Matsɛmɛ II, 8:4 - BAIBLO ALOO NGMAMI KLƆUKLƆU Ɔ

⁴ E ya na Mawu nɔmlɔ Elisha tsɔlɔ Gehazi nɛ e kɛ matsɛ ɔ ngɛ ní sɛɛe. Matsɛ ɔ de Gehazi ke, “Moo gba mi nyakpɛ níhi tsuo nɛ Elisha pee ɔ.”

Matsɛmɛ II, 8:4 ပူးပေါင်းရင်းမြစ်များ

Ni Tsumi 24:24

Be saii se ɔ, Felike kɛ e yo Drusila ba. E yo ɔ, Yuda no ji lɛ. Felike ha a ya tsɛ Paulo kɛ ba. Benɛ Paulo ngɛ munyu tue ngɛ hemi kɛ yemi ngɛ Kristo Yesu mi he ɔ, e bu lɛ tue saminya.

Yohane 9:27

E he nɔ ke, “Tse i de nyɛ enɛ ɔ momo nɛ nyɛ bui mi tue. Mɛni nyɛ ngɛ hlae nɛ nyɛɛ nu ekohu. Nyɛ hu nyɛ suɔ kaa nyɛ maa pee e kaseli lo?”

Luka 23:8

Herode nu Yesu he kɛ, nɛ e je bɔni lɛ hlami nɛ e na pi mwɔnɛ. E hemi kɛ yemi hu ji kaa Yesu maa pee nyakpɛ nɔ́ ko nɛ e na. Lɔ ɔ he ɔ, benɛ a kɛ Yesu ba e ngɔ ɔ, e na bua jɔmi babauu.

Luka 9:9

Se Herode ke, “Yohane ɔ, i po e yi. Se i ngɛ nyakpɛ níhi nue ngɛ nyumu nɛ ɔ lɛɛ e he. Mɛnɔ ji lɛ?” Nɛ e hla kaa e maa na Yesu.

Mateo 2:8

Lɔ ɔ se ɔ, e wo mɛ blɔ kɛ ho Betlehem ya kɛ sɛ gbi ke, “Nyɛɛ ya nɛ nyɛ ya hla bimwɔyo ɔ fitsofitso. Ke nyɛ na lɛ ɔ, nyɛ ba de mi, konɛ imi hu ma ya nɛ ma ya ja lɛ.”

Matsɛmɛ II, 7:10

Kɛkɛ nɛ a ho nɛ a ya tsɛ ma agbo nya buli ɔmɛ nɛ a de mɛ ke, “Wa ya Siria bi ɔmɛ a ma sito he ɔ, se wa nɛ nɔ ko nɔ ko ngɛ lejɛ ɔ; wa nui nɔ ko nɔ ko nya hulɔ. A fi okpɔngɔ ɔmɛ, kɛ teji ɔmɛ kɛ muɔ si, nɛ bo tsu ɔmɛ fɔɔ si kaa bɔ nɛ a si mɛ ɔ.”

Matsɛmɛ II, 7:3

Nyumuhi eywiɛ komɛ nɛ he womi nɔ hiɔ yaya ngɛ a he hi Samaria ma a agbo ɔ nya. Ligbi ko ɔ, a de a he ke, “Mɛni he je wa maa hi si ngɛ hiɛmɛ nɛ ɔ kɛ yaa si wa ma gbo ɔ?

Matsɛmɛ II, 7:1

Se Elisha de ke, “Nyɛɛ bu Yawɛ munyu tue! Yawɛ ke, hwɔɔ maa pee be nɛ ɔ mi ɔ, a maa jua ngma mamu bukɔbukɔ kilo etɛ, sika hiɔ yi kake; nɛ a ma he blɛfo kilo ekpa hu sika hiɔ yi kake ngɛ Samaria ma a agbo ɔ nya.”

Matsɛmɛ II, 6:32

Nɛ e tsɔ nyumu ko ke e ya tsɛ Elisha kɛ ba. Jamɛ a be ɔ mi ɔ, Elisha kɛ ma nimeli komɛ nɛ ma lɛ slaami ɔ hii si ngɛ e we ɔ mi. Benɛ tsɔlɔ ɔ na we nɛ e su we ɔ mi ɔ, Elisha de ma nimeli ɔmɛ ke, “Tse nyɛ na kaa nɔmlɔ gbelɔ nɛ ɔ tsɔ nɛ́ a ba po ye yi! Nyɛ le piɔ, ke tsɔlɔ ɔ ba a, nyɛ nga sinya a, nɛ nyɛ ko ngmɛ lɛ blɔ nɛ e sɛ tsu ɔ mi. Matsɛ ɔ nitsɛ nyɛɛ e se kɛ ma.”

Matsɛmɛ II, 6:6

Mawu nɔmlɔ ɔ bi lɛ ke, “Jije e nɔ?” Nyumu ɔ tsɔɔ lɛ he nɛ gbiɛ ɔ nɔ. Kɛkɛ nɛ Elisha po tso nɛ e sake kɛ fɔ lejɛ ɔ, nɛ nɔ́ nɛ ɔ ha dade ɔ ba je nyu hɛ.

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.

Matsɛmɛ II, 4:12

E tsɔ e tsɔlɔ Gehazi ke e ya tsɛ Shunem yo ɔ kɛ ba. Nɛ yo ɔ ba da si ngɛ Elisha hɛ mi.

Matsɛmɛ II, 2:24

Elisha plɛ hyɛ mɛ, nɛ e tsɛ Yawɛ biɛ kɛ gbiɛ mɛ. Kɛkɛ nɛ osisiblisi eyo enyɔ je nga mi kɛ ba, nɛ a ba tsɔtslɔɔ jokuɛwi nyumuwi ɔmɛ a kpɛti nimli nyingmi eywiɛ kɛ enyɔ a mi.

Matsɛmɛ II, 2:14

E kɛ Eliya tade ɔ fia nyu ɔ mi, nɛ e bi ke, “Jije Yawɛ, Eliya Mawu ɔ ngɛ?” E ngɔ tade ɔ kɛ fia nyu ɔ mi ekohu, nɛ nyu ɔ mi gba kɛ ya hiɛ kɛ hiɛ; nɛ e nyɛɛ kɛ be.

Matsɛmɛ II, 8:3

Jeha kpaago ɔ se, benɛ yo ɔ kpale e se kɛ je Filisti bi ɔmɛ a zugba a nɔ kɛ ba a, e ya nɛ́ e ya kpa matsɛ ɔ pɛɛ konɛ e kpale e we ɔ, kɛ e zugba a nɛ a kpɔ ɔ kɛ ha lɛ.

Matsɛmɛ II, 4:25

Yo ɔ pue nɔ kɛ ho Karmel yo ɔ nɔ he nɛ Elisha ngɛ ɔ ya. Benɛ Mawu nɔmlɔ ɔ na yo ɔ nɛ ma ngɛ tsitsaa a, e de e tsɔlɔ Gehazi ke, “Hyɛ, Shunem yo ɔ lɛ ma a nɛ!