Matsɛmɛ II, 7:4 - BAIBLO ALOO NGMAMI KLƆUKLƆU Ɔ

⁴ Ke wa ke wa maa sɛ ma a mi ɔ, hwɔ maa gbe wɔ ngɛ lejɛ ɔ. Ke wa hii si ngɛ hiɛ ɔ hu, wa ma gbo. Lɔ ɔ he ɔ, nyɛ ha nɛ waa je kɛ ho Siria bi ɔmɛ a ma sito he ɔ ya. Ke a he wa yi wami ɔ, wa maa tlɔ je mi; ke a gbe wɔ hu gbenɔ kake ɔ kɛ̃.”

Matsɛmɛ II, 7:4 ပူးပေါင်းရင်းမြစ်များ

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

Matsɛmɛ II, 6:24

Pee se ɔ, Siria matsɛ, Benhadad bua e tabo ɔ nya, nɛ e ya sa Samaria yi.

Matsɛmɛ II, 7:5

Lɔ ɔ he ɔ, gbɔkuɛ nya si benɛ du maa ho bumi ya a, a te si nɛ a pue blɔ kɛ yaa Siria ta a mi. Se benɛ a su lejɛ ɔ, a nɛ nɔ ko nɔ ko.

Kronika I, 12:19

Benɛ David kɛ Filisti bi ɔmɛ hia nɛ a kɛ Matsɛ Saul yaa hwu ta a, ta buli komɛ ku kɛ je Manase wɛtso ɔ mi, nɛ a ba piɛ David he. Anɔkuale mi ɔ, David ya piɛ we Filisti bi ɔmɛ a he kɛ hwui ta a. Filisti matsɛmɛ ɔmɛ nitsɛmɛ ba na kaa ke a hyɛ we nɛ e hi ɔ, David maa je a se, nɛ e ma ya piɛ e nyɔmtsɛ Saul ɔ he, nɛ a maa fia mɛ Filisti bi ɔmɛ se nya kɔ̃. E nɛ ɔ he je ɔ, a ha nɛ e kpale e se.

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 8:14

Mawu ma a mi bi ɔmɛ bi a he ke, “Mɛni he je lɛ wa hii si ngɛ hiɛmɛ nɛ ɔ kɛ mwɔɔ? Nyɛ ha nɛ waa tu fo kɛ ya mahi nɛ a fia gbogbo ngɔ wo a he ɔ a mi, nɛ wa ya gbo ngɛ jamɛ a ma amɛ a mi. Yawɛ, wa Mawu ɔ bu wɔ gbenɔ fɔ, nɛ e ngɔ nyu kɛ kplu nɛ duɔ ngɛ mi ngɔ ha wɔ ke waa nu, ejakaa wa pee yayami kɛ si lɛ.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.