Matsɛmɛ II, 4:43 - BAIBLO ALOO NGMAMI KLƆUKLƆU Ɔ

⁴³ Se e tsɔlɔ ɔ de ke, “Nɔ́ nɛ ɔ tsa be nimli lafa sue!” Elisha ti mi nɛ e de lɛ ekohu ke, “Ngɔɔ ya ha ni ɔmɛ nɛ a ye; ejakaa bɔ nɛ Yawɛ de ji nɛ ɔ nɛ: ‘A maa ye hluu nɛ eko maa piɛ.’ ”

Matsɛmɛ II, 4:43 ပူးပေါင်းရင်းမြစ်များ

Luka 9:13

Se Yesu de mɛ ke, “Nyɛ nitsɛmɛ nyɛ ha mɛ nɔ́ ko nɛ a ye.” A he nɔ ke, “Abolo enuɔ, kɛ lo enyɔ pɛ wa ngɛ. Wa tsa be nyɛe ma ya he niye ní ba ha ma kpekpemi nɛ ɔ tsuo!”

Mateo 14:20

Mɛ tsuo a ye nɛ a tɔ. Lɔ ɔ se ɔ, a bua bibliwi nɛ piɛ ɔ nya ngɔ wo kusii nyɔngma kɛ enyɔ mi, nɛ a hyi tɔtɔɔtɔ.

Yohane 6:9

“Jokuɛ nyumuyo ko ngɛ hiɛ ɔ nɛ hɛɛ abolo bɔbɔɛ enuɔ nɛ a kɛ ngma pee, kɛ lo tsɔwi enyɔ, se lɔ ɔmɛ po tsa sui nɔ́ ko kɛ ha ma kpekpemi nɛ ɔ.”

Luka 9:17

Mɛ tsuo a ye, nɛ a tɔ, nɛ kaseli ɔmɛ bua bibliwi nɛ piɛ ɔ nya ngɔ wo kusii nyɔngma kɛ enyɔ mi.

Marko 8:20

“Jehanɛ, be nɛ i ku abolo kpaago ɔ mi ha nimli akpe eywiɛ ɔ hu nɛɛ; bibliwi kusii nyɛmɛ nyɛ kukuɔ?” A he nɔ ke, “Kpaago.”

Mateo 15:37

Mɛ tsuo a ye nɛ a tɔ. Lɔ ɔ se ɔ, a bua bibliwi nɛ piɛ ɔ nya ngɔ wo kusii kpaago a mi, nɛ a hyi tɔtɔɔtɔ.

Marko 8:4

E kaseli ɔmɛ he nɔ ke, “Jije nɔ ko ma ná niye ní nɛ maa su nimli kpekpemi nɛ ɔmɛ a nya ngɛ nga nɔ hiɛmɛ nɛ ɔ?”

Mose IV, 11:13

Jije ma ná de lo ngɛ kɛ ha ma nɛ ɔ tsuo? Ejakaa a wo yana kɛ wo mi, nɛ a ngɛ mi dee ke ma ha mɛ de lo nɛ a ye.

Mose IV, 11:23

Yawɛ bi Mose ke, “Anɛ nɔ́ nɛ ɔ pe Yawɛ, nɛ e be nyɛe maa pee lo? Si nɛ i wo ɔ, e maa ba mi jio, e be mi bae jio, o maa na piɔ.”