Matsɛmɛ II, 9:24 - BAIBLO ALOO NGMAMI KLƆUKLƆU Ɔ

²⁴ Kɛkɛ nɛ Yehu kɛ e he wami tsuo tsɛ̃ e kɛ̃ɛ̃ ɔ kɛ gu Yoram kotimi. Kɛ̃ɛ̃ mi bi ɔ ya gbɔ e tsui mi; nɛ e gbo kɛ fɔ e ta zugba lɛ ɔ mi.

Matsɛmɛ II, 9:24 ပူးပေါင်းရင်းမြစ်များ

Matsɛmɛ I, 22:34

Se e ba mi kaa Siria ta buli ɔmɛ a ti nɔ kake tsɛ̃ e kɛ̃ɛ̃ ɔ tlukaa nɛ e hɛ be nɔ. Kɛ̃ɛ̃ mi bi ɔ ya gbɔ Ahab ngɛ e ta hwumi ní ɔmɛ a tsami he ɔ. Ahab de e ta zugba lɛ kudɔlɔ ɔ ke, “I plaa! Plɛ o he nɛ o kɛ mi nɛ je ta a nya!”

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

Matsɛmɛ II, 10:4

Samaria ma nɔ yeli ɔmɛ a tsui po wawɛɛ nitsɛ, nɛ a de ke, “Nyɛɛ hyɛ! Matsɛmɛ enyɔ ɔmɛ po nyɛ we Yehu hɛ mi nɛ a da; kɛ wɔɔ wa maa pee kɛ da e hɛ mi kɛɛ?”

Zakaria 13:6

Ke nɔ ko ma bi lɛ ke, ‘Mɛni pa dokuhi ngɛ o gugue mi nɛ ɔ?’ e ma he nɔ ke, ‘Ye huɛ ko we mi nɛ i ya ná kɛ je.’ ”

Matsɛmɛ I, 19:17

Nɔ tsuaa nɔ nɛ maa tu fo kɛ je Hazael klaate nya a, Yehu maa gbe lɛ; nɛ nɔ nɛ maa tu fo kɛ maa je Yehu klaate nya a, Elisha maa gbe lɛ.

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

Matsɛmɛ I, 22:35

Benɛ a ngɛ ta a hwue kɛ mwɔɔ ɔ, a hɛɛ Matsɛ Ahab kɛ daa si ngɛ e ta zugba lɛ ɔ mi kɛ kpee Siria bi ɔmɛ. Muɔ dɛ kɛ je e pa a mi ngɔ pue ta zugba lɛ ɔ mi takaa; nɛ gbɔkuɛ he ɔ, e gbo.

Matsɛmɛ II, 10:9

E nɔ jena mɔtu ɔ, Yehu ho ya da ma a agbo ɔ nya; nɛ e de ma a tsuo ke, “Imi ji nɔmlɔ nɛ so matsɛ Yoram yi nɔ, nɛ imi nɔuu lɛ i gbe lɛ; nyɛɛ lɛɛ nyɛ yi fɔ. Se ni nɛ ɔmɛ lɛɛ mɛnɔ ji nɔ nɛ gbe mɛ tsuo?