Matsɛmɛ II, 4:38 - BAIBLO ALOO NGMAMI KLƆUKLƆU Ɔ

³⁸ Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Matsɛmɛ II, 4:38 ပူးပေါင်းရင်းမြစ်များ

Matsɛmɛ II, 8:1

Elisha de Shunem yo ɔ nɛ e binyumu ɔ gbo, nɛ lɛ, Elisha a tle lɛ si ɔ ke, “Moo mia nɛ o kɛ o we mi bi ɔmɛ nyɛɛ ho nɛ nyɛ ya to nubwɔ ngɛ he tsuaa he nɛ nyɛ ma na; ejakaa Yawɛ ma ha nɛ hwɔ maa ba zugba a nɔ jeha kpaago.”

Matsɛmɛ II, 2:3

Kɛkɛ nɛ gbali a kuu ɔ nɛ ngɛ Betel ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ II, 2:1

Benɛ e piɛ bɔɔ nɛ Yawɛ maa ngɔ Eliya kɛ ho hiɔwe ya ngɛ lasiogblee mi ɔ, jamɛ a be ɔ, Eliya kɛ Elisha ngɛ nyɛɛe kɛ je Gilgal.

Ni Tsumi 22:3

“Yuda no ji mi; nɛ a fɔ mi ngɛ Tarso ngɛ Kilikia mohu, se Yerusalem hiɛmɛ nɛ ɔ nɛ a lɛ mi ngɛ. Gamaliel lɛ tsɔɔ mi ní. A tsɔse mi bɔ nɛ sa ngɛ wa nɛmɛ ɔmɛ a mlaa a nya. I kplɛɛ we nɔ́ ngɛ Mawu he kaa bɔ nɛ nyɛ tsuo nyɛ ngɛ pee mwɔnɛ nɛ ɔ.

Luka 10:39

Marta ngɛ nyɛmiyo ko nɛ a tsɛɛ lɛ Maria. Maria ba hi si ngɛ Nyɔmtsɛ ɔ nane nya, nɛ e ngɛ nɔ́ nɛ e ngɛ dee ɔ tue bue.

Mose III, 26:26

Ma ha nɛ nyɛ niye ní se maa po kulaa. Niye ní he maa hia bɔ nɛ abolo tsuo nɛ nyɛ maa ye ɔ, yihi nyɔngma pɛ maa sã ngɛ flɔɔnɔɔ kake mi. A maa ngmɛ abolo ɔ ngɛ sɛni tɛ nɔ ha nyɛ, nɛ ke nyɛ ye ɔ nyɛ be tɔe.

Ni Tsumi 15:36

Pee se ɔ, Paulo de Barnaba ke, “Ha waa kpale wa se kɛ ya mahi tsuo nɛ wa fiɛ Nyɔmtsɛ ɔ sɛ gbi ɔ ngɛ a mi ɔ. Wa ya slaa nyɛmimɛ ɔmɛ nɛ ngɛ lejɛ ɔmɛ, nɛ waa hyɛ bɔ nɛ a ngɛ nɔ yae ha.”

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Yohane 21:9

Benɛ a ba kple ɔ, a na kaa a ngɔ hã kɛ slɛ la ngɛ lejɛ ɔ, nɛ lo pueɔ si ngɛ nɔ, kɛ abolo hulɔ.

Yohane 21:5

E bi mɛ ke, “Ye bimɛ, nyɛ ná nɔ́ ko lo?” A he nɔ ke, “Dɛbi, wa nɛ́ nɔ́ ko nɔ́ ko.”

Luka 9:13

Se Yesu de mɛ ke, “Nyɛ nitsɛmɛ nyɛ ha mɛ nɔ́ ko nɛ a ye.” A he nɔ ke, “Abolo enuɔ, kɛ lo enyɔ pɛ wa ngɛ. Wa tsa be nyɛe ma ya he niye ní ba ha ma kpekpemi nɛ ɔ tsuo!”

Luka 8:38

Nyumu ɔ nɛ mumi yayami ɔmɛ je e mi ɔ, kpa Yesu pɛɛ ke e ha nɛ e kɛ lɛ nɛ ya. Se Yesu wo lɛ blɔ, nɛ e de lɛ ke,

Luka 8:35

nɛ nihi je kpo kɛ ba, konɛ a ba hyɛ. Benɛ a ba su Yesu ngɔ ɔ, a na nyumu ɔ nɛ mumi yayami ɔmɛ je e mi ɔ nɛ e hii si ngɛ Yesu nane nya. E wo tade, nɛ e hɛ mi tsɔ lɛ. Nɛ mɛ tsuo a ye gbeye.

Luka 4:25

“Nyɛɛ bu tue! Niinɛ, gbalɔ Eliya be ɔ mi ɔ, yalɔyihi babauu ngɛ Israel. Hiɔmi nɛ́ jeha etɛ kɛ fa sɔuu, nɛ hwɔ nɛ nya wa ba zugba a tsuo nɔ.

