Matsɛmɛ II, 9:7 - BAIBLO ALOO NGMAMI KLƆUKLƆU Ɔ

⁷ O ma kpata o nyɔmtsɛ Ahab we ɔ hɛ mi; nɛ i kɛ nɔ́ nɛ ɔ maa ye ye tsɔli gbali ɔmɛ, kɛ imi Yawɛ, ye tsɔli kpa amɛ tsuo a muɔ nɛ Yezebel pue si ɔ he lue.

Matsɛmɛ II, 9:7 ပူးပေါင်းရင်းမြစ်များ

Matsɛmɛ I, 21:15

Benɛ Yezebel nu kaa Nabot gbo ɔ, e de Ahab ke, “Nabot gbo, lɔ ɔ he ɔ, tee si nɛ o ya ngɔ e wai ngmɔ ɔ nɛ e kua juami ha mo ɔ.”

Matsɛmɛ I, 18:4

Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”

Matsɛmɛ I, 21:25

(Nɔ ko nɔ ko be nɛ ngɔ e he tsuo ngɔ ha yayami peemi ngɛ Yawɛ hɛ mi kaa Ahab, ejakaa e yo Yezebel ji nɔ nɛ tsitsɛɛ e kuɛ se mi.

Matsɛmɛ I, 21:21

Lɔ ɔ he ɔ, Yawɛ ngɛ mo dee ke, ‘I kɛ haomi maa ba o nɔ. Ma kpata o hɛ mi, nɛ ma gbe nyumu tsuaa nyumu ngɛ o we ɔ mi, nyɔguɛ jio, odehe jio.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Hebribi 10:30

Ejakaa wa le kaa Nyɔmtsɛ ɔ lɛ de ke, “Ma ye ye he lue! Ma gbla a tue ngɛ yayami nɛ e pee ɔ he.” Lɛ nɔuu lɛ e de ke, “Ma kojo ye ma a.”

Romabi 13:4

Mawu tsɔlɔ ji lɛ, nɛ e ní tsumi ji kaa e hyɛ nɛ e hi ha mo. Se ke o pee yayami ɔ, lɛɛ o ye nɔ yelɔ ɔ gbeye; ejakaa a ha we lɛ blɔ nya nɛ ɔ yaka. Mawu tsɔlɔ ji lɛ; nɛ nihi nɛ peeɔ yayami ɔ, e kɛ mi mi la gblaa a tue ngɛ Mawu nane mi.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Matsɛmɛ II, 10:10

Lɔ ɔ he ɔ, nyɛ ná nɛ nyɛɛ le kaa nɔ́ tsuaa nɔ́ nɛ Yawɛ de ngɛ Ahab we ɔ he ɔ, ekoeko be yaka pee. Nɔ́ nɛ Yawɛ de kɛ gu e tsɔlɔ Eliya nɔ ke e maa pee ɔ, lɔ ɔ e pee nɛ ɔ nɛ.”

Kronika II, 22:7

Se Mawu gu slaami nɛ Ahazia ya slaa Yoram ɔ nɔ nɛ e kɛ kpata Ahazia hɛ mi. Benɛ Ahazia ngɛ lejɛ ɔ, e kɛ Yoram je kpo ya na Nimshi binyumu nɛ a tsɛɛ Yehu ɔ. Lɛ ji nɔ nɛ Yawɛ hla kɛ to nɛ e ba kpata Ahab we ɔ hɛ mi.

Yeremia 26:5

I de nyɛ ke ye tsɔli gbali ɔmɛ nɛ i tsɔɔ kɛ baa nyɛ ngɔ be tsuaa be ɔ, nyɛɛ bu a munyu ɔmɛ tue. Se nyɛ bui mɛ tue fɛɛ.

Matsɛmɛ II, 10:11

Enɛ ɔ se ɔ, Yehu gbe nihi tsuo pɛpɛɛpɛ nɛ piɛ ngɛ Ahab we ɔ mi ngɛ Yezreel, nimli ngua amɛ, e huɛmɛ kpakpa amɛ, kɛ osɔfo ɔmɛ tsuo; e píɛ a ti nɔ kake po.