Matsɛmɛ II, 8:3 - BAIBLO ALOO NGMAMI KLƆUKLƆU Ɔ

³ Jeha kpaago ɔ se, benɛ yo ɔ kpale e se kɛ je Filisti bi ɔmɛ a zugba a nɔ kɛ ba a, e ya nɛ́ e ya kpa matsɛ ɔ pɛɛ konɛ e kpale e we ɔ, kɛ e zugba a nɛ a kpɔ ɔ kɛ ha lɛ.

Matsɛmɛ II, 8:3 ပူးပေါင်းရင်းမြစ်များ

Yeremia 22:16

E ye ohiatsɛmɛ, kɛ nɔ́ nali a sane ha mɛ, nɛ e nɔ́ tsuaa nɔ́ ya nɔ bɔ nɛ sa. Anɛ pi enɛ ɔ peemi ji Yawɛ lemi lo?

Matsɛmɛ II, 8:6

Matsɛ ɔ bi yo ɔ e nya mi gbi, nɛ e gba lɛ e sane ɔ. Kɛkɛ nɛ matsɛ ɔ tsɛ e tsɔlɔ ko nɛ e de lɛ ke, “Moo kpale yo ɔ nɔ́ tsuaa nɔ́ kɛ ha lɛ. Jehanɛ, jeha kpaago ɔ nɛ e be hiɛ ɔ, niba ní tsuo nɛ ba ngɛ e zugba a nɔ ɔ, a bu nya nɛ a wo lɛ he hiɔ.”

Matsɛmɛ II, 6:26

Ligbi ko, benɛ Israel matsɛ ɔ ngɛ nyɛɛe ngɛ gbogbo nɛ a fia kɛ bɔle ma a nɔ ɔ, yo ko kpa ngmlaa nɛ e de lɛ ke, “Ye nyɔmtsɛ matsɛ, mo wa mi!”

Matsɛmɛ II, 4:13

Elisha de Gehazi ke, “Mo bi yo ɔ ke dengme nɛ ɔ tsuo nɛ e ngɛ gboe ngɛ wa he ɔ, mɛni e suɔ kaa ma pee ha lɛ? Anɛ e ngɛ sane ko nɛ e maa suɔ nɛ ma kɛ ya fɔ matsɛ, loo asafoatsɛ hɛ mi ha lɛ lo?” Yo ɔ he nɔ ke, “Nɔ́ ko nɔ́ ko he hia we mi; imi nitsɛ ye ma mi bi a kpɛti nɛ i ngɛ.”

Samuel II, 14:4

Benɛ Tekoa yo ɔ ba matsɛ ɔ ngɔ ɔ, e kpla si nɛ e kɛ e hɛ mi bu si, nɛ e de ke, “Nɛnɛ lee! Moo ye bua mi!”

Matsɛmɛ II, 8:2

Yo ɔ dla, nɛ kaa bɔ nɛ Mawu nɔmlɔ ɔ de lɛ ɔ, e kɛ e we mi bi ɔmɛ pue nɔ kɛ ho Filisti bi ɔmɛ a zugba a nɔ ya; nɛ a ya to nubwɔ ngɛ lejɛ ɔ jeha kpaago.

Matsɛmɛ II, 8:4

E ya na Mawu nɔmlɔ Elisha tsɔlɔ Gehazi nɛ e kɛ matsɛ ɔ ngɛ ní sɛɛe. Matsɛ ɔ de Gehazi ke, “Moo gba mi nyakpɛ níhi tsuo nɛ Elisha pee ɔ.”

Rut Womi 1:7

Kɛkɛ nɛ a pue nɔ kɛ yaa Yuda. Benɛ a yaa ngɛ blɔ ɔ nɔ ɔ,