Matsɛmɛ II, 5:11 - BAIBLO ALOO NGMAMI KLƆUKLƆU Ɔ

¹¹ Se Naeman mi mi fu, nɛ e je lejɛ ɔ. Benɛ e yaa a, e de ke, “Hyɛ, i susu kaa e ma ba da si ngɛ ye kasa nya nɛ e ma tsɛ Yawɛ e Mawu ɔ biɛ; nɛ e maa fɔ̃ e nine ngɛ hiɔ nɔ kɛ ya kɛ ba, nɛ e ma tsa mi.

Matsɛmɛ II, 5:11 ပူးပေါင်းရင်းမြစ်များ

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Yohane 13:20

I ngɛ nyɛ dee anɔkuale mi ke, nɔ tsuaa nɔ nɛ heɔ nɔ nɛ i tsɔ lɛ atuu ɔ, imi nɔuu e he ɔ nɛ; nɛ nɔ tsuaa nɔ nɛ heɔ mi ɔ, nɔ nɛ tsɔ mi ɔ e he ɔ nɛ.”

Yohane 4:48

Se Yesu de lɛ ke, “Blɔɔ ke nyɛ nɛ okadihi, kɛ nyakpɛ níhi ɔ, lɛɛ nyɛ be hee maa ye!”

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Mateo 19:22

Benɛ niheyo ɔ nu nɔ́ nɛ ɔ, e kɛ aywilɛho je lejɛ ɔ; ejakaa e ngɛ ní babauu.

Mateo 15:27

Yo ɔ de ke, “Nyɔmtsɛ, e ngɛ mi ja mohu, se tse gbe ɔmɛ hu yeɔ bibliwi nɛ jeɔ a nyɔmtsɛmɛ ɔmɛ a we okplɔɔ nɔ pueɔ si ɔ eko!”

Mateo 8:8

Se Roma asafoatsɛ ɔ he nɔ ke, “Dɛbi, Nyɔmtsɛ, i sɛ kaa i haa nɛ o baa ye we mi; moo lɛɛ moo tu munyu kɛkɛ, nɛ ye nyɔguɛ ɔ ma na he wami.

Abɛ Womi 13:10

Nɔ buimi ɔ, haomi kɛkɛ e kɛ baa. Ní leli ji ni nɛmɛ nɛ buɔ ga womi tue.

Abɛ Womi 3:7

Koo bu o he ní lelɔ; moo ye Yawɛ gbeye, nɛ o tu yayami nya fo.

Abɛ Womi 1:32

Kuasiahi gboɔ, ejakaa a bui nile; a heɔ mɛ nitsɛmɛ a he yeɔ, nɛ nɔ́ nɛ ɔ kpataa a hɛ mi.

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Matsɛmɛ II, 5:10

Elisha tsɔ ya de lɛ ke, “Yaa nɛ o ya du o he ngɛ Yordan pa a mi si kpaago, kɛkɛ o he womi maa hi ekohu, nɛ o he ma tsɔ!”

Matsɛmɛ II, 5:12

Damasko pahi, Abana kɛ Farpar a, anɛ a hí pi pa amɛ tsuo ngɛ Israel lo? Anɛ i ko du we ngɛ lɔ ɔmɛ a mi nɛ ye he nɛ tsɔ lo?”

Matsɛmɛ II, 4:5

Yo ɔ ho nɛ e kɛ e bimɛ ɔmɛ ya sɛ tsu mi nɛ a nga sinya kɛ wo a yi. Be mi nɛ e bimɛ ɔmɛ ngɛ buɛ ɔmɛ muɔe kɛ ngɛ bae ɔ, yo ɔ lɛɛ e ngɛ buɛ ɔmɛ a mi nu woe.