Matsɛmɛ II, 8:18 - BAIBLO ALOO NGMAMI KLƆUKLƆU Ɔ

¹⁸ E ngɔ Ahab biyo; nɛ kaa bɔ nɛ Ahab we ɔ pee ɔ, lɛ hu e ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Matsɛmɛ II, 8:18 ပူးပေါင်းရင်းမြစ်များ

Matsɛmɛ II, 8:26

Ahazia ye jeha nyingmi enyɔ kɛ enyɔ benɛ e bɔni matsɛ yemi; nɛ e hi Yerusalem kɛ ye matsɛ jeha kake. E nyɛ, nɛ ji Israel matsɛ Omri bibi ɔ, e biɛ ji Atalia.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Kronika II, 21:13

Mohu ɔ, o ya wo Israel matsɛmɛ ɔmɛ a nane, nɛ o ha nɛ Yuda ma a, kɛ Yerusalem tsuo ja amagahi kaa bɔ nɛ Ahab, kɛ ni nɛmɛ nɛ nyɛɛ e se ɔ ha nɛ Israel ma a pee ɔ pɛpɛɛpɛ. O nyɛminyumuhi nɛ a hi pe mo ɔ hu, o gbe mɛ.

Kronika II, 21:6

Lɛ hu e ya wo Israel matsɛmɛ ɔmɛ a nane kaa bɔ nɛ Ahab pee ɔ, ejakaa e ngɔ Ahab biyo. E pee yayami kɛ si Yawɛ.

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Kronika II, 18:1

Benɛ Yuda matsɛ, Yehoshafat ba na ní nɛ e he biɛ hulɔ ɔ, e kɛ Israel matsɛ, Ahab ba pee ngatsɛ.

Matsɛmɛ II, 21:13

Bɔ nɛ i gbla Samaria, kɛ Israel matsɛ, Ahab kɛ e we ɔ a tue ɔ, ja nɔuu ma pee Yerusalem. Ma ha nɛ a maa muɔ nimli ɔmɛ tsuo kɛ je Yerusalem, nɛ Yerusalem ma a maa pee falifali kaa kã nɛ a fɔ mi nɛ a plɛ ngɔ bu si.

Matsɛmɛ II, 21:3

Jami hehi nɛ e tsɛ Hezekia gbɛ ɔ, e kpale dla mɛ ekohu. E ma bɔ sami la tɛhi kɛ ha Baal, nɛ e puɛ amaga kɛ ha yo mawu ɔ nɛ a tsɛɛ Ashera a kaa bɔ nɛ Israel matsɛ, Ahab pee ɔ. E ja dodoehi hulɔ.

Matsɛmɛ I, 21:25

(Nɔ ko nɔ ko be nɛ ngɔ e he tsuo ngɔ ha yayami peemi ngɛ Yawɛ hɛ mi kaa Ahab, ejakaa e yo Yezebel ji nɔ nɛ tsitsɛɛ e kuɛ se mi.

Matsɛmɛ I, 22:44

Yehoshafat kɛ Israel matsɛ ɔ hi si ngɛ tue mi jɔmi mi.

Matsɛmɛ II, 8:27

Ahazia ngatsɛ ji matsɛ Ahab. Nɛ kaa bɔ nɛ Ahab we ɔ pee ɔ, Ahazia hu ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Matsɛmɛ II, 16:3

se mohu e ya wo Israel matsɛmɛ ɔmɛ a nane. E ngɔ lɛ nitsɛ e binyumu po kɛ sã sami bɔ kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ ɔ nɔ ɔ a kusumi yayami ɔmɛ ngɛ ɔ.

Kronika II, 17:4

E sɔmɔ e tsɛ Mawu ɔ; e ye Mawu mlaa amɛ a nɔ, nɛ e pee we e ní kaa Israel matsɛmɛ ɔmɛ.