Matsɛmɛ II, 8:16 - BAIBLO ALOO NGMAMI KLƆUKLƆU Ɔ

¹⁶ Israel matsɛ, Yoram, Ahab binyumu ɔ yi nɔ jeha enuɔ ɔ mi ɔ, Yehoshafat binyumu Yehoram ba bɔni matsɛ yemi ngɛ Yuda.

Matsɛmɛ II, 8:16 ပူးပေါင်းရင်းမြစ်များ

Matsɛmɛ II, 1:17

Ahazia gbo niinɛ kaa bɔ nɛ Yawɛ gu Eliya nɔ de to ɔ. Nɛ akɛnɛ Ahazia be binyumu he je ɔ, e nyɛminyumu Yoram ba ye matsɛ ngɛ e se ngɛ Yuda matsɛ, Yehoram nɛ ji Yehoshafat binyumu ɔ yi nɔ jeha enyɔne ɔ mi.

Matsɛmɛ II, 3:1

Yuda matsɛ, Yehoshafat yi nɔ jeha nɛ ji nyɔngma kɛ kpaanyɔ ɔ mi ɔ, Ahab binyumu Yehoram ba ye matsɛ ngɛ Israel ma a nɔ. E hi Samaria kɛ ye matsɛ jeha nyɔngma kɛ enyɔ.

Matsɛmɛ I, 22:50

Yehoshafat ba gbo, nɛ a pu lɛ ngɛ matsɛmɛ a gɔ ɔ mi ngɛ David ma a mi, nɛ e binyumu Yehoram ba ye tsɛ ngɛ e se.

Matsɛmɛ I, 22:44

Yehoshafat kɛ Israel matsɛ ɔ hi si ngɛ tue mi jɔmi mi.

Matsɛmɛ I, 22:42

Yehoshafat ye jeha nyingmi etɛ kɛ enuɔ benɛ e bɔni tsɛ yemi, nɛ e hi Yerusalem kɛ ye matsɛ jeha nyingmi enyɔ kɛ enuɔ. E nyɛ biɛ ji Azuba, Shilhi biyo ɔ.

Matsɛmɛ I, 22:51

Matsɛ Yehoshafat yi nɔ jeha nyɔngma kɛ kpaago ɔ, Ahab binyumu Ahazia ba bɔni tsɛ yemi ngɛ Israel ma a nɔ. E hi Samaria kɛ ye matsɛ jeha enyɔ.

Matsɛmɛ II, 8:25

Israel matsɛ, Yoram, Ahab binyumu ɔ yi nɔ jeha nyɔngma kɛ enyɔ ɔ mi ɔ, Yehoram binyumu Ahazia bɔni matsɛ yemi ngɛ Yuda.

Matsɛmɛ II, 11:2

Ahazia binyumu Yoash pɛ ji nɔ nɛ nine sui e nɔ. Bɔ nɛ e ba ji, Matsɛ Yehoram biyo Yehosheba, Ahazia nyɛmiyo ɔ, kú Yoash kɛ je matsɛ bimɛ ɔmɛ nɛ a ma mɛ gbemi ɔ a kpɛti. E ngɔ lɛ kɛ e bimɛanyɛ ɔ ya to se tsu ko mi ngɛ Yawɛ we ɔ kɛ laa Atalia; nɛ a gbi lɛ.

Kronika II, 22:1

Arabia bi komɛ ya gbe Matsɛ Yehoram binyumu ɔmɛ tsuo pɛpɛɛpɛ, nɛ a si jokuɛyo ɔ nɛ a tsɛɛ lɛ Ahazia a pɛ. Lɔ ɔ he ɔ, Yerusalem ma mi bi ɔmɛ wo Ahazia matsɛ konɛ e ye e tsɛ ɔ se.