Matsɛmɛ II, 4:42 - BAIBLO ALOO NGMAMI KLƆUKLƆU Ɔ

⁴² Be kpa mi ɔ, nyumu ko je Baal Shalisha kɛ ba, nɛ e ba ke Mawu nɔmlɔ ɔ abolo bɔbɔɛ nyingmi enyɔ nɛ a kɛ akoko kpokploku pee, kɛ blɛfo tso mumu ngɛ kotoku mi. Elisha de e tsɔlɔ ɔ ke, “Ngɔɔ ya ha ni ɔmɛ nɛ a ye.”

Matsɛmɛ II, 4:42 ပူးပေါင်းရင်းမြစ်များ

Samuel I, 9:7

Saul bi tsɔlɔ ɔ ke, “Ke wa ya a, mɛni wa ma ha nyumu ɔ?” E ya nɔ nɛ e de ke, “Abolo ɔ nɛ ngɛ wa kotoku ɔmɛ a mi ɔ ta, nɛ nɔ́ ko be nɛ wa ma ha ní nalɔ ɔ.”

Yohane 6:13

A pee jã, nɛ abolo bɔbɔɛ enuɔ nɛ a kɛ ngma pee, nɛ a ye piɛ ɔ, bibliwi nɛ a bua nya a hyi kusii nyɔngma kɛ enyɔ.

Yohane 6:9

“Jokuɛ nyumuyo ko ngɛ hiɛ ɔ nɛ hɛɛ abolo bɔbɔɛ enuɔ nɛ a kɛ ngma pee, kɛ lo tsɔwi enyɔ, se lɔ ɔmɛ po tsa sui nɔ́ ko kɛ ha ma kpekpemi nɛ ɔ.”

Matsɛmɛ II, 7:1

Se Elisha de ke, “Nyɛɛ bu Yawɛ munyu tue! Yawɛ ke, hwɔɔ maa pee be nɛ ɔ mi ɔ, a maa jua ngma mamu bukɔbukɔ kilo etɛ, sika hiɔ yi kake; nɛ a ma he blɛfo kilo ekpa hu sika hiɔ yi kake ngɛ Samaria ma a agbo ɔ nya.”

Samuel I, 9:4

A ya kpa Efraim yo ɔ nɔ, kɛ Shalisha zugba a nɔ, se a nɛ teji ɔmɛ. A tsa nɔ kɛ ya gu Shaalim zugba a nɔ, se teji ɔmɛ be lejɛ ɔ hulɔ. Jehanɛ, a ya gu Benyamin zugba a nɔ, se a nɛ mɛ.

1 Korintobi 9:11

Ke wa ba du mumi mi níhi ngɛ nyɛ tsui mi ɔ, anɛ e ji nɔ́ ko nɛ he wa tsɔ kaa wɔ hu wa na he lo ɔ hiami níhi kɛ je nyɛ dɛ lo?

Matsɛmɛ II, 4:38

Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Mose V, 32:14

Na amɛ, kɛ to ɔmɛ ha nyɔ nyu babauu; e ha ma a jijɔ, apletsi, kɛ na kpakpahi; a ye ní kpakpa, nɛ a nu dã kpakpa.

Mose V, 12:6

Nyɛ ya sã nyɛ sami bɔ ɔmɛ, bɔ kpa amɛ, nyɛ níhi a mi dlami nyɔngmanyɔngma mi kakaaka amɛ, kɛ nyɛ bɔ ɔmɛ tsuo ngɛ lejɛ ɔ. Nike ní nɛ nyɛ wo si ke nyɛ ma ha Yawɛ, kɛ nike ní nɛ je nyɛ tsui mi faa, nyɛ na amɛ, kɛ nyɛ to ɔmɛ a kekleekle bi ɔmɛ hu nyɛɛ ngɔ kɛ ya lejɛ ɔ.

Mose V, 8:8

E ji zugba nɛ ngma, blɛfo, wai yiblii, ngmɔkɔ, tso nɛ yiblii ngɔɔ, oliv tso, kɛ hwo ngɛ nɔ.

Mose II, 23:16

“Nyami be enyɔne ɔ ji Ngmakpami nyami be. Ngɔɔ níhi nɛ o du ngɛ o ngmɔ mi ɔ kekleekle yiblii kɛ ba sã bɔ kɛ ye Ngmakpami nyami be. “Nyami be etɛne nɛ ɔ ji Gbasisihimi nyami be. O maa ye nyami be nɛ ɔ jeha a nyagbe, benɛ o ngɛ o ngmɔ nɔ ní ɔmɛ a nya buae.

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

Matsɛmɛ I, 14:3

Ngɔɔ abolo mamɛ nyɔngma, kɛ keeki, kɛ hwo tɔ kake kɛ ya ha lɛ, nɛ e ma de mo nɔ nɛ maa pee wa binyumu.”

Matsɛmɛ II, 5:5

Siria matsɛ ɔ de lɛ ke, “Yaa nɛ o ya na Israel matsɛ ɔ; ma ha mo womi nɛ o hɛɛ kɛ ya ha lɛ.” Kɛkɛ nɛ Naeman pue nɔ kɛ ho. Benɛ e yaa a, e hɛɛ sika hiɔ yi akpe nyingmi etɛ, sika tsu yi akpe ekpa, kɛ he dlami tade saminyawiiwi nyɔngma kɛ ho.

Mose IV, 18:12

“Jehanɛ, nu, wai he, kɛ blɛfo kpokploku, nɛ ji kekleekle yiblii nɛ a kɛ ba haa imi Yawɛ ɔ, lɔ ɔmɛ hu i ngɔ kɛ ha mo.

Mose IV, 18:13

Jã kɛ̃, nɔ́ tsuaa nɔ́ nɛ puɛɔ ngɛ a zugba a nɔ ɔ, a kekleekle yiblii nɛ a kɛ ba haa mi ɔ maa pee o nɔ. O we mi bimɛ tsuo nɛ a he tsɔ ɔ, a ye eko.