Matsɛmɛ II, 7:15 - BAIBLO ALOO NGMAMI KLƆUKLƆU Ɔ

¹⁵ Tsɔli ɔmɛ nyɛɛ Siria bi ɔmɛ a se kɛ ya su Yordan pa a nya tɔɔ. Benɛ a yaa a, a na tadehi, kɛ ní kpa komɛ nɛ Siria bi ɔmɛ sake ngɔ pue blɔ ɔ tue benɛ a ngɛ fo tue esɔesɔ ɔ. Tsɔli ɔmɛ kpale a se kɛ ba nɛ a ba bɔ matsɛ ɔ amaniɛ.

Matsɛmɛ II, 7:15 ပူးပေါင်းရင်းမြစ်များ

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Ezekiel 18:31

Yayamihi tsuo nɛ nyɛ pee kɛ si mi ɔ, nyɛ sake mɛ ngɔ pue he. Nyɛ tsake, nɛ́ nyɛ na juɛmi he, kɛ tsui he. Israel ma, mɛni he je nyɛ ngɛ hlae nɛ nyɛ hɛ mi nɛ kpata a?

Yesaya 31:7

Be ma nɛ nyɛ tsuo nyɛ ma sake amaga amɛ nɛ nyɛɛ kɛ pee yayami ɔ ngɔ pue he. Amaga nɛ ɔmɛ ɔ, nyɛ nitsɛmɛ nyɛ ngɔ sika tsu, kɛ sika hiɔ kɛ pee.

Yesaya 22:24

“Se e tsɛ we ɔ, e bimɛ, e nyɛmimɛ, kɛ e nina tsuo ma ba pee tlomi ngɛ e nɔ kaa kutuhi kɛ kãhi nɛ kplaa si ngɛ tso plɛɛko he!

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Hiob 2:4

Satan he nɔ ke, “Nɔ́ tsuaa nɔ́ nɛ ngɛ nɔ ko dɛ ɔ, e ma nyɛ ngɔ kɛ ha, ke e yi ma na wami kɛkɛ ɔ.

Ester 1:7

A wo dã ha ni ɔmɛ ngɛ sika tsu kplu slɔɔtoslɔɔtohi a mi; nɛ matsɛ ɔ dã a hiɛ bɔ nɛ sa.

Matsɛmɛ II, 7:14

A hla ni komɛ, nɛ matsɛ ɔ tsɔ mɛ kɛ ta zugba lɛ enyɔ kɛ a nya okpɔngɔhi. E de mɛ ke a ya nɛ a ya hyɛ kaa mɛni lɛ ba Siria bi ɔmɛ a ta buli ɔmɛ a nɔ lo.

Matsɛmɛ II, 7:16

Kɛkɛ nɛ Samaria bi ɔmɛ ho nɛ a ya ha ní ngɛ Siria bi ɔmɛ a ma sito he ɔ. Nɛ, kaa bɔ nɛ Yawɛ de ɔ, a jua mamu bukɔbukɔ kilo etɛ sika hiɔ yi kake, kɛ blɛfo kilo ekpa hu sika hiɔ yi kake.

Fiɛlɔ 3:6

Be ngɛ nɛ a hlaa nɔ́, nɛ be ngɛ nɛ nɔ́ laa. Be ngɛ nɛ a baa nɔ́ yi, nɛ be ngɛ nɛ a sakee nɔ́ kɛ fɔɔ he.