Matsɛmɛ II, 8:24 - BAIBLO ALOO NGMAMI KLƆUKLƆU Ɔ

²⁴ Yehoram ba gbo nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi, nɛ e binyumu Ahazia ba ye matsɛ ngɛ e se.

Matsɛmɛ II, 8:24 ပူးပေါင်းရင်းမြစ်များ

Kronika II, 25:23

Israel matsɛ, Yehoash nu Yuda matsɛ Amazia, nɛ e kɛ lɛ ba Yerusalem. Benɛ a ba su Yerusalem ɔ, Yehoash ha nɛ a ku Yerusalem gbogbo ɔ gugue lafa ngɔ pue si kɛ je Efraim agbo ɔ nya, kɛ ya si kɔ nya agbo ɔ nya.

Kronika II, 22:6

Lɔ ɔ he ɔ, e kpale e se kɛ ho Yezreel ma a mi ya konɛ e ya tsa e he. Yuda matsɛ, Ahazia, Yehoram binyumu ɔ hu bú e nɔ nɛ e ya slaa lɛ.

Kronika II, 21:17

A ba tua Yuda, nɛ a ha ní ngɛ matsɛ we ɔ. A nuu matsɛ ɔ yi ɔmɛ, kɛ e binyumu ɔmɛ tsuo nyɔguɛ kɛ je. Matsɛ ɔ binyumu sekpɛ ɔ nɛ a tsɛɛ lɛ Ahazia a pɛ ji nɔ nɛ piɛ ngɛ se.

Kronika II, 21:1

Yehoshafat ba gbo nɛ a pu lɛ ngɛ matsɛmɛ ɔmɛ a gɔ ɔ mi ngɛ David ma a mi, nɛ e binyumu Yehoram ba ye matsɛ ngɛ e se.

Kronika II, 21:20

Yehoram ye jeha nyingmi etɛ kɛ enyɔ benɛ e bɔni tsɛ yemi, nɛ e hi Yerusalem kɛ ye matsɛ jeha kpaanyɔ. Benɛ e gbo ɔ, nɔ ko nɔ ko yi lɛ kɔmɔ. A pu lɛ ngɛ David ma a mi mohu, se a pu we lɛ ngɛ matsɛmɛ ɔmɛ a gɔ ɔ mi.

Kronika I, 3:11

Yehoram, Ahazia, Yoash,

Matsɛmɛ I, 14:31

Rehoboam ba gbo, nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi, nɛ e binyumu Abiya ba ye tsɛ ngɛ e se.

Matsɛmɛ I, 14:20

Yeroboam ye matsɛ jeha nyingmi enyɔ kɛ enyɔ. E ba gbo, nɛ a pu lɛ, nɛ e binyumu Nadab ba ye tsɛ ngɛ e se.

Matsɛmɛ I, 11:43

Salomo ba gbo nɛ a pu lɛ ngɛ e tsɛ David ma a mi, nɛ e binyumu Rehoboam ba ye tsɛ ngɛ e se.

Matsɛmɛ I, 2:10

David ba gbo, nɛ a pu lɛ ngɛ David ma a mi.

Matsɛmɛ II, 8:23

Yehoram he sane kpahi, kɛ níhi tsuo nɛ e pee ɔ, a ngma ngɛ Yuda Matsɛmɛ ɔmɛ a Yi nɔ Sanehi Womi ɔ mi.

Matsɛmɛ II, 10:13

e kɛ Yuda matsɛ, Ahazia nyɛmimɛ ɔmɛ kpe. E bi mɛ ke, “Mɛnɔmɛ ji nyɛ?” A he nɔ ke, “Ahazia nyɛmimɛ ji wɔ. Wa yaa nɛ wa ya slaa matsɛ binyumu ɔmɛ, kɛ manyɛ binyumu ɔmɛ.”

Kronika II, 21:7

Se Yawɛ sume kaa e ma kpata David we ɔ hɛ mi, ejakaa e kɛ David so, nɛ e wo si ke e kɛ e nina maa ye matsɛ kɛ maa ya neneene.

Kronika II, 22:1

Arabia bi komɛ ya gbe Matsɛ Yehoram binyumu ɔmɛ tsuo pɛpɛɛpɛ, nɛ a si jokuɛyo ɔ nɛ a tsɛɛ lɛ Ahazia a pɛ. Lɔ ɔ he ɔ, Yerusalem ma mi bi ɔmɛ wo Ahazia matsɛ konɛ e ye e tsɛ ɔ se.

Matsɛmɛ II, 9:28

E tsɔli ɔmɛ ngɔ lɛ kɛ wo ta zugba lɛ mi, nɛ a kɛ lɛ ho David ma, Yerusalem ya, nɛ a ya pu lɛ ngɛ matsɛmɛ ɔmɛ a yɔkɔ ɔ mi ngɛ lejɛ ɔ.

Matsɛmɛ II, 14:20

A kɛ e gbogboe ɔ fɔ okpɔngɔ nɔ kɛ ba Yerusalem nɛ a ba pu lɛ ngɛ matsɛmɛ ɔmɛ a yɔkɔ ɔ mi, ngɛ David ma a mi.

Matsɛmɛ II, 15:38

Yotam ba gbo, nɛ a pu lɛ ngɛ Yuda matsɛmɛ ɔmɛ a yɔkɔ ɔ mi ngɛ David ma a mi; nɛ e binyumu Ahaz ba ye matsɛ ngɛ e se.

Matsɛmɛ II, 16:20

Ahaz ba gbo, nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi; nɛ e binyumu Hezekia ba ye matsɛ ngɛ e se.