Matsɛmɛ II, 8:11 - BAIBLO ALOO NGMAMI KLƆUKLƆU Ɔ

¹¹ Kɛkɛ nɛ Elisha dɔ e hɛngmɛ ngɔ fɔ Hazael nɔ, nɛ e hyɛ lɛ gaa, hluu kɛ ya si Hazael hao. Kɛkɛ nɛ Mawu nɔmlɔ ɔ fo ya.

Matsɛmɛ II, 8:11 ပူးပေါင်းရင်းမြစ်များ

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Yeremia 9:18

Ma a de ke, “Nyɛ de mɛ nɛ a pee esɔ nɛ a ba wo yana ha wɔ, kɛ yaa si wa hɛngmɛ ɔmɛ maa tɔ nyu, nɛ wa hɛngmɛ se maa fuu kɛ ya fomi sɔuu.”

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

Filipibi 3:18

I de nyɛ nɔ́ nɛ ɔ si abɔ, nɛ jehanɛ hu i kɛ vo nyu ngɛ nyɛ dee ekohu ke gbenɔ nɛ Kristo ba gbo ngɛ sɛumi tso ɔ nɔ ɔ, nihi babauu a je mi bami peeɔ mɛ e he nyɛli.

Romabi 9:2

I yeɔ tsui, nɛ i yeɔ kɔmɔ hu babauu

Ni Tsumi 20:31

Lɔ ɔ he ɔ, nyɛ hɛ nɛ hi nyɛ he nɔ be tsuaa be, nɛ nyɛ kai kaa i nga vo nyu kɛ tsɔɔ nyɛ ní nyɔ kɛ pia jeha etɛ sɔuu.

Ni Tsumi 20:19

I ba ye he si saminya kɛ sɔmɔ Nyɔmtsɛ ɔ. Jamɛ a be ɔ mi tsuo ɔ, Yuda bi ɔmɛ soɔ ye yi nɔ, nɛ a haa nɛ i naa nɔ́ wawɛɛ, nɛ i foɔ ya tete po.

Yohane 11:35

Yesu fo ya.

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Matsɛmɛ II, 2:17

Se a hao lɛ hluu kɛ ya si nɔ́ ɔ ba pee lɛ ahuto, nɛ e de mɛ ke, “Yoo, nyɛɛ tsɔ kɛ ya!” Lɔ ɔ he ɔ, mɛ nyumuhi nyingmi enuɔ ɔmɛ a ho ya hla Eliya ligbi etɛ sɔuu; se a nɛ lɛ.

Mose I, 45:2

E fo ya boboobo. Egipt bi ɔmɛ nu he, nɛ munyu ɔ ya pɛ ngɛ matsɛ we ɔ mi hulɔ.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.