Matsɛmɛ II, 7:9 - BAIBLO ALOO NGMAMI KLƆUKLƆU Ɔ

⁹ Kɛkɛ nɛ a de a sibi ke, “Nɔ́ nɛ wa ngɛ pee nɛ ɔ hí! Wa ye manye mwɔnɛ ligbi nɛ ɔ. Ke wa pee dii nɛ wa mlɛ kɛ ya si mɔtu loko wa ya de ɔ, a maa gbla wa tue. Lɔ ɔ he ɔ, nyɛ ha waa ho nɛ wa ya bɔ matsɛ we ɔ amaniɛ.”

Matsɛmɛ II, 7:9 ပူးပေါင်းရင်းမြစ်များ

Matsɛmɛ II, 5:4

Benɛ Naeman nu he ɔ, e ho ya bɔ matsɛ ɔ nɔ́ nɛ yiheyo ɔ nɛ je Israel ɔ de ɔ.

Matsɛmɛ II, 7:10

Kɛkɛ nɛ a ho nɛ a ya tsɛ ma agbo nya buli ɔmɛ nɛ a de mɛ ke, “Wa ya Siria bi ɔmɛ a ma sito he ɔ, se wa nɛ nɔ ko nɔ ko ngɛ lejɛ ɔ; wa nui nɔ ko nɔ ko nya hulɔ. A fi okpɔngɔ ɔmɛ, kɛ teji ɔmɛ kɛ muɔ si, nɛ bo tsu ɔmɛ fɔɔ si kaa bɔ nɛ a si mɛ ɔ.”

Matsɛmɛ II, 7:3

Nyumuhi eywiɛ komɛ nɛ he womi nɔ hiɔ yaya ngɛ a he hi Samaria ma a agbo ɔ nya. Ligbi ko ɔ, a de a he ke, “Mɛni he je wa maa hi si ngɛ hiɛmɛ nɛ ɔ kɛ yaa si wa ma gbo ɔ?

Matsɛmɛ II, 7:6

Yawɛ ha nɛ Siria bi ɔmɛ nububuubui ko he kaa nɔ́ nɛ tabo agbo ko hia kɛ ma, kɛ okpɔngɔhi, kɛ ta zugba lɛhi; nɛ Siria bi ɔmɛ susu kaa Israel matsɛ ɔ ya bɔ Hit bi a matsɛmɛ ɔmɛ, kɛ Egipt bi ɔmɛ a matsɛmɛ ɔmɛ apaa nɛ a ba tua mɛ.

Matsɛmɛ II, 7:8

Benɛ he womi nɔ hiɔ yaya nuli ɔmɛ ba su ma sito he ɔ nya a, a sɛ bo tsu kake mi, nɛ a ya ye ní nɛ a nu ní. Lɔ ɔ se ɔ, a muɔ sika hiɔ, sika tsu, kɛ bohi kɛ je lejɛ ɔ kɛ ya to he ko. A kpale a se kɛ ba ekohu ba sɛ bo tsu kpa mi, nɛ a muɔ níhi ngɛ lejɛ ɔ hulɔ kɛ ya to.

Abɛ Womi 24:16

Nɔmlɔ kpakpa a, ke e nɔ si nɔtonɔto si kpaago po, e maa te si ekohu. Se nimli yayamihi lɛɛ ke haomi ba a nɔ kɛkɛ a hɛ mi kpata pɛsɛpɛsɛ.

Yesaya 41:27

Imi Yawɛ ji kekleekle nɔ nɛ bɔ Zion amaniɛ nɛ ɔ. Imi nɛ i tsɔ nɔ Yerusalem kɛ manye munyu ke, ‘O ma mi bi ɔmɛ ma oo! A ma we!’

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

Nahum 1:15

Hyɛ, tsɔlɔ ko ma ngɛ yo ɔmɛ a nɔ kɛ manye munyu. E ngɛ fiɛe ngɛ dee ke wa ye kunimi. Yuda ma, nyɛɛ ye nyami ligbi ɔmɛ. Si nɛ nyɛ wo Mawu veveeve ɔ, nyɛɛ ye nɔ. Yiwutsotsɛmɛ nɛ ɔmɛ be bae nɛ a ba tua nyɛ zugba a hu. Ejakaa a kpata a hɛ mi pɛsɛpɛsɛ.

Mose IV, 32:23

Se ke nyɛ yi nyɛ si womi ɔ nɔ ɔ, lɛɛ nyɛ na nɛ nyɛɛ le kaa nyɛ pee yayami kɛ si Yawɛ; nɛ bɔ tsuaa bɔ nɛ pee ɔ, nyɛ ma na nyɛ yayami ɔ he tue gblami.

Luka 2:10

Se bɔfo ɔ de mɛ ke, “Nyɛ ko ye gbeye! I hɛɛ manye munyu nɛ ma ha Israel ma a tsuo ma na bua jɔmi babauu kɛ ha nyɛ.

Filipibi 2:4

Nɔ tsuaa nɔ nɛ fo e nyɛmi nɔ́ mi; e ko fo lɛ nitsɛ pɛ e nɔ́ mi.