Matsɛmɛ II, 5:1 - BAIBLO ALOO NGMAMI KLƆUKLƆU Ɔ

¹ Siria matsɛ ɔ tatsɛ Naeman ji nɔ ko nɛ e nyɔmtsɛ ɔ buu lɛ saminya kaa nɔmlɔ agbo; ejakaa Yawɛ gu Naeman nɔ kɛ ha Siria ye kunimi. Katsɛ kpanaa ji lɛ; se he womi nɔ hiɔ yaya ngɛ e he.

Matsɛmɛ II, 5:1 ပူးပေါင်းရင်းမြစ်များ

Luka 4:27

Jehanɛ ɔ se hu, gbalɔ Elisha be ɔ mi ɔ, nihi fuu ngɛ Israel nɛ he womi nɔ hiɔ yaya ngɛ a he. Se a tsa we a ti nɔ ko nɔ ko, pe Naeman, Siria no ɔ pɛ.”

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Abɛ Womi 21:31

Adesa dlaa e we okpɔngɔ he kɛ ha ta hwumi; se kunimi yemi ɔ lɛɛ Yawɛ dɛ mi e ngɛ.

Ester 9:4

Mordekai ba pee nɔmlɔ ngua ngɛ matsɛ we ɔ, nɛ e biɛ pɛ ngɛ nɔ yemi he ɔmɛ tsuo; ejakaa blɔ nya nɛ e hɛɛ ɔ ngɛ nɔ kuɔe, nɛ e nɔ gbɔ we gblee.

Mose V, 2:37

Hehi nɛ Yawɛ, wa Mawu ɔ fa wɔ ke wa ko ya a pɛ nɛ wa yɛ; mɛ ji Amon bi ɔmɛ a zugba a, Yabok pa a nya hiɛ kɛ hiɛ, kɛ a ma amɛ nɛ ngɛ yo nɔ ɔ, kɛ he kpa komɛ hulɔ.

Ester 10:3

Yuda no, Mordekai ji Matsɛ Ahasuerus nitsɛ e se yelɔ. E hɛɛ blɔ nya nguaa ngɛ ma, Yuda bi ɔmɛ a kpɛti, nɛ a suɔ lɛ saminya. E hlaa kaa e ma mi bi ɔmɛ nɛ a ya nɔ, nɛ e daa mi ha mɛ konɛ níhi a mi nɛ hi ha mɛ.

Matsɛmɛ II, 4:8

Ligbi ko ɔ, Elisha ya Shunem, nɛ e ya na yo niatsɛ ko ngɛ lejɛ ɔ. Yo ɔ fa kue ha lɛ ke e ye nɔ́ ko doo. Lɔ ɔ he ɔ, be tsuaa be nɛ e maa be ngɛ jamɛ a blɔ ɔ nɔ ɔ, e ma gba yo ɔ we ɔ mi ya ye ní.

Mose II, 11:3

Yawɛ dloomi nya a, Egipt bi ɔmɛ na Israel bi ɔmɛ a he bua jɔmi. Niinɛ, Farao ɔ tsɔli ɔmɛ, kɛ ma a tsuo buu Mose kaa nɔmlɔ ngua nitsɛnitsɛ ngɛ Egipt zugba a nɔ.

2 Korintobi 12:7

Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Matsɛmɛ II, 7:3

Nyumuhi eywiɛ komɛ nɛ he womi nɔ hiɔ yaya ngɛ a he hi Samaria ma a agbo ɔ nya. Ligbi ko ɔ, a de a he ke, “Mɛni he je wa maa hi si ngɛ hiɛmɛ nɛ ɔ kɛ yaa si wa ma gbo ɔ?

Samuel II, 3:29

Musu ɔ nɛ tloo Yoab kɛ e tsɛ we ɔ tsuo. Se tso mi hiɔtsɛ, loo nɔ ko nɛ he womi nɔ hiɔ yaya ngɛ e he, loo nyumu nɛ peeɔ e ní kaa yo, loo nɔ nɛ a gbe lɛ ngɛ ta mi, loo hwɔ yeyeetsɛ kó ta Yoab kɛ e nina a we mi gblegbleegble.”

Matsɛmɛ II, 5:27

Lɔ ɔ he ɔ, Naeman he womi nɔ hiɔ yaya a ma ba pue o he, nɛ o kɛ o nina maa nu hiɔ nɛ ɔ kɛ maa ya neneene.” Benɛ Gehazi je lejɛ ɔ, he womi nɔ hiɔ yaya pue e he, nɛ e he womi pee patapata kaa ngo.

Matsɛmɛ II, 5:2

Be ko mi nɛ Siria bi ɔmɛ ba tua Israel ɔ, a nu Israel yiheyo wayoo ko nyɔguɛ kɛ ho, nɛ e ya sɔmɔ Naeman yo ɔ.