Matsɛmɛ II, 9:21 - BAIBLO ALOO NGMAMI KLƆUKLƆU Ɔ

²¹ Kɛkɛ nɛ Yoram fa ke, “Nyɛɛ mia ye ta zugba lɛ ɔ!” A pee ja; nɛ Israel matsɛ, Yoram kɛ Yuda matsɛ, Ahazia je kpo, nɛ a ti nɔ tsuaa nɔ ya hi lɛ nitsɛ e ta zugba lɛ mi, nɛ a ho nɛ a kɛ Yehu ya kpe. A ya na lɛ ngɛ Nabot, Yezreel no ɔ zugba a nɔ.

Matsɛmɛ II, 9:21 ပူးပေါင်းရင်းမြစ်များ

Kronika II, 22:7

Se Mawu gu slaami nɛ Ahazia ya slaa Yoram ɔ nɔ nɛ e kɛ kpata Ahazia hɛ mi. Benɛ Ahazia ngɛ lejɛ ɔ, e kɛ Yoram je kpo ya na Nimshi binyumu nɛ a tsɛɛ Yehu ɔ. Lɛ ji nɔ nɛ Yawɛ hla kɛ to nɛ e ba kpata Ahab we ɔ hɛ mi.

Mika 1:13

Nyɛ Lakish bi, nyɛɛ fi nyɛ okpɔngɔ ɔmɛ kɛ wo ta zugba lɛ ɔmɛ a he esɔesɔ. Nyɛ ji Yuda ma nɛ ya wo Israel nane kɛ pee yayami, nɛ nyɛ ha nɛ Yerusalem ba pee yayami.

Matsɛmɛ I, 20:14

Ahab bi ke, “Mɛnɔmɛ maa nyɛɛ ta a hɛ mi?” Gbalɔ ɔ he nɔ ke, “Amlaalo ɔmɛ nɛ ngɛ ma amɛ a nya a a ta buli nihewi ɔmɛ maa nyɛɛ ta a hɛ mi.” Jehanɛ, matsɛ ɔ bi ke, “Mɛnɔ ji nɔ nɛ ma gba ta a?” Gbalɔ ɔ he nɔ ke, “Mo.”

Mose IV, 20:14

Mose tsɔ nihi kɛ je Kadesh ke a ngɔ sɛ gbi ya ha Edom matsɛ, nɛ a de lɛ ke, “Bɔ nɛ o nyɛmimɛ Israel bi ɔmɛ de ji nɛ ɔ nɛ: mo nitsɛ o le amanehluhi nɛ wa na;