Matsɛmɛ II, 5:26 - BAIBLO ALOO NGMAMI KLƆUKLƆU Ɔ

²⁶ Se Elisha de lɛ ke, “Anɛ benɛ nyumu ɔ kple si kɛ je e zugba lɛ ɔ mi nɛ e kɛ mo ba kpe ɔ, i be lejɛ ɔ ngɛ mumi mi lo? Anɛ be nɛ a kɛ heɔ sika, loo tadehi, loo oliv abɔɔhi, loo wai ngmɔhi, loo tohi, loo nahi, loo mawahi ji nɛ ɔ lo?

Matsɛmɛ II, 5:26 ပူးပေါင်းရင်းမြစ်များ

Kolosebi 2:5

E ngɛ mi kaa he lo mi ɔ, i be nyɛ ngɔ lɛɛ, se mumi mi ɔ, i kɛ nyɛ ngɛ. Ke i hyɛ bɔ nɛ nyɛ toɔ níhi blɔ nya saminya, kɛ bɔ nɛ nyɛ fi si kpɛii ngɛ hemi kɛ yemi nɛ nyɛ ngɛ ngɛ Kristo mi ɔ mi ɔ, e peeɔ mi bua jɔmi.

1 Korintobi 5:3

E ngɛ mi kaa i be nyɛ ngɔ ngɛ nɔmlɔ tso mi mohu, se mumi mi lɛɛ i kɛ nyɛ lɛ ngɛ. Nɔmlɔ nɛ tsu kikɛmɛ a ahlua ní nɛ ɔ ɔ, i bu lɛ fɔ momo ngɛ Nyɔmtsɛ Yesu Kristo biɛ mi kaa nɔ́ nɛ i ngɛ nyɛ kpɛti. Ke nyɛ kpe nɛ ye mumi piɛ nyɛ he ngɛ Yesu Kristo he wami nya a,

Matsɛmɛ II, 6:12

E tsɔli ɔmɛ a ti nɔ kake he nɔ ke, “Ye nyɔmtsɛ matsɛ! Pi nɔ ko nɔ ko! Gbalɔ Elisha nɛ ngɛ Israel ɔ, lɛ ji nɔ nɛ ke o tu munyu ngɛ o se tsu mi po nɛ e deɔ Israel matsɛ ɔ nɛ.”

Ni Tsumi 20:35

I ngɔ ní nɛ ɔmɛ tsuo kɛ to nyɛ okadi kaa jã nɛ e sa kaa a tsu ní nɛ a kɛ ye bua nihi nɛ be he wami ɔ, konɛ nyɛ kai Nyɔmtsɛ Yesu munyu nɛ lɛ nitsɛ e tu ɔ. E de ke, ‘Gbaami ngɛ nɔ́ hami mi pe nɔ́ sɔlemi mi.’ ”

Mateo 10:8

Nyɛ tsa hiɔtsɛmɛ; nyɛ tle ni gbogboehi si; nyɛ tsa nihi nɛ ngɛ he womi nɔ hiɔ yaya nue, nɛ nyɛɛ hia mumi yayamihi. Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.

Abɛ Womi 12:22

Yawɛ hiee lakpatsɛmɛ. Se nihi nɛ yeɔ anɔkuale ɔ, mɛɛ lɛɛ e naa a he bua jɔmi.

Abɛ Womi 12:19

Lakpa hii si be bɔɔ kɛkɛ, se anɔkuale lɛɛ e ngɛ daa.

La 63:11

Se matsɛ ɔ ma nya saminya; ejakaa Mawu haa e yeɔ kunimi. Nɔ tsuaa nɔ nɛ kɛ Mawu biɛ kaa kita a ma je Mawu yi boboobo, se lakpatsɛmɛ lɛɛ a ma ma a nya.

Matsɛmɛ II, 5:16

Elisha he nɔ ke, “I na Mawu nɛ i sɔmɔɔ lɛ ɔ kaa i be nɔ́ ko nɔ́ ko hee!” Naeman nyɛ e nɔ ke e he kɛkɛ; se e kplɛɛ we.

Mose I, 14:23

kaa i be o nɔ́ ko nɔ́ ko ngɔe, kpa jio, tokota nya fimi nɔ́ jio; konɛ o ko ba de hwɔɔ se ko ke, ‘Imi lɛ i pee Abram niatsɛ.’

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

Ni Tsumi 5:9

Jehanɛ Petro bi lɛ ke, “Kɛ pee kɛɛ nɛ nyɛ pee nyɛ nya kake kɛ ye Nyɔmtsɛ ɔ Mumi ɔ lakpa a, nyɛ susu kaa nyɛ maa ye nyɛ he lo? Hyɛ, nihi nɛ ya pu o huno ɔ, mɛ lɛ a kpale kɛ ma a nɛ; a ma wo mo hu kɛ ho!”

Yeremia 45:5

Moo lɛɛ ní nguahi o ngɛ hlae ha o he? Ko hla! Ejakaa ma ngɔ haomi kɛ ba adesahi tsuo a nɔ. Se moo lɛɛ he tsuaa he nɛ o maa gu ɔ, o he maa je mi. Imi, Yawɛ lɛ i de.”

Hagai 1:4

“Ye ma, anɛ e sa kaa nyɛɛ hi wehi nɛ a ma saminyawiiwi a mi, be mi nɛ imi nitsɛ ye we ɔ ku kɛ pueɔ si lo?