Matsɛmɛ II, 6:30 - BAIBLO ALOO NGMAMI KLƆUKLƆU Ɔ

³⁰ Benɛ matsɛ ɔ nu nɔ́ nɛ yo ɔ de ɔ, e hao nɛ e hía e tade ɔmɛ. Nɛ benɛ e ngɛ nyɛɛe ngɛ gbogbo ɔ nɔ ɔ, ma a na lɛ; nɛ a yɔse kaa e bu kpekpe ngɛ e tade ɔmɛ a sisi.

Matsɛmɛ II, 6:30 ပူးပေါင်းရင်းမြစ်များ

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Matsɛmɛ II, 19:1

Benɛ Matsɛ Hezekia nu amaniɛ ɔ, e kɛ aywilɛho hía e tade ɔmɛ. E bu kpekpe ya bo, nɛ e ho Yawɛ we ɔ mi ya.

Matsɛmɛ II, 5:7

Benɛ Israel matsɛ ɔ kane womi ɔ, e hao wawɛɛ nɛ e hia e tade ɔ nɛ e de ke, “Anɛ Mawu ji mi? Anɛ i ngɛ gbenɔ kɛ wami nɔ he wami loko nyumu nɛ ɔ maa tsɔ nɔ kɛ ba ye ngɔ nɛ ma tsa e he womi nɔ hiɔ yaya a ha lɛ lo? E fɔɔ si paa kaa munyu kɛkɛ lɛ e ngɛ hlae ngɛ ye he!”

Matsɛmɛ II, 18:37

Kɛkɛ nɛ Eliakim, Hilkia binyumu ɔ nɛ hyɛɛ matsɛ we ɔ nɔ ɔ, kɛ Shebna, matsɛ pɛdiyo ɔ, kɛ Yoa, Asaf binyumu ɔ nɛ ji sanehi ngmalɔ ɔ kɛ aywilɛho hía tade ɔmɛ ngɛ a he; nɛ a ho ya bɔ Matsɛ Hezekia níhi tsuo nɛ Asiria matsɛ ɔ we asafoatsɛ ɔ de ɔ.