Matsɛmɛ II, 5:10 - BAIBLO ALOO NGMAMI KLƆUKLƆU Ɔ

¹⁰ Elisha tsɔ ya de lɛ ke, “Yaa nɛ o ya du o he ngɛ Yordan pa a mi si kpaago, kɛkɛ o he womi maa hi ekohu, nɛ o he ma tsɔ!”

Matsɛmɛ II, 5:10 ပူးပေါင်းရင်းမြစ်များ

Yohane 9:7

Yesu de lɛ ke, “Yaa Siloam pa a mi nɛ o ya fɔ o he.” (Siloam sisi ji a tsɔ lɛ.) Kɛkɛ nɛ nyumu ɔ pue nɔ kɛ ho, nɛ e ya fɔ e he; nɛ benɛ e kpale kɛ ma a, e bɔni nɔ́ hyɛmi.

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Mose III, 14:7

Jehanɛ, é fĩa muɔ ɔ si kpaago kɛ pue nɔ nɛ nu he womi nɔ hiɔ yaya nɛ ma e he tsukɔmi ɔ nɔ, nɛ é ha nɛ e le kaa e he tsɔ. Lɔ ɔ se ɔ, é ngmɛɛ lohwe hɛngmengmletsɛ ɔ he nɛ é te kɛ ho nga mi ya.

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.

Matsɛmɛ II, 4:41

Elisha de ke a ha lɛ mamu; nɛ e kɛ mamu ɔ wo buɛ ɔ mi, nɛ e de ke, “Plɛ flɔɔ ɔ ha ni ɔmɛ nɛ a ye!” Jehanɛ, nɔ́ yobu ko be mi hu.

Yoshua 6:4

Osɔfohi kpaago nɛ a hɛɛ titimati kpaago nɛ a kɛ agbosu koli pee kɛ nyɛɛ somi daka a hɛ mi. Ligbi kpaagone ɔ nɔ ɔ, nyɛɛ bɔle ma a si kpaago, nɛ osɔfo ɔmɛ nɛ a hi titimati ɔmɛ kpae.

Mose IV, 19:19

Nɔ nɛ he tsɔ nɛ ɔ nɛ fĩa nyu ɔ kɛ pue nɔ nɛ he tsɔ we ɔ nɔ, ngɛ ligbi nɛ ji etɛne ɔ kɛ ligbi nɛ ji kpaagone ɔ a nɔ. Ke a julaa nɔmlɔ nɛ ɔ ngɛ ligbi nɛ ji kpaago ɔ nɔ se ɔ, e fɔ e tade ɔmɛ a he, nɛ e yɛ nyu nɛ e du e he; kɛkɛ ɔ, ke pu nɔ si ɔ, e he ma tsɔ ekohu.

Mose IV, 19:4

Osɔfo Eleazar nɛ ngɔ e nine nguɛ kɛ sɔ muɔ ɔ mi, nɛ e fĩa muɔ ɔ eko kɛ ya kpe he bo tsu ɔ hɛ mi si kpaago.

Mose III, 16:19

É ngɔ e nine nguɛ kɛ fĩa muɔ ɔ eko kɛ pue bɔ sami la tɛ ɔ nɔ si kpaago. É tsukɔ he, nɛ é pee lɛ klɔuklɔu ngɛ yayamihi nɛ Israel bi ɔmɛ pee kɛ ble la tɛ ɔ he.

Mose III, 16:14

É ngɔ na ku ɔ muɔ eko, nɛ e kɛ e nine nguɛ nɛ sɔ mi nɛ e kɛ fĩa somi daka nya nɔ ɔ hɛ mi. É kɛ muɔ ɔ nɛ fĩa somi daka nitsɛ hu hɛ mi si kpaago.

Mose III, 14:51

Jehanɛ, é ngɔ seda tso ɔ, nga nɛ a fi kɛ bla kaa bɛ ɔ, kɔjai ɔ, kɛ lohwe pɛlitsɛ hɛngmengmletsɛ ɔ, nɛ e kɛ sɔ lohwe pɛlitsɛ nɛ a gbe ɔ muɔ ɔ, kɛ nyu mua a mi, nɛ e kɛ fĩa we ɔ he si kpaago.

Mose III, 14:16

É kɛ e hiɔ nine nguɛ kake nɛ sɔ nu ɔ mi, nɛ é fĩa si kpaago ngɛ Yawɛ hɛ mi.

Matsɛmɛ II, 3:16

nɛ e de ke, “Bɔ nɛ Yawɛ de ji nɛ ɔ nɛ: ‘Ma ha nyu ma hyi nyu dɔ nɛ gbli nɛ ɔ.

Matsɛmɛ II, 2:21

nɛ e je kpo kɛ ho he nɛ nyu ɔ jeɔ kɛ baa a ya, nɛ e ya plɛ ngo ɔ ngɔ pue pa a mi. E de ke, “Bɔ nɛ Yawɛ de ji nɛ ɔ nɛ: ‘I tsukɔ nyu nɛ ɔ he; kɛ je mwɔnɛ ɔ kɛ yaa a, gbenɔ, aloo mi sanemi ko be mi jee kɛ ba hu.’ ”

Matsɛmɛ II, 5:9

Kɛkɛ nɛ Naeman kɛ e we okpɔngɔ ɔmɛ, kɛ zugba lɛ ɔmɛ ho nɛ a ya da si ngɛ Elisha we ɔ agbo ɔ nya.

Matsɛmɛ II, 5:11

Se Naeman mi mi fu, nɛ e je lejɛ ɔ. Benɛ e yaa a, e de ke, “Hyɛ, i susu kaa e ma ba da si ngɛ ye kasa nya nɛ e ma tsɛ Yawɛ e Mawu ɔ biɛ; nɛ e maa fɔ̃ e nine ngɛ hiɔ nɔ kɛ ya kɛ ba, nɛ e ma tsa mi.

Mose II, 4:18

Mose kpale kɛ ho e ngatsɛ Yetro ngɔ ya nɛ e ya de lɛ ke, “I kpa mo pɛɛ, ha mi blɔ nɛ ma kpale kɛ ya Egipt, nɛ ma ya hyɛ kaa ye nyɛmimɛ ɔmɛ ngɛ je mi kɛ mwɔɔ lo.” Yetro de Mose ke, “Blɔ ngɛ faa; blɔ ɔ nɔ nɛ jɔ ha mo.”

Mose III, 13:58

Ke e fɔ nɔ́ ɔ he, nɛ e na kaa nɔ́ yaya a je mi pɛsɛɛ ɔ, e fɔ he ekohu si enyɔne, kɛkɛ ɔ, nɔ́ ɔ he ma tsɔ kulaa.

Matsɛmɛ II, 4:35

Elisha te si nɛ e nyɛɛ kɛ ya kɛ ba ngɛ tsu ɔ mi, nɛ e ho ya bu jokuɛ ɔ nɔ ekohu. Kɛkɛ nɛ jokuɛ ɔ tsile si kpaago; nɛ lɔ ɔ se ɔ, e bli e hɛngmɛ.

Yohane 5:4

Be komɛ ɔ, Nyɔmtsɛ ɔ bɔfo ma kple si ba klɛ nyu ɔ mi; kɛkɛ ɔ, nɔ tsuaa nɔ nɛ lɛ kekle e ma ya nɔ nyu ɔ mi ɔ, hiɔ tsuaa hiɔ nɛ ngɛ e he ɔ taa amlɔ.]