Matsɛmɛ II, 5:12 - BAIBLO ALOO NGMAMI KLƆUKLƆU Ɔ

¹² Damasko pahi, Abana kɛ Farpar a, anɛ a hí pi pa amɛ tsuo ngɛ Israel lo? Anɛ i ko du we ngɛ lɔ ɔmɛ a mi nɛ ye he nɛ tsɔ lo?”

Matsɛmɛ II, 5:12 ပူးပေါင်းရင်းမြစ်များ

Marko 1:9

Be bɔɔ se ɔ, Yesu je Nazaret ma a mi ngɛ Galilea kpokpa a nɔ kɛ ba, nɛ Yohane sɔle lɛ ngɛ Yordan pa a mi.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Abɛ Womi 19:11

Nɔ nɛ ngɛ juɛmi ɔ, e mi mi fu we mla. Ke nɔ ko tɔ̃ e nɔ nɛ e pui mi ɔ, lɔ ɔ woɔ e hɛ mi nyami.

Abɛ Womi 14:17

Nihi nɛ a mi mi kɛ́ fumi peeɔ a níhi basabasa kaa kuasiahi. Se ní leli lɛɛ a toɔ a tsui si.

Matsɛmɛ II, 5:17

Lɔ ɔ he ɔ, Naeman de ke, “Lɛɛ ke ja a, i kpa mo pɛɛ, ha nɛ a ha mi tabo zu teji okpɔngɔ enyɔ a yi tlomi nɛ ma kɛ ya. Ejakaa kɛ je mwɔnɛ ɔ kɛ yaa a, i be sami bɔ, loo bɔ kpa ko sãe ha mawu kpa komɛ hu kaa ja Yawɛ kɛkɛ.

Matsɛmɛ II, 2:14

E kɛ Eliya tade ɔ fia nyu ɔ mi, nɛ e bi ke, “Jije Yawɛ, Eliya Mawu ɔ ngɛ?” E ngɔ tade ɔ kɛ fia nyu ɔ mi ekohu, nɛ nyu ɔ mi gba kɛ ya hiɛ kɛ hiɛ; nɛ e nyɛɛ kɛ be.

Matsɛmɛ II, 2:8

Kɛkɛ nɛ Eliya je e tade ɔ, nɛ e koklo lɛ, nɛ e kɛ fia nyu ɔ mi. Nyu ɔ mi gba kɛ ya hiɛ kɛ hiɛ; nɛ mɛ ni enyɔ ɔmɛ tsuo a nyɛɛ zugba gbigbli nɔ kɛ be.

Zakaria 14:8

Jamɛ a be ɔ, nyu nɛ haa wami maa je Yerusalem kɛ be; fa ma ya sɛ Ngo wo ɔ mi, nɛ fa hu ma ya sɛ Mediterenia wo ɔ mi. Nyu ɔ maa hi bee daa, sapu, kɛ hiɔmi nɛmi be mi tsuo.

Matsɛmɛ II, 5:11

Se Naeman mi mi fu, nɛ e je lejɛ ɔ. Benɛ e yaa a, e de ke, “Hyɛ, i susu kaa e ma ba da si ngɛ ye kasa nya nɛ e ma tsɛ Yawɛ e Mawu ɔ biɛ; nɛ e maa fɔ̃ e nine ngɛ hiɔ nɔ kɛ ya kɛ ba, nɛ e ma tsa mi.

Abɛ Womi 16:32

Nɔ nɛ mi mi fu we mla a, e hi pe katsɛ; nɔ nɛ yeɔ e he nɔ ɔ, e hi pe tatsɛ nɛ ya ye ma ko nɔ kunimi.

Lahi 4:8

Ye we ayɛflo, ba nɛ wa kple si kɛ je Lebanon yo ɔmɛ a nɔ; ha nɛ waa je Lebanon; waa je Amana yo ɔ yi mi; waa je Senir kɛ Hermon yo ɔmɛ a yi mi he nɛ jatahi kɛ ngatsɛhi hii ɔ.

Yeremia 49:23

Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.