Matsɛmɛ II, 5:22 - BAIBLO ALOO NGMAMI KLƆUKLƆU Ɔ

²² Gehazi he nɔ ke, “Dɛbi! I hɛɛ we sane yobu ko. Ye nyɔmtsɛ ɔ lɛ tsɔ mi ke ma ba de mo ke amlɔ nɛ ɔ nɔuu nɛ gbali a kuu ɔ mi nihewi enyɔ je Efraim yo ɔ nɔ kɛ ba e ngɔ. Lɔ ɔ he ɔ, e kpa mo pɛɛ nɛ o ha mɛ sika hiɔ yi akpe etɛ, kɛ he dlami tade saminyawiiwi enyɔ.”

Matsɛmɛ II, 5:22 ပူးပေါင်းရင်းမြစ်များ

Matsɛmɛ II, 5:5

Siria matsɛ ɔ de lɛ ke, “Yaa nɛ o ya na Israel matsɛ ɔ; ma ha mo womi nɛ o hɛɛ kɛ ya ha lɛ.” Kɛkɛ nɛ Naeman pue nɔ kɛ ho. Benɛ e yaa a, e hɛɛ sika hiɔ yi akpe nyingmi etɛ, sika tsu yi akpe ekpa, kɛ he dlami tade saminyawiiwi nyɔngma kɛ ho.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Yeremia 9:5

Nɔ tsuaa nɔ ngɛ e nyɛmi sisie, nɛ nɔ ko nɔ ko tu we anɔkuale. A lilɛ be kɛ lakpa yemi, nɛ a kplɛɛ we kaa a ma kpa yayami peemi.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Yesaya 59:3

Nyɛ yeɔ fɔ, ejakaa nyɛ pueɔ muɔ si, nɛ nyɛ peeɔ yayamihi babauu. Yi wu tso níhi a he sɔuu nyɛ susuɔ, nɛ munyuhi nɛ jeɔ nyɛ nya a, lakpa sɔuu.

Matsɛmɛ II, 2:3

Kɛkɛ nɛ gbali a kuu ɔ nɛ ngɛ Betel ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ I, 20:39

Benɛ matsɛ ɔ bee ɔ, gbalɔ ɔ tsɛ lɛ, nɛ e de ke, “Nɛnɛ, i ngɛ ta nga nɔ, nɛ ta bulɔ ko ngɔ nyumu ko nɛ a nu lɛ ba ha mi, nɛ e de ke, ‘Ngɔɔ nyumu nɛ ɔ kɛ to; ke e tu fo ɔ, o kɛ o wami ma dani lɛ, aloo a ma he mo sika hiɔ yi akpe etɛ.’

Matsɛmɛ I, 20:35

Ngɛ Yawɛ fami nya a, gbali a kuu ɔ mi no ko de e nyɛmi gbalɔ ko ke e fia lɛ nɔ. Se e nyɛmi ɔ kua.

Matsɛmɛ I, 13:18

Gbalɔ nɔmoyo ɔ nɛ je Betel ɔ de lɛ ke, “Imi hu gbalɔ ji mi kaa mo. Yawɛ fa bɔfo ko ke e ba de mi ke ma ba ngɔ mo kɛ ba we mi nɛ o ba ye ní, nɛ o nu nyu.” Se gbalɔ nɔmoyo ɔ sisi lɛ.

Yoshua 24:33

Aaron bi Eleazar hu ba gbo, nɛ a pu lɛ ngɛ Gibea ngɛ Efraim yo ɔ nɔ, he nɛ a ngɔ kɛ ha e binyumu Finehas ɔ.

Manyadali 14:12

Samson de mɛ ke, “Ma sia nyɛ ajo ko. Ke nyɛ tsɔɔ mi sisi ngɛ okplɔɔ ngmɛmi ligbi kpaago nɛ ɔmɛ a mi ɔ, ma ha nyɛ bo nyingmi etɛ, kɛ he dlami tade nyingmi etɛ.

Matsɛmɛ II, 4:26

Tuu fo nɛ o kɛ lɛ ya kpe, nɛ o bi lɛ ke e ngɛ saminya lo. Bi lɛ ke e huno ɔ kɛ e binyumuyo ɔ hu ngɛ saminya lo.” Yo ɔ de Gehazi ke mɛ tsuo a ngɛ saminya,

Matsɛmɛ II, 5:21

Kɛkɛ nɛ Gehazi nyɛɛ Naeman se. Benɛ Naeman na kaa nɔ ko ma ngɛ e se kɛ fo ɔ, e kple si kɛ je zugba lɛ ɔ mi, nɛ e kɛ lɛ ba kpe. E bi lɛ ke, “Sane ko he je lo?”

Matsɛmɛ II, 5:25

Benɛ Gehazi kpale kɛ ba we ɔ mi ɔ, e nyɔmtsɛ ɔ bi lɛ ke, “Jije o je?” Nɛ e he nɔ ke, “Ye nyɔmtsɛ, i kpa mo pɛɛ, i yɛ he ko he ko.”

Matsɛmɛ II, 2:5

Kɛkɛ nɛ gbali a kuu ɔ nɛ ngɛ Yeriko ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ II, 2:7

nɛ gbali a kuu ɔ mi nihi nyingmi enuɔ nyɛɛ a se. Eliya kɛ Elisha ya da si ngɛ Yordan pa a nya, nɛ gbali nyingmi enuɔ ɔmɛ hu ho ya da si ngɛ a se, nɛ blɔ bɔɔ ngɛ a kpɛti.

Matsɛmɛ II, 2:15

Benɛ gbali a kuu ɔ nɛ ngɛ Yeriko ɔ na lɛ ɔ, a de ke, “Eliya mumi ɔ ba Elisha nɔ.” A ya nɛ a ya kpee lɛ, nɛ a kpla si ngɛ e hɛ mi;