulaa pe lɛ.

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!

Yoshua 10:3

Lɔ ɔ he ɔ, Yerusalem matsɛ, Adonizedek tsɔ kɛ ya de Hebron matsɛ, Hoham; Yarmut matsɛ, Piram, Lakish matsɛ, Yafia; kɛ Eglon matsɛ, Debir ke,

Yoshua 15:39

Lakish, Bozkat, Eglon,

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.