Matsɛmɛ II, 8:9 - BAIBLO ALOO NGMAMI KLƆUKLƆU Ɔ

⁹ Kɛkɛ nɛ Hazael pue nɔ kɛ ho Elisha ngɔ ya. E hɛɛ nike níhi nɛ ji Damasko ní kpakpa amɛ tsuo eko tsuaa eko afukpɔngɔ nyingmi eywiɛ yi tlomi kɛ ho. Benɛ e ya na Elisha a, e de lɛ ke, “O binyumu Benhadad, Siria matsɛ ɔ tsɔ mi ke ma ba bi mo ke hiɔ nɛ e ngɛ nue nɛ ɔ, e ma na he wami lo?”

Matsɛmɛ II, 8:9 ပူးပေါင်းရင်းမြစ်များ

Filemon 1:14

Se i sume kaa ma je o se kɛ pee nɔ́ ko, bɔ nɛ pee nɛ nɔ́ kpakpa nɛ o ko je o tsui mi faa pee ɔ, e ko ba pee kaa nɔ́ nɛ pe a nyɛ o nɔ.

Matsɛmɛ II, 16:7

Ahaz tsɔ ya de Asiria matsɛ, Tiglat Pileser ke, “O tsɔlɔ kɛ o binyumu ji mi. Siria matsɛ, kɛ Israel matsɛ ba tua mi, lɔ ɔ he ɔ, ba nɛ o ba je ngmlaa ha mi.”

Matsɛmɛ II, 13:14

Ligbi ko, benɛ gbalɔ Elisha fɔɔ si kɛ gbenɔ hiɔ ɔ, Israel matsɛ, Yehoash ba slaa lɛ, nɛ e fo ya pue e nɔ; nɛ e de ke, “Tsaatsɛ! Tsaatsɛ! Mo ji Israel he falɔ kpanaa!”

Matsɛmɛ II, 6:21

Benɛ Israel matsɛ ɔ na mɛ ɔ, e bi Elisha ke, “Tsaatsɛ, ma gbe mɛ lo? Ma gbe mɛ lo?”

Matsɛmɛ II, 5:13

E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

Matsɛmɛ II, 5:5

Siria matsɛ ɔ de lɛ ke, “Yaa nɛ o ya na Israel matsɛ ɔ; ma ha mo womi nɛ o hɛɛ kɛ ya ha lɛ.” Kɛkɛ nɛ Naeman pue nɔ kɛ ho. Benɛ e yaa a, e hɛɛ sika hiɔ yi akpe nyingmi etɛ, sika tsu yi akpe ekpa, kɛ he dlami tade saminyawiiwi nyɔngma kɛ ho.

Matsɛmɛ I, 19:15

Yawɛ de lɛ ke, “Kpale o se kɛ ya nga a nɔ ngɛ Damasko kasa nya. Yaa ma a mi, nɛ o ya pɔ Hazael nu, nɛ e ye tsɛ ngɛ Siria;

Samuel I, 25:8

Bi o nihewi ɔmɛ, nɛ a ma de mo. Lɔ ɔ he ɔ, akɛnɛ nyami ligbi nɔ wa ba ngɛ he je ɔ, mo he wɔ atuu. I kpa mo pɛɛ, nɔ́ tsuaa nɔ́ nɛ ngɛ o dɛ ɔ, mo ha o tsɔli ɔmɛ, kɛ o binyumu David hu eko.”

Samuel I, 9:7

Saul bi tsɔlɔ ɔ ke, “Ke wa ya a, mɛni wa ma ha nyumu ɔ?” E ya nɔ nɛ e de ke, “Abolo ɔ nɛ ngɛ wa kotoku ɔmɛ a mi ɔ ta, nɛ nɔ́ ko be nɛ wa ma ha ní nalɔ ɔ.”

Matsɛmɛ I, 15:18

Enɛ ɔ he je ɔ, Matsɛ Asa ya muɔ sika hiɔ, kɛ sika tsu tsuo nɛ piɛ ngɛ Yawɛ we ɔ nito he ɔ, kɛ matsɛ we ɔ nito he ɔ, nɛ e tsɔ e tsɔli ɔmɛ ekomɛ Damasko, nɛ e kɛ ní ɔmɛ ya ha Siria matsɛ, Benhadad, Hezio binyumu Tabrimon bi ɔ. Sɛ gbi nɛ piɛ he ji nɛ ɔ nɛ:

Matsɛmɛ I, 14:3

Ngɔɔ abolo mamɛ nyɔngma, kɛ keeki, kɛ hwo tɔ kake kɛ ya ha lɛ, nɛ e ma de mo nɔ nɛ maa pee wa binyumu.”

Matsɛmɛ II, 1:2

Ligbi ko ɔ, Israel matsɛ, Ahazia tsɔ́ kɛ je e hiɔwe tsu nɛ ngɛ Samaria a saflɛ mi kɛ ba nɔ si, nɛ e plaa wawɛɛ nitsɛ. Enɛ ɔ he ɔ, e tsɔ nihi ke a ya bi ní ngɛ Baalzebub ngɔ ha lɛ kaa e yi ma na wami lo. Baalzebub ji mawu nɛ ngɛ Filisti bi ɔmɛ a ma nɛ a tsɛɛ Ekron ɔ nɛ.

Fiɛlɔ 3:6

Be ngɛ nɛ a hlaa nɔ́, nɛ be ngɛ nɛ nɔ́ laa. Be ngɛ nɛ a baa nɔ́ yi, nɛ be ngɛ nɛ a sakee nɔ́ kɛ fɔɔ he.