Matsɛmɛ II, 7:13 - BAIBLO ALOO NGMAMI KLƆUKLƆU Ɔ

¹³ E tsɔli ɔmɛ a ti nɔ kake wo ga ke, “Nimli nɛ piɛ ngɛ ma nɛ ɔ mi ɔ, hɛ nɔ kami ko be ha mɛ; a ngɛ kaa Israel ma kpekpemi ɔ nɛ mɛɛ a gbo momo ɔ kɛ̃. Lɔ ɔ he ɔ, nyɛ ha waa tsɔ ni komɛ nɛ a ngɔ okpɔngɔ ɔmɛ nɛ a piɛ ɔ enuɔ kɛ ya, nɛ a ya hyɛ kaa mɛni tutuutu lɛ ba Siria ta buli ɔmɛ a nɔ lo.”

Matsɛmɛ II, 7:13 ပူးပေါင်းရင်းမြစ်များ

Kɔmɔ Yemi 4:9

Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Matsɛmɛ II, 7:4

Ke wa ke wa maa sɛ ma a mi ɔ, hwɔ maa gbe wɔ ngɛ lejɛ ɔ. Ke wa hii si ngɛ hiɛ ɔ hu, wa ma gbo. Lɔ ɔ he ɔ, nyɛ ha nɛ waa je kɛ ho Siria bi ɔmɛ a ma sito he ɔ ya. Ke a he wa yi wami ɔ, wa maa tlɔ je mi; ke a gbe wɔ hu gbenɔ kake ɔ kɛ̃.”

Matsɛmɛ II, 6:33

Benɛ e kɛ mɛ ngɛ munyu tue, nɛ e nya na we nɛ e nɔ si ɔ, matsɛ ɔ ba hia kpo; nɛ e de ke, “Haomi nɛ ɔ, Yawɛ ngɔ e je! Lɛɛ mɛni he i pa ngɛ Yawɛ mlɛe ma pee mɔ?”

Matsɛmɛ II, 5:13

E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

Matsɛmɛ II, 7:12

Matsɛ ɔ te si nyɔ ɔ mi nɔuu, nɛ e de e tsɔli ɔmɛ ke, “Ma tsɔɔ nyɛ ga nɛ Siria bi nɛ ɔmɛ to ngɔ wo wa he ɔ. A le kaa hwɔ ngɛ wɔ yee; lɔ ɔ he ɔ, a je a ma sito he ɔ nɛ a ya laa a he ngɛ nga a nɔ. A susu kaa ke a pee ja a, wa maa je ma a mi, kɛkɛ a ma ba sɛ ma a mi nɛ a nuu wɔ hɛ ngmengmle.”

Matsɛmɛ II, 7:14

A hla ni komɛ, nɛ matsɛ ɔ tsɔ mɛ kɛ ta zugba lɛ enyɔ kɛ a nya okpɔngɔhi. E de mɛ ke a ya nɛ a ya hyɛ kaa mɛni lɛ ba Siria bi ɔmɛ a ta buli ɔmɛ a nɔ lo.