Matsɛmɛ II, 8:13 - BAIBLO ALOO NGMAMI KLƆUKLƆU Ɔ

¹³ Hazael bi lɛ ke, “Imi o tsɔlɔ nɛ i ngɛ kaa gbe kɛkɛ ɔ, mɛnɔ ji mi nɛ ma tsu nɔ́ nguaa kaa kikɛ nɛ ɔ?” Elisha he nɔ ke, “Yawɛ lɛ je tsɔɔ mi kaa mo lɛ o ma ba ye tsɛ ngɛ Siria ma a nɔ.”

Matsɛmɛ II, 8:13 ပူးပေါင်းရင်းမြစ်များ

Samuel I, 17:43

E bi David ke, “Anɛ gbe ji mi nɛ o ma ye ngɔ kɛ tso ɔ?” E ya nɔ nɛ e tsɛ wɔ pue David nɔ, nɛ e gbiɛ lɛ,

Matsɛmɛ I, 19:15

Yawɛ de lɛ ke, “Kpale o se kɛ ya nga a nɔ ngɛ Damasko kasa nya. Yaa ma a mi, nɛ o ya pɔ Hazael nu, nɛ e ye tsɛ ngɛ Siria;

Samuel II, 9:8

Mefiboshet kpla si ngɛ David hɛ mi ekohu, nɛ e de ke, “Mɛnɔ po ji mi nɛ o naa mi mɔbɔ kaa kikɛ nɛ ɔ? Imi, o tsɔlɔ nɛ i ngɛ kaa gbe gbogboe ɔ!”

Mateo 7:6

“Nyɛ ko ngɔ níhi nɛ ngɛ klɔuklɔu ngɔ ha gbehi; ke nyɛ pee jã a, a ma plɛ wo nyɛ, nɛ a ma tua nyɛ. Nyɛ ko sake nyɛ june ngɔ pue kpotoohi a blɔ mi; ke nyɛ pee jã a, a maa naa nɔ.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

La 22:20

Mo je mi kɛ je klaate nya. Mo he ye yi wami kɛ je gbe nɛ ɔmɛ a dɛ mi.

La 22:16

Nimli yayamihi ba bɔle mi kɛ kpe kaa gbehi, nɛ a ngɛ ye nine kɛ ye nane tsɔtslɔɔe.

Matsɛmɛ II, 8:10

Elisha de lɛ ke, “Yawɛ je tsɔɔ mi kaa e ma gbo; se kɛ̃ ɔ, yaa nɛ o ya de lɛ ke e ma na he wami.”

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Filipibi 3:2

Nyɛɛ hyɛ saminya ngɛ gbee ɔmɛ a he, nyɛɛ hyɛ saminya ngɛ ní tsuli yaya amɛ a he, nyɛɛ hyɛ saminya ngɛ nihi nɛ woɔ nɔmlɔ tso ɔ he pa ke a po nɔ ɔ a he.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Matsɛmɛ II, 13:22

Siria matsɛ, Hazael wa Israel bi ɔmɛ yi mi Yehoahaz matsɛ yemi be ɔ tsuo;