Matsɛmɛ II, 8:12 - BAIBLO ALOO NGMAMI KLƆUKLƆU Ɔ

¹² Hazael bi lɛ ke, “Ye nyɔmtsɛ, mɛni he je o ngɛ ya foe ɔ?” Elisha he nɔ ke, “Ejakaa i le ní yayamihi nɛ o maa pee Israel ma a. O maa mɛ a mɔ ɔmɛ a he la; o kɛ klaate maa gbe a nihewi ɔmɛ; o maa ngɔ a bimɛ tsɔwitsɔwi ɔmɛ kɛ fia si, nɛ a maa ku dukuduku. Yihɔyi ɔmɛ lɛɛ o ma gba a muklii ɔmɛ.”

Matsɛmɛ II, 8:12 ပူးပေါင်းရင်းမြစ်များ

Hosea 13:16

A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Nahum 3:10

Se kɛ̃ ɔ, a nuu Tebes bi ɔmɛ nyɔguɛ kɛ ho ma se ya. A fiaa jokuɛwi ɔmɛ ní nɛ a gbe ngɛ ma a mi blɔ ɔmɛ a kɔ nya amɛ tsuo. A nuu a ma nimeli ɔmɛ, nɛ a wo mɛ kɔsɔkɔsɔ kɛ ho. A dla mɛ ngɔ ha nihi nɛ ba nuu mɛ ɔ.

Matsɛmɛ II, 15:16

Benɛ Menahem je Tirza kɛ yaa a, e kpata Tapua ma a, ma mi bi ɔmɛ, kɛ zugbahi nɛ bɔle Tapua ma a a hɛ mi. Yihɔyihi nɛ ngɛ ma a mi po, e ta bimɛ ɔmɛ ngɛ mɛ tsuo pɛpɛɛpɛ a mi mi. Menahem pee nɔ́ nɛ ɔ, ejakaa ma a he we lɛ atuu.

Matsɛmɛ II, 13:3

Enɛ ɔ he je ɔ, Yawɛ mi mi fu Israel, nɛ e ngɔ mɛ kɛ wo Siria matsɛ, Hazael kɛ e binyumu Benhadad a dɛ mi si abɔ.

Matsɛmɛ II, 12:17

Jamɛ a be ɔ, Siria matsɛ, Hazael ya tua Gat, nɛ e ngɔ ma a; nɛ e to e yi mi kaa e ma ya tua Yerusalem hulɔ.

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Yesaya 13:16

A maa ngɔ a bimwɔwi ngɔ fiaa si, nɛ a ma gbo; a maa ha a we mi níhi, nɛ a maa pee a yi ɔmɛ basabasa ngɛ a hɛ mi paa.”

Matsɛmɛ II, 13:7

Siria matsɛ ɔ kpata Matsɛ Yehoahaz tabo ɔ hɛ mi, nɛ nɔ́ nɛ ɔ ha nɛ a he wami nɔ gbɔ. Matsɛ Yehoahaz ta buli tsuo nɛ piɛ ha lɛ ji okpɔngɔ ta buli nyingmi enuɔ, ta zugba lɛ nyɔngma, kɛ nane nyɛɛli akpe nyɔngma.

Hosea 10:14

Enɛ ɔ he ɔ, ta ma ba tua nyɛ, nɛ nyɛ mɔ ɔmɛ tsuo a hɛ mi ma kpata kaa bɔ nɛ Matsɛ Shalman kpata Betabel hɛ mi ngɛ ta mi ɔ. Jamɛ a ligbi ɔ, a nuu nyɛmɛ kɛ a bimɛ tsuo ngɔ fiaa si nɛ a gbe mɛ.

Yesaya 13:18

A kɛ a kɛ̃ɛ̃ ɔmɛ maa gbe nihewi. Bimwɔwi ngɛ a nyɛmɛ a mi mi po, a be mɛ mɔbɔ nae, nɛ jokuɛwi hu, a be a he bee.

Matsɛmɛ II, 4:28

Kɛkɛ nɛ yo ɔ de lɛ ke, “Ye nyɔmtsɛ, anɛ i bi mo ke o ha mi binyumu lo? Anɛ i de we mo ke o ko mlɔɔ mi lo?”

Matsɛmɛ I, 18:13

Anɛ o nui kaa benɛ Yezebel ngɛ Yawɛ gbali ɔmɛ gbee ɔ, i ngɔ a ti nihi lafa ngɔ laa ngɛ tɛ puɔhi a mi, nɛ i ha mɛ niye ní kɛ nyu lo? I ngɔ gbali nyingmi enuɔ ngɔ to he kake, nɛ i ngɔ nyingmi enuɔ hu ngɔ to he kake.

Matsɛmɛ I, 19:17

Nɔ tsuaa nɔ nɛ maa tu fo kɛ je Hazael klaate nya a, Yehu maa gbe lɛ; nɛ nɔ nɛ maa tu fo kɛ maa je Yehu klaate nya a, Elisha maa gbe lɛ.

Matsɛmɛ II, 13:22

Siria matsɛ, Hazael wa Israel bi ɔmɛ yi mi Yehoahaz matsɛ yemi be ɔ tsuo;

Matsɛmɛ II, 12:18

Nike ní klɔuklɔuhi tsuo nɛ Yehoshafat, Yehoram, kɛ Ahazia, nɛ ji Yuda matsɛmɛ nɛ nyɛɛ Yoash hɛ mi ɔ gbaa nɔ kɛ ha Yawɛ ɔ, Matsɛ Yoash ngɔ. E kɛ lɛ nitsɛ e ní klɔuklɔu ɔmɛ, kɛ sika tsuo nɛ a na ngɛ Yawɛ we ɔ, kɛ matsɛ we ɔ nito he ɔmɛ piɛ he, nɛ e tsɔ nɛ a ngɔ ya ha Siria matsɛ, Hazael. Kɛkɛ nɛ Hazael kpale e se kɛ je Yerusalem.

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.