Matsɛmɛ II, 6:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, Israel matsɛ ɔ hu tsɔ ya de ni ɔmɛ ngɛ lejɛ ɔ ke a hɛ nɛ hi a he nɔ. Nɔ́ nɛ ɔ ya nɔ si abɔ.

Matsɛmɛ II, 6:10 ပူးပေါင်းရင်းမြစ်များ

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Mateo 3:7

Benɛ Yohane na kaa Farisi bi, kɛ Saduki bi babauu ma e ngɔ nɛ e sɔle mɛ ɔ, e de mɛ ke, “Nyɛ sinɔhi a nina, mɛnɔ wo nyɛ ga ke nyɛɛ tu fo ngɛ tue gblami nɛ Mawu kɛ ma nyɛ nɔ ɔ nya.

Mateo 2:12

Akɛnɛ Mawu je tsɔɔ mɛ ngɛ nlami mi ke a ko kpale a se kɛ ya Herode ngɔ hu he je ɔ, a gu blɔ kpa kɛ ho a ma mi ya.

Abɛ Womi 27:12

Nɔ nɛ le ní naa yayami nɛ ma, nɛ e ya laa e he; se kuasia lɛɛ e kɛ yayami ɔ ya kpee, nɛ e naa e mi nɔ́.

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

Matsɛmɛ II, 13:14

Ligbi ko, benɛ gbalɔ Elisha fɔɔ si kɛ gbenɔ hiɔ ɔ, Israel matsɛ, Yehoash ba slaa lɛ, nɛ e fo ya pue e nɔ; nɛ e de ke, “Tsaatsɛ! Tsaatsɛ! Mo ji Israel he falɔ kpanaa!”

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.

Matsɛmɛ II, 2:12

Benɛ Elisha na nɔ́ nɛ ɔ, e kpa ngmlaa nɛ e de ke, “Tsaatsɛ! Tsaatsɛ! Israel ta zugba lɛhi kɛ a we okpɔngɔ ta buli!” Nɛ e nɛ lɛ hu. Lɔ ɔ se ɔ, Elisha gba lɛ nitsɛ e tade ɔmɛ a mi enyɔ.

Matsɛmɛ I, 20:15

Lɔ ɔ he ɔ, matsɛ ɔ ha nɛ a bua amlaalo ɔmɛ nɛ ngɛ ma amɛ a nya a a tsɔli ɔmɛ nɛ ji ta buli nihewi ɔmɛ a nya. A hiɛmi ji lafa enyɔ kɛ nyingmi etɛ kɛ enyɔ. Lɔ ɔ se ɔ, a bua Israel tabo ɔ tsuo nya, nɛ a na nimli akpe kpaago.

Matsɛmɛ II, 6:9

Se Mawu nɔmlɔ ɔ tsɔ ya naa Israel matsɛ ɔ nane nɔ ke e ko ya lejɛ ɔ; ejakaa Siria bi ɔmɛ ma ya wo ka ngɛ lejɛ ɔ.

Matsɛmɛ II, 6:11

Nɔ́ nɛ ɔ hao Siria matsɛ ɔ juɛmi; lɔ ɔ he ɔ, e tsɛ e tsɔli ɔmɛ nɛ e bi mɛ ke, “Nyɛ ti mɛnɔ lɛ ngɛ Israel matsɛ ɔ se? Anɛ nyɛ be mi dee lo?”

Yeremia 11:18

Yawɛ ha nɛ i le kaa ye he nyɛli ɔmɛ so ngɔ wo ye he.