Matsɛmɛ II, 9:32 - BAIBLO ALOO NGMAMI KLƆUKLƆU Ɔ

³² Yehu wo e yi nɔ nɛ e hyɛ saflɛ ɔ nya, nɛ e bi ke, “Mɛnɔ lɛ ngɛ ye se? Mɛnɔ?” Kɛkɛ nɛ manyɛ we ɔ nɔ hyɛli, maa pee enyɔ, loo etɛ hyɛ lɛ kɛ gu saflɛ ɔ mi.

Matsɛmɛ II, 9:32 ပူးပေါင်းရင်းမြစ်များ

Ni Tsumi 12:20

Herode mi mi fu Tiro, kɛ Sidon bi ɔmɛ wawɛɛ. Lɔ ɔ he ɔ, a bua a he nya, nɛ a ba na lɛ ngɛ Kaisarea. Benɛ a ba a, a ba na Blasto, tsɔlɔ nɛ hyɛɛ matsɛ we ɔ nɔ ɔ, nɛ a kpa lɛ pɛɛ ke e nyɛɛ a hɛ mi kɛ ya matsɛ ɔ ngɔ. Nɛ a ya na Herode, nɛ a kɛ lɛ kpata, ejakaa matsɛ ɔ zugba nɔ ní a yeɔ.

La 118:6

Nɛ Yawɛ kɛ mi ngɛ nɛ ɔ, i yi gbeye; mɛni adesa ma nyɛ maa pee mi.

Ester 2:21

Benɛ Mordekai ba pee nɔkɔtɔma ngɛ matsɛ we ɔ, ligbi ko ɔ, matsɛ we ɔ agbo nya buli enyɔ komɛ a mi mi fu matsɛ ɔ, nɛ a so ke a maa gbe lɛ. Nimli nɛ ɔmɛ ji nyumuhi nɛ a puɛ, nɛ a tsuɔ ní ngɛ matsɛ we ɔ. Nɔ kake biɛ ji Bigtana, nɛ nɔ kake hu biɛ ji Teresh.

Ester 2:15

E ba su Ester nɔ kaa e ya matsɛ ɔ ngɔ. Mordekai tsɛ nyɛminyumu Abihail biyo ji Ester. Mordekai nɛ hyɛ Ester nɔ kaa lɛ nitsɛ e biyo. Nɔ tsuaa nɔ nɛ maa na Ester a suɔ e sane. Benɛ e maa ya matsɛ ɔ ngɔ ɔ, Ester dla e he kɛ nɔ́ nɛ Hegai wo lɛ ga ke e kɛ dla e he ɔ pɛ; e bi we nɔ́ ko kɛ piɛ we he. Hegai nɛ ɔ ji nyumu nɛ a puɛ lɛ nɛ hyɛɛ matsɛ yi ɔmɛ a nɔ.

Ester 1:10

Ligbi nɛ ji kpaago ɔ, benɛ matsɛ ɔ nu dã nɛ e bua jɔ saminya a, e tsɛ e he buli kpaago ɔmɛ nɛ a puɛ mɛ ɔ. Mɛ ji Mehunan, Bizta, Habona, Bigta, Abagta, Zeta, kɛ Kakas.

Kronika II, 11:12

E to tsɛ̃ihi, kɛ akplɔhi hu ngɛ ma tsuaa ma mi. Bɔ nɛ e pee nɛ e kɛ ye Yuda kɛ Benyamin nɔ ji nɛ ɔ nɛ.

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Mose II, 32:26

e ho nɛ e ya da si ngɛ ma a sito he ɔ agbo ɔ nya, nɛ e de ke, “Nɔ tsuaa nɔ nɛ ngɛ Yawɛ se ɔ, nɔ ɔ nɛ ba ye ngɔ!” Kɛkɛ nɛ Levi bi ɔmɛ tsuo bua a he nya ngɛ he kake, nɛ a bu kɛ ba e ngɔ.

Matsɛmɛ II, 9:7

O ma kpata o nyɔmtsɛ Ahab we ɔ hɛ mi; nɛ i kɛ nɔ́ nɛ ɔ maa ye ye tsɔli gbali ɔmɛ, kɛ imi Yawɛ, ye tsɔli kpa amɛ tsuo a muɔ nɛ Yezebel pue si ɔ he lue.

Matsɛmɛ II, 9:31

Benɛ Yehu sɛ agbo ɔ mi ɔ, Yezebel bi lɛ ke, “Mo Zimri! Mo nɛ o gbe o nyɔmtsɛ ɔ! O ba kɛ tue mi jɔmi lo?”

Matsɛmɛ II, 9:33

Yehu de mɛ ke, “Nyɛ tsitsɛɛ lɛ ngɔ fia si!” A pee ja, nɛ Yezebel muɔ fĩa pue gbogbo ɔmɛ a he, kɛ okpɔngɔ ɔmɛ a nɔ; nɛ a naa e nɔ kɛ be.

La 94:16

Mɛnɔ maa piɛ ye he nɛ waa te si kɛ wo yiwutsotsɛmɛ? Mɛnɔ maa piɛ ye he, nɛ waa kɛ yayami peeli ya to ní?