Matsɛmɛ II, 7:6 - BAIBLO ALOO NGMAMI KLƆUKLƆU Ɔ

⁶ Yawɛ ha nɛ Siria bi ɔmɛ nububuubui ko he kaa nɔ́ nɛ tabo agbo ko hia kɛ ma, kɛ okpɔngɔhi, kɛ ta zugba lɛhi; nɛ Siria bi ɔmɛ susu kaa Israel matsɛ ɔ ya bɔ Hit bi a matsɛmɛ ɔmɛ, kɛ Egipt bi ɔmɛ a matsɛmɛ ɔmɛ apaa nɛ a ba tua mɛ.

Matsɛmɛ II, 7:6 ပူးပေါင်းရင်းမြစ်များ

Samuel II, 5:24

Ke o nu nɔ́ ko nɛ ngɛ pɛe ngɛ tso ɔmɛ a yi mi kaa tabohi a nyɛɛmi ɔ, yaa nɛ o ya tua Filisti bi ɔmɛ; ejakaa Yawɛ nyɛɛ o hɛ mi kɛ yaa nɛ e ya gbe Filisti ta buli ɔmɛ.”

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Matsɛmɛ I, 10:29

nɛ a ya heɔ ta zugba lɛhi ngɛ Egipt. Mɛ kɛ̃ nɛ a ya heɔ okpɔngɔhi, kɛ ta zugba lɛhi nɛ a ya juaa kɛ haa Hit, kɛ Siria matsɛmɛ ɔmɛ. A juaa ta zugba lɛ kake sika hiɔ yi lafa ekpa, kɛ okpɔngɔ kake sika hiɔ yi lafa kɛ nyingmi enuɔ.

Kpojemi 9:9

A wo ní komɛ ha mɛ ngɛ a gugue mi kaa dade damahi, nɛ ke a fia a pɛlihi a mi ɔ, e pɛɛ wawɛɛ kaa ta zugba lɛhi fuu nɛ okpɔngɔhi gbla kɛ yaa ta.

Ezekiel 10:5

A nu kerub ɔmɛ a pɛli ɔmɛ a he ngɛ agbo nya kue ɔ mi tɔɔ kaa Mawu Ope ɔ nitsɛ nɛ ngɛ munyu tue.

Yesaya 36:9

O ngɛ blɔ hyɛe nɛ Egipt ba ha mo ta zugba lɛhi kɛ okpɔngɔ ta buli, be mi nɛ ye nyɔmtsɛ ɔ we asafoatsɛ nyafii pe kulaa a po o be lɛ nyɛe.

La 14:5

Sawale nɛ nya wa maa nu mɛ; ejakaa nihi nɛ peeɔ nɔ́ nɛ da a, Mawu kɛ mɛ ngɛ.

Hiob 15:21

E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

Matsɛmɛ II, 19:7

Yawɛ ma ha nɛ Asiria matsɛ ɔ maa nu akeake munyu ko, nɛ nɔ́ nɛ ɔ ma ha nɛ e kpale e se kɛ ho lɛ nitsɛ e ma mi ya, nɛ Yawɛ ma ha nɛ a gbe lɛ ngɛ lejɛ ɔ.”

Samuel I, 14:15

Sawale nu Filisti bi ɔmɛ ngɛ nga a nɔ. Ta buli ɔmɛ, kɛ ní hali ɔmɛ tsuo a tsui po. Jehanɛ hu zugba mimiɛ, nɛ nɔ́ nɛ ɔ ha sawale nɛ nu mɛ ɔ nya ba wa pe kekle ɔ.

Samuel I, 26:6

David bi Ahimelek, Hit no ɔ, kɛ Yoab nyɛminyumu Abishai, Zeruya binyumu ɔ ke, “Nyɛ ti mɛnɔ kɛ mi maa ya Saul ta a mi?” Abishai he nɔ ke, “I kɛ mo maa ya.”

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Matsɛmɛ II, 7:5

Lɔ ɔ he ɔ, gbɔkuɛ nya si benɛ du maa ho bumi ya a, a te si nɛ a pue blɔ kɛ yaa Siria ta a mi. Se benɛ a su lejɛ ɔ, a nɛ nɔ ko nɔ ko.

Yeremia 46:21

Ta buli nɛ Egipt bɔ mɛ apaa a, mɛ po a ngɛ kaa na bimɛ kɛkɛ. A nyɛ we nɛ a da si ngɛ ta a nya; mɛ tsuo a tu fo kɛ je ta a nya. A haomi be ɔ su, a hɛ mi kpatami be ɔ su.

Ezekiel 1:24

Benɛ a te kɛ yaa a, i nu a pɛli ɔmɛ a he kaa wo nɛ ngɛ fiae gudaguda, loo ta buli a ngmlaa hoo, loo Mawu Ope ɔ nitsɛ e gbi. Benɛ hɛ kali ɔmɛ ya da si ɔ, a ba a pɛli ɔmɛ si,

Manyadali 7:21

Nɔ tsuaa nɔ daa si ngɛ e blɔ he kɛ bɔle ta a kɛ kpe. Kɛkɛ nɛ he nyɛli ɔmɛ a tabo ɔ tsuo gbɛ, nɛ a kɛ bubuubui tu fo.

Matsɛmɛ I, 20:20

nɛ a ti nɔ tsuaa nɔ gbe nɔ nɛ e kɛ kpe ɔ. Siria bi ɔmɛ tu fo, nɛ Israel bi ɔmɛ nyɛɛ a se. Se Siria matsɛ, Benhadad kɛ okpɔngɔ ta buli komɛ hi okpɔngɔ nɔ kɛ tu fo kɛ je.