Matsɛmɛ II, 9:13 - BAIBLO ALOO NGMAMI KLƆUKLƆU Ɔ

¹³ Amlɔ nɔuu ɔ, Yehu nyɛmimɛ asafoatsɛmɛ ɔmɛ je a he tade ɔmɛ, nɛ a kɛ ha kpoku ɔ nɔ ha lɛ nɛ e da nɔ. A kpa titimati nɛ a de ke, “Yehu ji matsɛ!”

Matsɛmɛ II, 9:13 ပူးပေါင်းရင်းမြစ်များ

Matsɛmɛ I, 1:39

Benɛ a su Gihon ɔ, osɔfo Zadok ya ngɔ nu kɛ koli ɔ ngɛ kpe he bo tsu ɔ mi, nɛ e pɔ Salomo nu. Lɔ ɔ se ɔ, a kpa titimati; nɛ ma a tsuo he ose ke, “Matsɛ Salomo yi nɛ na wami oo!”

Matsɛmɛ I, 1:34

nɛ osɔfo Zadok, kɛ gbalɔ Natan nɛ a pɔ lɛ nu ngɛ lejɛ ɔ, nɛ a wo lɛ matsɛ, nɛ e ye Israel nɔ. Lɔ ɔ se ɔ, nyɛ kpa titimati, nɛ nyɛ he ose ke, ‘Matsɛ Salomo yi nɛ na wami!’

La 98:6

Nyɛ kpa titimati, kɛ koli, nɛ nyɛɛ kɛ bua jɔmi hwɔ lele kɛ ha Yawɛ, wa matsɛ ɔ.

Samuel II, 15:10

Se Absalom tsɔ nihi ngɛ laami mi kɛ ho nɛ a ya de Israel wɛtso ɔmɛ tsuo ke, “Ke nyɛ nu titimati pɛmi ɔ, amlɔ nɔuu nyɛ hwɔ lele nɛ nyɛ de ke, ‘Absalom ngɛ matsɛ yee ngɛ Hebron!’ ”

Matsɛmɛ II, 9:12

A de lɛ ke, “Dɛbi! Mo de wɔ!” Kɛkɛ nɛ e bɔ mɛ nɔ́ nɛ niheyo ɔ ba de lɛ ɔ. E ya nɔ nɛ e de ke, “Bɔ nɛ Yawɛ de ji nɛ ɔ nɛ: ‘I ngɛ mo nu pɔe kɛ ngɛ mo matsɛ woe ngɛ Israel ma a nɔ.’ ”

Matsɛmɛ I, 1:25

Mwɔnɛ ligbi nɛ ɔ, e ya gbe to, na, kɛ lohwehi nɛ wo zɔ babauu. E kpee o binyumu ɔmɛ tsuo, kɛ o tatsɛ Yoab, kɛ osɔfo Abiatar; nɛ amlɔ nɛ ɔ, a kɛ lɛ ngɛ ní yee, nɛ a ngɛ ní nue, nɛ a ngɛ ose hee kɛ ngɛ dee ke, ‘Matsɛ Adoniya yi nɛ na wami oo!’

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”

Matsɛmɛ II, 11:14

Benɛ e maa hyɛ ɔ, matsɛ ɔ ji nɛ ɔ nɛ daa si ngɛ titima a he kaa bɔ nɛ kusumi ɔ ngɛ ɔ. Asafoatsɛmɛ ɔmɛ, kɛ titimati kpali ɔmɛ daa si ngɛ e kasa nya, nɛ ma mi bi ɔmɛ tsuo ngɛ nyae nɛ a ngɛ titimati kpae. Kɛkɛ nɛ Atalia hía tade ɔmɛ ngɛ e he, nɛ e kpa ngmlaa nɛ e de ke, “Nyɛ tsɔ atuã! Nyɛ tsɔ atuã!”

Luka 19:36

Benɛ e hi teji ɔ nɔ kɛ yaa a, nihi ngɔ a tadehi kɛ ha blɔ ɔ nɔ.