Matsɛmɛ II, 9:14 - BAIBLO ALOO NGMAMI KLƆUKLƆU Ɔ

¹⁴ Yehoshafat binyumu Yehu, Nimshi bibi ɔ so Yoram yi nɔ. Jamɛ a be ɔ, Yoram kɛ Israel ma a tsuo ya sa Siria matsɛ, Hazael yi kɛ wo Ramot Gilead.

Matsɛmɛ II, 9:14 ပူးပေါင်းရင်းမြစ်များ

Matsɛmɛ II, 8:28

Matsɛ Ahazia ya piɛ Israel matsɛ, Yoram, Ahab binyumu ɔ he nɛ a kɛ Siria matsɛ, Hazael ya hwu ta ngɛ Ramot nɛ ngɛ Gilead ɔ. Nɛ Siria bi ɔmɛ plaa Yoram.

Matsɛmɛ I, 22:3

Ahab de e tsɔli ɔmɛ ke, “Tse nyɛ le kaa wa ma ji Ramot nɛ ngɛ Gilead ɔ! Mɛni he je mɔ nɛ wa bɔɛ mɔde nɛ wa ya kpɔ lɛ ngɛ Siria matsɛ ɔ dɛ ɔ?”

Matsɛmɛ II, 15:30

Yuda matsɛ, Yotam, Uzia binyumu ɔ yi nɔ jeha nɛ ji nyingmi enyɔ ɔ mi ɔ, Ela binyumu Hoshea so Matsɛ Peka yi nɔ nɛ e fia lɛ nɔ́ nɛ e gbe; nɛ e ye matsɛ ngɛ e se.

Matsɛmɛ II, 10:9

E nɔ jena mɔtu ɔ, Yehu ho ya da ma a agbo ɔ nya; nɛ e de ma a tsuo ke, “Imi ji nɔmlɔ nɛ so matsɛ Yoram yi nɔ, nɛ imi nɔuu lɛ i gbe lɛ; nyɛɛ lɛɛ nyɛ yi fɔ. Se ni nɛ ɔmɛ lɛɛ mɛnɔ ji nɔ nɛ gbe mɛ tsuo?

Matsɛmɛ II, 9:31

Benɛ Yehu sɛ agbo ɔ mi ɔ, Yezebel bi lɛ ke, “Mo Zimri! Mo nɛ o gbe o nyɔmtsɛ ɔ! O ba kɛ tue mi jɔmi lo?”

Matsɛmɛ I, 16:16

nɛ benɛ a nu kaa Zimri so matsɛ ɔ yi nɔ nɛ e gbe lɛ ɔ, Israel tsuo wo Omri, nɛ ji tabo ɔ nyatsɛ ɔ matsɛ jamɛ a ligbi ɔ nɔuu ngɛ a sito he ɔ.

Matsɛmɛ I, 16:9

Ela tsɔli ɔmɛ a ti nɔ kake nɛ a tsɛɛ lɛ Zimri ɔ so e yi nɔ. Zimri nɛ ɔ ji Matsɛ Ela ta zugba lɛ ɔmɛ fa a nyatsɛ. Ligbi ko ɔ, Ela ya Tirza, nɛ e ya nu dã nɛ e de kpɔtɔɔ ngɛ e tsɔlɔ ɔ nɛ hyɛɛ matsɛ we ɔ nɔ ngɛ Tirza a we mi. Tsɔlɔ nɛ ɔ biɛ ji Arza.

Matsɛmɛ I, 16:7

Yawɛ ngɔ sɛ gbi nɛ ɔ kɛ gu gbalɔ Yehu, Hanani binyumu ɔ nɔ ya ha Baasha kɛ e we ɔ, ejakaa Baasha pee yayami kɛ si lɛ, Yawɛ ɔ. Pi yayami nɛ Baasha pee kɛ si Yawɛ kaa bɔ nɛ Matsɛ Yeroboam hu pee be ko ɔ kɛkɛ ji nɔ́ nɛ wo Yawɛ mi mi la a, gbemi nɛ Baasha gbe Yeroboam we mi bimɛ ɔmɛ tsuo ɔ hu piɛ he.

Matsɛmɛ I, 15:27

Ahiya binyumu Baasha nɛ je Isakar wɛtso ɔ mi ɔ so Nadab yi nɔ, nɛ e gbe lɛ ngɛ Filisti bi a ma nɛ a tsɛɛ Gibeton ɔ. Jamɛ a be ɔ, Nadab kɛ e tabo ɔ ho ya sa Gibeton ma a yi.

Matsɛmɛ II, 9:2

Ke o su lejɛ ɔ, yaa hla Yehoshafat binyumu Yehu, Nimshi bibi ɔ se blɔ. Ngɔɔ lɛ kɛ je e nyɛmimɛ ɔmɛ a kpɛti kɛ ya se tsu mi.

Matsɛmɛ II, 8:29

Matsɛ Yoram kpale e se kɛ ba Yezreel konɛ e ba tsa e he, nɛ Yuda matsɛ Ahazia, Yehoram binyumu ɔ bu e nɔ nɛ e ya slaa lɛ ngɛ lejɛ ɔ.