Matsɛmɛ II, 5:3 - BAIBLO ALOO NGMAMI KLƆUKLƆU Ɔ

³ Ligbi ko ɔ, e de e nyɛ ɔ ke, “I ná nɛ ye nyɔmtsɛ ɔ ya gbalɔ ɔ nɛ ngɛ Samaria a ngɔ, jinɛ e ma tsa e hiɔ ɔ ha lɛ.”

Matsɛmɛ II, 5:3 ပူးပေါင်းရင်းမြစ်များ

Ni Tsumi 26:29

Paulo he nɔ ke, “Be ɔ kɛ jio, e kɛ́ we jio; i na nɛ jinɛ Mawu ha e ba mi kaa pi mo nɔ kake kɛkɛ, se mohu nihi tsuo nɛ ngɛ mi tue bue mwɔnɛ nɛ ɔ hu ko pee kaa bɔ nɛ i ngɛ nɛ ɔ; kɔsɔkɔsɔ nɛ ɔmɛ pɛ lɛ a ko wo mɛ!”

Mose IV, 11:29

Se Mose he nɔ ke, “Imi lɛ o ngɛ hunga jee ha nɛ ɔ? I na jinɛ Yawɛ ngɔ e mumi ɔ ngɔ ha e ma a tsuo, nɛ mɛ tsuo a kpa ngmlaa kaa gbali!”

1 Korintobi 4:8

Tse nyɛ ná nɔ́ tsuaa nɔ́ nɛ hia nyɛ! Tse nyɛ ná ní momo! Nyɛ ngɛ matsɛ yee, be mi nɛ wɔɔ lɛɛ wa be nɔ́ ko mi; pi jã? I na nɛ nyɛ ngɛ matsɛ yee niinɛ, konɛ waa piɛ nyɛ he kɛ ye.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Matsɛmɛ II, 5:8

Benɛ Mawu nɔmlɔ Elisha nu sane nɛ ba a, e tsɔ ya de matsɛ ɔ ke, “Mɛni he je o hao kikɛ nɛ ɔ? Ha nɛ nyumu ɔ nɛ ba ye ngɔ, nɛ e maa na kaa gbalɔ ko ngɛ Israel.”

Matsɛmɛ II, 5:2

Be ko mi nɛ Siria bi ɔmɛ ba tua Israel ɔ, a nu Israel yiheyo wayoo ko nyɔguɛ kɛ ho, nɛ e ya sɔmɔ Naeman yo ɔ.

Matsɛmɛ II, 5:4

Benɛ Naeman nu he ɔ, e ho ya bɔ matsɛ ɔ nɔ́ nɛ yiheyo ɔ nɛ je Israel ɔ de ɔ.