Matsɛmɛ II, 8:8 - BAIBLO ALOO NGMAMI KLƆUKLƆU Ɔ

⁸ matsɛ ɔ de e tsɔli ɔmɛ a ti nɔ kake nɛ a tsɛɛ Hazael ke, “Moo ngɔ nike ní kɛ ya ha Mawu nɔmlɔ ɔ, nɛ o bi Yawɛ ní ngɛ e ngɔ ha mi kaa hiɔ nɛ i ngɛ nue nɛ ɔ, ma na he wami lo?”

Matsɛmɛ II, 8:8 ပူးပေါင်းရင်းမြစ်များ

Matsɛmɛ II, 1:2

Ligbi ko ɔ, Israel matsɛ, Ahazia tsɔ́ kɛ je e hiɔwe tsu nɛ ngɛ Samaria a saflɛ mi kɛ ba nɔ si, nɛ e plaa wawɛɛ nitsɛ. Enɛ ɔ he ɔ, e tsɔ nihi ke a ya bi ní ngɛ Baalzebub ngɔ ha lɛ kaa e yi ma na wami lo. Baalzebub ji mawu nɛ ngɛ Filisti bi ɔmɛ a ma nɛ a tsɛɛ Ekron ɔ nɛ.

Matsɛmɛ I, 19:15

Yawɛ de lɛ ke, “Kpale o se kɛ ya nga a nɔ ngɛ Damasko kasa nya. Yaa ma a mi, nɛ o ya pɔ Hazael nu, nɛ e ye tsɛ ngɛ Siria;

Samuel I, 9:7

Saul bi tsɔlɔ ɔ ke, “Ke wa ya a, mɛni wa ma ha nyumu ɔ?” E ya nɔ nɛ e de ke, “Abolo ɔ nɛ ngɛ wa kotoku ɔmɛ a mi ɔ ta, nɛ nɔ́ ko be nɛ wa ma ha ní nalɔ ɔ.”

Ni Tsumi 16:30

Lɔ ɔ se ɔ, e kɛ mɛ je kpo, nɛ e bi ke, “Tsaatsɛmɛ, kɛ ma pee kɛɛ nɛ́ a he ye yi wami?”

Luka 13:23

Nɔ ko bi lɛ ke, “Nyɔmtsɛ, anɛ nihi bɔɔ pɛ a yi wami nɛ a ma he lo?” Yesu de mɛ ke,

Matsɛmɛ II, 5:5

Siria matsɛ ɔ de lɛ ke, “Yaa nɛ o ya na Israel matsɛ ɔ; ma ha mo womi nɛ o hɛɛ kɛ ya ha lɛ.” Kɛkɛ nɛ Naeman pue nɔ kɛ ho. Benɛ e yaa a, e hɛɛ sika hiɔ yi akpe nyingmi etɛ, sika tsu yi akpe ekpa, kɛ he dlami tade saminyawiiwi nyɔngma kɛ ho.

Matsɛmɛ II, 1:6

A he nɔ ke, “Nyumu ko kɛ wɔ ba kpe ngɛ blɔ ɔ nɔ, nɛ e de wɔ ke waa kpale wa se nɛ wa ba de mo ke, Yawɛ ke, ‘Mɛni he je o tsɔ ke a ya bi ní ngɛ Ekron mawu Baalzebub ɔ ngɔ ɔ? Anɛ Mawu be Israel lo? Plaami ɔ nɛ o plaa a, o yi be wami nae; o ma gbo!’ ”

Matsɛmɛ I, 19:17

Nɔ tsuaa nɔ nɛ maa tu fo kɛ je Hazael klaate nya a, Yehu maa gbe lɛ; nɛ nɔ nɛ maa tu fo kɛ maa je Yehu klaate nya a, Elisha maa gbe lɛ.

Matsɛmɛ II, 1:16

nɛ e ya de lɛ ke, “Yawɛ ke, ‘Akɛnɛ o tsɔ ya bi ní ngɛ Ekron mawu Baalzebub ɔ ngɔ, kaa nɔ́ nɛ Mawu be Israel nɛ a ma bi lɛ ga womi he je ɔ, o yi be wami nae; o ma gbo!’ ”