Matsɛmɛ II, 5:7 - BAIBLO ALOO NGMAMI KLƆUKLƆU Ɔ

⁷ Benɛ Israel matsɛ ɔ kane womi ɔ, e hao wawɛɛ nɛ e hia e tade ɔ nɛ e de ke, “Anɛ Mawu ji mi? Anɛ i ngɛ gbenɔ kɛ wami nɔ he wami loko nyumu nɛ ɔ maa tsɔ nɔ kɛ ba ye ngɔ nɛ ma tsa e he womi nɔ hiɔ yaya a ha lɛ lo? E fɔɔ si paa kaa munyu kɛkɛ lɛ e ngɛ hlae ngɛ ye he!”

Matsɛmɛ II, 5:7 ပူးပေါင်းရင်းမြစ်များ

Samuel I, 2:6

Yawɛ gbeɔ nɔ, nɛ e haa nɔ wami ekohu; e kɛ nɔ yaa gbeje, nɛ e kpaleɔ lɛ kɛ baa wami mi ekohu.

Matsɛmɛ I, 20:7

Matsɛ Ahab tsɛ ma nimeli ɔmɛ tsuo, nɛ e de mɛ ke, “Tse nyɛ na kaa nyumu nɛ ɔ ngɛ hlae nɛ e ye wɔ sane yaya? E tsɔ ba de mi ke ma ngɔ ye yi ɔmɛ, ye bimɛ ɔmɛ, ye sika hiɔ, kɛ ye sika tsu kɛ ba ha lɛ, nɛ i kua we.”

Mose I, 30:2

Yakob mi mi fu lɛ wawɛɛ nitsɛ, nɛ e bi lɛ ke, “Anɛ Mawu ji mi lo? Lɛ ji nɔ nɛ tsi o fɔmi nya a nɛ.”

Mose V, 32:39

“Nyɛ na nɛ nyɛɛ le kaa, ‘Imi nɔ kake too ji Mawu; ye se ɔ, mawu ko mawu ko be! Imi nɛ i gbee nɔ, imi kɛ̃ nɛ i haa nɔ wami; imi nɛ i plaa nɔ, nɛ imi nɛ i tsaa nɔ. Nɔ ko nɔ ko be nɛ maa tsi ye nya.

Luka 11:54

kɛ lɛ dami. A hlaa kaa a wo e nya tso kpɛ, konɛ e de nɔ́ ko nɛ sɛ́, nɛ a kɛ po e nya.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Daniel 2:11

Nɔ́ nɛ nɛnɛ ngɛ bie ɔ, nɔ́ ɔ he wa wawɛɛ nitsɛ. Nɔ ko nɔ ko be nyɛe maa pee ha mo, ja mawu ɔmɛ pɛ. Nɛ mawu ɔmɛ hu tsa pi a hi he ji nimli adesahi a kpɛti.”

Ni Tsumi 14:14

Benɛ Barnaba kɛ Paulo nu he ɔ, a hía a tade ngɛ a he, nɛ a sa fo kɛ ya sɛ ni kpekpemi a kpɛti kɛ ngmlaa ke,

Mateo 26:65

Kɛkɛ nɛ osɔfo nɔkɔtɔma pe kulaa a hía tade klɔii ɔ nɛ e wo ɔ, nɛ e de ke, “E bɔ musu! Anɛ odase yeli kpahi a he pa hia wɔ lo? Jehanɛ lɛɛ, tse nyɛ nu kaa e bɔ musu!

Yeremia 36:24

Se matsɛ ɔ jio, ma nimeli ɔmɛ nɛ nu sane nɛ ɔ jio, nɔ ko nɔ ko yi gbeye; nɔ ko nɔ ko hu hía we e tade kɛ tsɔɔ kaa nɔ́ ɔ hao lɛ.

Matsɛmɛ II, 18:37

Kɛkɛ nɛ Eliakim, Hilkia binyumu ɔ nɛ hyɛɛ matsɛ we ɔ nɔ ɔ, kɛ Shebna, matsɛ pɛdiyo ɔ, kɛ Yoa, Asaf binyumu ɔ nɛ ji sanehi ngmalɔ ɔ kɛ aywilɛho hía tade ɔmɛ ngɛ a he; nɛ a ho ya bɔ Matsɛ Hezekia níhi tsuo nɛ Asiria matsɛ ɔ we asafoatsɛ ɔ de ɔ.

Matsɛmɛ II, 11:14

Benɛ e maa hyɛ ɔ, matsɛ ɔ ji nɛ ɔ nɛ daa si ngɛ titima a he kaa bɔ nɛ kusumi ɔ ngɛ ɔ. Asafoatsɛmɛ ɔmɛ, kɛ titimati kpali ɔmɛ daa si ngɛ e kasa nya, nɛ ma mi bi ɔmɛ tsuo ngɛ nyae nɛ a ngɛ titimati kpae. Kɛkɛ nɛ Atalia hía tade ɔmɛ ngɛ e he, nɛ e kpa ngmlaa nɛ e de ke, “Nyɛ tsɔ atuã! Nyɛ tsɔ atuã!”

Mose V, 32:29

A nyɛ we nɛ a na nɔ́ he je nɛ a ye a nɔ ɔ; a nui nɔ́ nɛ ba a sisi.

Mose IV, 14:6

Nun bi Yoshua, kɛ Yefune bi Kaleb, nɛ ji slaali ɔmɛ a ti nihi enyɔ hía a he tadehi,

Mose I, 37:29

Benɛ Ruben kpale e se kɛ ba muɔ ɔ he, nɛ e na kaa Yosef be muɔ ɔ mi ɔ, e kɛ aywilɛho hía e he tade ɔmɛ kɛ tsɔɔ kaa e hao lɛ.

Matsɛmɛ II, 5:6

Womi ɔ nɛ e hɛɛ kɛ ya ha Israel matsɛ ɔ, nɔ́ nɛ a ngma ngɛ mi ji, “Ke womi nɛ ɔ su o dɛ ɔ, na nɛ o le kaa i ngɛ ye tsɔlɔ Naeman o ngɔ tsɔe, nɛ o tsa e he womi nɔ hiɔ yaya a ha lɛ.”

Mose I, 50:19

Se Yosef de mɛ ke, “Nyɛ ko ye gbeye. Nyɛ susu kaa Mawu ji mi lo?

Samuel II, 1:11

Kɛkɛ nɛ David kɛ aywilɛho hía tade ɔ ngɛ e he, nɛ e we bi ɔmɛ tsuo pee ja nɔuu.