Matsɛmɛ II, 5:27 - BAIBLO ALOO NGMAMI KLƆUKLƆU Ɔ

²⁷ Lɔ ɔ he ɔ, Naeman he womi nɔ hiɔ yaya a ma ba pue o he, nɛ o kɛ o nina maa nu hiɔ nɛ ɔ kɛ maa ya neneene.” Benɛ Gehazi je lejɛ ɔ, he womi nɔ hiɔ yaya pue e he, nɛ e he womi pee patapata kaa ngo.

Matsɛmɛ II, 5:27 ပူးပေါင်းရင်းမြစ်များ

Mose II, 4:6

Yawɛ de lɛ ekohu ke, “Ngɔɔ o nine kɛ hɔ o tade ɔ mi ngɛ o tsui nya.” Nɛ e pee jã. Se benɛ e je e nine ɔ, tsaoo, e nine ɔ he pee patapata kɛ hiɔ tsu, nɛ e hiɛ kaa snoo.

Matsɛmɛ II, 15:5

Yawɛ ha nɛ matsɛ ɔ nu he womi nɔ hiɔ yaya; nɛ hiɔ nɛ ɔ ngɛ e he kɛ ya si e gbenɔ ligbi. Enɛ ɔ he je ɔ, e klɛ̃ kɛ ya hi we kpa mi, nɛ e binyumu Yotam ba hi matsɛ we ɔ, nɛ e kɛ hyɛ ma a nɔ.

Mose IV, 12:10

nɛ bɔku ɔ je bo tsu ɔ yi mi ɔ, he womi nɔ hiɔ yaya pue Miriam he, nɛ e pee sakoo kaa snoo. Benɛ Aaron plɛ hyɛ Miriam nɛ e na kaa he womi nɔ hiɔ yaya lɛ ngɛ e he ɔ,

Hosea 10:13

Yayami nɛ nyɛ du ɔ, e yiblii nɛ nyɛ kpa. Lakpa amɛ nɛ nyɛ ye ɔ, a mi nɔ́ nyɛ ngɛ nae ɔ nɛ. “Nyɛ ngɔ nyɛ hɛ ngɔ fɔ nyɛ ta zugba lɛhi, kɛ nyɛ ta buli babauu ɔ a nɔ.

Matsɛmɛ II, 5:1

Siria matsɛ ɔ tatsɛ Naeman ji nɔ ko nɛ e nyɔmtsɛ ɔ buu lɛ saminya kaa nɔmlɔ agbo; ejakaa Yawɛ gu Naeman nɔ kɛ ha Siria ye kunimi. Katsɛ kpanaa ji lɛ; se he womi nɔ hiɔ yaya ngɛ e he.

Samuel II, 3:29

Musu ɔ nɛ tloo Yoab kɛ e tsɛ we ɔ tsuo. Se tso mi hiɔtsɛ, loo nɔ ko nɛ he womi nɔ hiɔ yaya ngɛ e he, loo nyumu nɛ peeɔ e ní kaa yo, loo nɔ nɛ a gbe lɛ ngɛ ta mi, loo hwɔ yeyeetsɛ kó ta Yoab kɛ e nina a we mi gblegbleegble.”

Yoshua 7:25

Jehanɛ Yoshua bi Akan ke, “Mɛni he je o hao wɔ kikɛ nɛ ɔ? Mwɔnɛ nɛ ɔ, Yawɛ hu maa hao mo!” Kɛkɛ nɛ Israel ma a tsuo fia Akan tɛ nɛ e gbo; a fia e weku li ɔmɛ hu tɛ, nɛ a kɛ la sã lɛ, kɛ e weku li, kɛ e nɔ́ tsuaa nɔ́.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

1 Timoteo 6:10

Ejakaa sika suɔmi ji yayamihi tsuo a sipoku. Ni komɛ kɛ hɛdɔ ya di sika se, nɛ a ngmɛɛ a hemi kɛ yemi ɔ he. Nɔ́ nɛ je mi kɛ ba kɛkɛ ji tsui yemi babauu.

Ni Tsumi 8:20

Se Petro de lɛ ke, “O kɛ o sika a tsuo hɛ mi nɛ kpata, ejakaa o susuu kaa Mawu nɔke nɔ́ ɔ, sika a kɛ heɔ!

Ni Tsumi 5:10

Amlɔ nɔuu ɔ, e tsɔ fia si ngɛ Petro nane nya, nɛ e gbo. Benɛ nihewi ɔmɛ ba su we ɔ mi ɔ, a na kaa e gbo; kɛkɛ nɛ a wo lɛ kɛ ho, nɛ a ya pu lɛ ngɛ e huno ɔ kasa nya.

Ni Tsumi 5:5

Benɛ Anania nu munyu nɛ ɔ, e tsɔ fia si, nɛ e gbo. Nihi tsuo nɛ nu sane nɛ ba a ye gbeye wawɛɛ nitsɛ.

Mose III, 13:10

nɛ e hyɛ lɛ. Ke e na nɔfu nɔ́ ko ngɛ e he womi nɔ, nɛ bwɔmi nɛ ngɛ lejɛ ɔ pee futaa, nɛ bua ba nɔfu nɔ́ ɔ mi ɔ,

Mose III, 13:25

osɔfo ɔ nɛ hyɛ lɛ. Ke e na kaa lejɛ ɔ nɔ lo mi, nɛ bwɔmi nɛ ngɛ loholoho ɔ mi ɔ pee futaa a, lɛɛ he womi nɔ hiɔ yaya lɛ je e he kpo ngɛ la pa a mi ɔ nɛ; osɔfo ɔ nɛ ha nɛ e le kaa e he tsɔ we.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.