Matsɛmɛ II, 5:13 - BAIBLO ALOO NGMAMI KLƆUKLƆU Ɔ

¹³ E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

Matsɛmɛ II, 5:13 ပူးပေါင်းရင်းမြစ်များ

Matsɛmɛ II, 6:21

Benɛ Israel matsɛ ɔ na mɛ ɔ, e bi Elisha ke, “Tsaatsɛ, ma gbe mɛ lo? Ma gbe mɛ lo?”

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Matsɛmɛ II, 13:14

Ligbi ko, benɛ gbalɔ Elisha fɔɔ si kɛ gbenɔ hiɔ ɔ, Israel matsɛ, Yehoash ba slaa lɛ, nɛ e fo ya pue e nɔ; nɛ e de ke, “Tsaatsɛ! Tsaatsɛ! Mo ji Israel he falɔ kpanaa!”

Matsɛmɛ II, 2:12

Benɛ Elisha na nɔ́ nɛ ɔ, e kpa ngmlaa nɛ e de ke, “Tsaatsɛ! Tsaatsɛ! Israel ta zugba lɛhi kɛ a we okpɔngɔ ta buli!” Nɛ e nɛ lɛ hu. Lɔ ɔ se ɔ, Elisha gba lɛ nitsɛ e tade ɔmɛ a mi enyɔ.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Ni Tsumi 22:16

Mɛni he je nɛ o ngɛ tsle toe? Tee si nɛ o ha a sɔle mo ngɛ Nyɔmtsɛ ɔ biɛ mi, nɛ o kpa Mawu pɛɛ nɛ e ngɔ o he yayami kɛ pa mo.’

1 Korintobi 4:15

Nyɛ ngɛ nihi akpeakpe nɛ a ngɛ nyɛ nɔ hyɛe mohu, se nɛ nyɛ ba le Kristo ɔ, tsɛ kake pɛ lɛ nyɛ ngɛ. Ejakaa kɛ gu sane kpakpa a nɛ i ngɔ ba ha nyɛ ɔ nɔ ɔ, nyɛɛ kɛ Yesu Kristo ba bɔni bɔmi, nɛ i ba pee nyɛ tsɛ.

1 Korintobi 1:27

Mawu je blɔ hla je ɔ mi kuasia níhi, konɛ e kɛ gbe ní leli zo. Mawu hla je ɔ mi níhi nɛ gbɔjɔ, konɛ e kɛ gbe níhi nɛ a he wa a zo.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

Yohane 13:8

Petro de lɛ ke, “Dɛbi, ko fɔ ye nane he kɔkɔɔkɔ.” Yesu he nɔ ke, “Ke i fɔ we o nane he ɔ lɛɛ o pi ye kaselɔ hu.”

Mateo 23:9

Nyɛ ko tsɛ nɔ ko nɔ ko ngɛ zugba a nɔ ‘Tsɛ’, ejakaa Tsɛ kake pɛ nyɛ ngɛ nɛ ngɛ hiɔwe.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Yesaya 1:16

Nyɛɛ du nyɛ he, konɛ nyɛ he nɛ tsɔ. Nyɛ kpa yayami nɛ nyɛ ngɛ pee nɛ ɔ nɛ ma jɔɔ hyɛmi. Ee, nyɛ kpa yayami peemi,

La 51:7

Ngɔɔ nga nɛ a fi kɛ bla kaa bɛ kɛ tsu ye he, konɛ ye he nɛ tsɔ. Du ye he ha mi saminya, nɛ ma hiɛ futaa pe sinoo.

La 51:2

Du ha mi konɛ ye mu ní ɔmɛ, kɛ yayami ɔmɛ tsuo nɛ a je ye he kulaa.

Matsɛmɛ II, 8:9

Kɛkɛ nɛ Hazael pue nɔ kɛ ho Elisha ngɔ ya. E hɛɛ nike níhi nɛ ji Damasko ní kpakpa amɛ tsuo eko tsuaa eko afukpɔngɔ nyingmi eywiɛ yi tlomi kɛ ho. Benɛ e ya na Elisha a, e de lɛ ke, “O binyumu Benhadad, Siria matsɛ ɔ tsɔ mi ke ma ba bi mo ke hiɔ nɛ e ngɛ nue nɛ ɔ, e ma na he wami lo?”

Matsɛmɛ II, 5:10

Elisha tsɔ ya de lɛ ke, “Yaa nɛ o ya du o he ngɛ Yordan pa a mi si kpaago, kɛkɛ o he womi maa hi ekohu, nɛ o he ma tsɔ!”

Matsɛmɛ II, 5:3

Ligbi ko ɔ, e de e nyɛ ɔ ke, “I ná nɛ ye nyɔmtsɛ ɔ ya gbalɔ ɔ nɛ ngɛ Samaria a ngɔ, jinɛ e ma tsa e hiɔ ɔ ha lɛ.”

Matsɛmɛ I, 20:31

E tsɔli ɔmɛ ya de lɛ ke, “Wa nu kaa Israel matsɛmɛ ɔmɛ naa mɔbɔ. Lɔ ɔ he ɔ, ha nɛ waa ngɔ kpekpe ya bo kɛ muɔ wa mlɛ mi, nɛ waa ngɔ tangme ngɔ wo wa kuɛ, nɛ waa ya Israel matsɛ ɔ ngɔ kaa, alini e ma he o yi wami lo.”

Matsɛmɛ I, 20:23

Siria matsɛ, Benhadad tsɔli ɔmɛ de lɛ ke, “Israel bi ɔmɛ a mawu ɔmɛ ɔ, mawuhi nɛ hii yokuhi a nɔ ji mɛ; nɛ lɔ ɔ he je nɛ Israel bi ɔmɛ ye wa nɔ kunimi ɔ nɛ. Se ke waa kɛ mɛ hwu ngɛ nga nɔ ɔ, bɔ tsuaa bɔ nɛ pee ɔ, wa maa ye a nɔ.

Mose I, 41:43

E kɛ lɛ wo matsɛ ta zugba lɛ enyɔne ɔ mi, nɛ matsɛ tsɔli nyɛɛ e hɛ mi kɛ ngmlaa ke, “Nyɛ kpla si oo! E ma oo!” Bɔ nɛ a pee kɛ wo Yosef ganɔ ngɛ Egipt zugba a tsuo nɔ ji nɛ ɔ nɛ.

Yohane 9:7

Yesu de lɛ ke, “Yaa Siloam pa a mi nɛ o ya fɔ o he.” (Siloam sisi ji a tsɔ lɛ.) Kɛkɛ nɛ nyumu ɔ pue nɔ kɛ ho, nɛ e ya fɔ e he; nɛ benɛ e kpale kɛ ma a, e bɔni nɔ́ hyɛmi.

Samuel I, 24:11

Jehanɛ tsaatsɛ hyɛ, o bo ɔ nya nɛ ngɛ ye dɛ mi nɛ ɔ nɛ. Kaa i nyɛ po o bo ɔ nya, se i gbi mo ɔ, nɔ́ nɛ ɔ maa tsɔɔ mo kaa nɔ́ yayami, loo atuã tsɔmi ko be ye mi.

Samuel I, 28:23

Saul kplɛɛ we, nɛ e ke, “Dɛbi, i be ní yee.” Se e tsɔli ɔmɛ, kɛ yo ɔ nyɛ e nɔ kɛ ya si e bu mɛ tue. E te si ngɛ zugba, nɛ e hi sa a nɔ.