Marko 6:37

Se Yesu he nɔ ke, “Nyɛ nitsɛmɛ nyɛ ha mɛ nɔ́ ko nɛ a ye.” A bi lɛ ke, “Anɛ waa ya nɛ wa ya he abolo sika hiɔ yi lafa enyɔ nya ha mɛ nɛ a ye lo?”

Ezekiel 24:3

Buu abɛ nɛ ɔ kɛ tsɔɔ ma tue gboli nɛ ɔmɛ; nɛ o de mɛ ke abɛ nɛ ɔ, imi Nyɔmtsɛ Yawɛ nitsɛ lɛ i ngɛ mɛ bue. Ngɔɔ buɛ ɔ kɛ ma la a nɔ; yɛɛ nyu kɛ wo buɛ ɔ mi.

Ezekiel 14:13

“Nɔmlɔ adesa, ke ma ko pee yayami, nɛ e yi mi anɔkuale ɔ, tue gblami nɛ e ma na ji, ma ha nɛ e niye ní se maa po, nɛ hwɔ maa ba ma a nɔ; nimlihi kɛ lohwehi tsuo a hɛ mi ma kpata.

Abɛ Womi 8:34

Nɔ nɛ buɔ mi tue, nɛ e hii si ngɛ ye sinya nya daa ligbi, nɛ e hii mlɛe ngɛ ye agbo nya a, e naa bua jɔmi.

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Samuel I, 19:20

e tsɔ nihi ke a ya nu lɛ kɛ ba. Se benɛ tsɔli ɔmɛ na gbali a kuu ɔ nɛ a ngɛ doe, nɛ a ngɛ huhui kpae, nɛ Samuel hu ngɛ a kpɛti kaa a nyatsɛ ɔ, Mawu mumi ɔ ba Saul tsɔli ɔmɛ a nɔ, nɛ mɛ hu a bɔni domi kɛ huhui kpami.

Luka 2:46

Ligbi etɛne ɔ, a ya na lɛ ngɛ sɔlemi we ɔ nɛ e hii si ngɛ mlaa tsɔɔli ɔmɛ a kpɛti; e ngɛ mɛ tue bue, nɛ e ngɛ mɛ ní bie.

Mose I, 25:29

Ligbi ko ɔ, Yakob ngɛ yɔ flɔɔ ko pee; kɛkɛ nɛ Esau je de nga mi kɛ ba nɛ hwɔ gbe lɛ.

Matsɛmɛ II, 4:39

A ti nɔ kake ho nga a nɔ ya nɛ e ya tsɔ pui ba kɛ ba; se e ya tsɔ nga mi atlɛ mohu babauu. Benɛ e ba a, e poo a mi tsɔwitsɔwi kɛ wo pɔ buɛ ɔ mi; se e li nɔ́ nɛ ji.

Ezekiel 11:3

A deɔ ke, ‘E sui be nɛ wa maa ma tsuhi lolo. Ma nɛ ɔ ngɛ kaa dade kutu agbo ko; nɛ wɔ nimli ɔmɛ wa ngɛ kaa lo ngɛ kutu ɔ mi!’

Ezekiel 11:7

“Lɔ ɔ he ɔ, bɔ nɛ imi Nyɔmtsɛ Yawɛ, i ngɛ nyɛ dee ji nɛ ɔ nɛ. Niinɛ, dade kutu agbo ji ma nɛ ɔ; se lo ɔ nɛɛ? Nihi nɛ nyɛ gbe ngɔ pue ma a mi gbɛjegbɛ ɔmɛ a nɔ ɔ, mɛ ji lo ɔ nɛ! Nyɛ be hiɛmɛ nɛ ɔ hie hu; ma ha a ma je nyɛ kɛ je ma a mi!

Amos 7:14

Kɛkɛ nɛ Amos he nɔ nɛ e de Amazia ke, “Pi gbalɔ ji mi, nɛ pi gbalɔ bi ji mi hulɔ. To hyɛlɔ ji mi, nɛ i tsuɔ ngmɔkɔ tso he ní.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ II, 4:1

Gbali ɔmɛ a kuu ɔ mi no ko e yo ya fa kue ha Elisha, nɛ e de lɛ ke, “O tsɔlɔ, nɛ ji imi lɛɛ ye huno ɔ, e gbo. Nɛ kaa bɔ nɛ o le ɔ, o tsɔlɔ ɔ yeɔ Yawɛ gbeye. Se nyumu ko nɛ e ya pa sika ngɛ e dɛ ɔ ba nu ye binyumuwi enyɔ ɔmɛ kɛ pee e nyɔguɛhi.”

Hiob 30:4

Tso sipoku, kɛ ba ji a niye ní.