Matsɛmɛ II, 5:17 - BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, Naeman de ke, “Lɛɛ ke ja a, i kpa mo pɛɛ, ha nɛ a ha mi tabo zu teji okpɔngɔ enyɔ a yi tlomi nɛ ma kɛ ya. Ejakaa kɛ je mwɔnɛ ɔ kɛ yaa a, i be sami bɔ, loo bɔ kpa ko sãe ha mawu kpa komɛ hu kaa ja Yawɛ kɛkɛ.

Matsɛmɛ II, 5:17 ပူးပေါင်းရင်းမြစ်များ

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.

Romabi 14:1

Nɔ ko nɛ hemi kɛ yemi mi wɛ ɔ, nyɛɛ kɛ lɛ ko sã nya ngɛ nɔ́ nɛ e susuɔ kaa e sa nɛ e pee, kɛ nɔ́ nɛ e ko pee he. Se mohu nyɛ he lɛ atuu kɛ ba nyɛ kpɛti.

Matsɛmɛ II, 5:12

Damasko pahi, Abana kɛ Farpar a, anɛ a hí pi pa amɛ tsuo ngɛ Israel lo? Anɛ i ko du we ngɛ lɔ ɔmɛ a mi nɛ ye he nɛ tsɔ lo?”

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

1 Tesalonikabi 1:9

Ni ɔmɛ tsuo yeɔ nyɛ he odase kpakpa kaa benɛ wa ba slaa nyɛ ɔ, nyɛ he wɔ atuu. Jehanɛ ɔ hu, nyɛ kpale kɛ je amagahi a se kɛ ba Mawu ngɔ, konɛ nyɛ ba sɔmɔ anɔkuale Mawu hɛ kalɔ ɔ.

Matsɛmɛ II, 5:18

Lɔ ɔ he ɔ, i heɔ yeɔ kaa ke i nyɛɛ ye nyɔmtsɛ matsɛ se kɛ ya Siria mawu ɔ nɛ a tsɛɛ Rimon ɔ we ɔ, nɛ i ya ja lɛ ɔ, Yawɛ kɛ nɔ́ nɛ ɔ maa pa mi. Niinɛ, Yawɛ kɛ maa pa mi.”